搜尋此網誌

2013年1月3日星期四

[壹週刊]冇數講 失《叱吒》五強  Kary使橫手踢走 G.E.M.

遊戲就係咁玩㗎啦!(設計對白) <br><br>前年由金牌大風跳去環球的 Kary即成一姐,且定今年 1月在紅館開個唱力穀上位。


探熱針

冇數講 失《叱吒》五強  Kary使橫手踢走 G.E.M.

2013年01月03日

商台《叱吒樂壇》頒獎禮十二月初公布經網上投票「我最喜愛女歌手」最後五強,但網民熱捧, fb fans有三十七萬的 G.E.M.卻離奇不入。四商台好友:容祖兒、何韻詩、王菀之、同產子停工多時的楊千嬅繼續霸靚位,一二年過檔環球的 Kary(吳雨霏),爆冷佔一席位。

不服輸, G.E.M.決定仿效古巨基,杯葛《叱吒》,並在網上寸商台洩憤。據悉,明年初會在紅館開個唱的 Kary,便是令 G.E.M.五強不入的幕後黑手。俾人 㩒住砌, G.E.M.經理人開聲噴:「踩住人上位,本末倒置!」

搵高層出手

巨肺 G.E.M.一二年推出的唱片銷量過萬張, MV亦有過百萬網上點擊率,大大拋離其他歌手,五強不入後,憤憤不平的 G.E.M.拍短片發洩。「如果我冇得獎,台上得獎 嘅係優秀歌手,我係心悅誠服……如果你表達 嘅 嘢同你做 嘅 嘢唔一致,咁就唔公平!」已經一肚氣,還引來藍奕邦及何韻詩暗寸。

有指 G.E.M.之所以五強不入,全因 Kary所致。有指環球唱片高層黃劍濤( Duncan)為保住 Kary做公司一姐,一直出力勁穀外,更向商台施壓,要幫她在《叱吒》造勢。

「講網上 MV點擊率, G.E.M.首新歌《 Someday I'll Fly》係過百萬, Kary隻《狠狠》得十幾萬,差一個零大比數拋離,「我最喜愛女歌手」原先預 咗阿 G.E.M.係五強之一,不過環球攞住 Eason做籌碼,所以最後商台都夾硬踢走阿 G.E.M.,俾 Kary上。」商台員工透露。

放大圖片

早前商台的艾粒出言寸 G.E.M.,令杯葛《叱吒》的她拍了條短片宣洩感受,因片中播放叱吒頒獎禮片段,故有指她暗寸商台。

放大圖片

打成平手

早前在分豬肉的新城勁爆頒獎禮, Kary與 G.E.M.打成平手,各得三個獎項。

放大圖片

古巨基以放假為由杯葛《叱吒》,但抱不平的 G.E.M.經理人 Tan,則開聲炮轟商台及唱片公司!

炮轟踩住人上

被 Kary離奇攝位, 㷫爆的 G.E.M.經理人阿 Tan,忍唔住要噴。「我雖然都欣賞 Kary,但唔明 啲唱片公司點解仲用啲咁 嘅手段做 嘢,踩住人上位,係本末倒置;咁樣係玩死樂壇,兼自毀,自焚!網上數據係用錢都買唔到,反映真實,先至係真正榮耀,如果唔係俾個獎你攞又點?唔該同行俾心機做好音樂,唔好只係單單做好遊說工作(講數),咁樣係浪費資源同時間!」

據知,商台為安撫 G.E.M.,預咗頒一首《叱吒》歌曲獎作補償,但阿 Tan聲言不稀罕。

「上年入唔到五強已經好奇怪,今年網上投票結果咁唔合理仲過分! G.E.M.嘅 gemblog( YouTube channel)有六千萬點擊率,就算個投票結果係咪閉門造車都好,無可能入唔到。作為電台,唔係某 啲人話要點就點!就算有獎俾我 哋,都唔稀罕。連森美都公開講過,話今年頒獎禮唔係事實 嘅全部!」

對於藍奕邦在微博暗寸 G.E.M.要飲水思源同謙卑,又指自己等了八年才得第一首冠軍歌, G.E.M.的經理人說:「其實我 哋只係想媒體尊重頒獎禮意義,同盡力去做一個有權威性 嘅頒獎禮,鼓勵有質素 嘅歌手,而唔係覺得俾個獎你,係益你 嘅態度!」

網上成績表

今時今日,網民反應最能反映受歡迎程度。故從網友點擊率睇, G.E.M.的民望確比 Kary略勝一籌。

放大圖片

藍奕邦亦在微博寸 G.E.M.,但她不在乎,其經理人還說:「我只講出對媒體嘅訴求啫!」

有指古巨基因不滿新歌《初初》遭商台打壓,造就自己友環球旗下的 Eason可穩奪《叱吒》男歌手金獎,一怒下以放假為由杯葛《叱吒》,就連今年走勢不俗的新人胡鴻鈞亦要輸俾環球新人林德信。



.[壹週刊]冇數講 失《叱吒》五強  Kary使橫手踢走 G.E.M.
http://veryy8.blogspot.com/2013/01/kary-gem.html
Related Posts Plugin for WordPress, Blogger...