2013年1月3日星期四

[壹週刊]周柏豪 SM加料

俾女 dancer以倒豎胸加鉸剪腳夾實，周柏豪再響對方腰腹位摸完又摸，之後再嚟多個一王三後鐵鏈陣，喂！仲差滴蠟喎！

同你吟一吟

周柏豪 SM加料

2013年01月03日

早排周柏豪影相寫文放上網，話自己從一隻爛杯悟出人生大道理，即被網友笑係「大文豪」，但上個禮拜五晚（十二月二十八日）佢響九龍灣展貿舉行一連三場處男個唱後，即刻改名「 SM豪」。

一開場，周柏豪就同著內衣黑絲襪嘅女 dancer互摸兼且做出唔少意淫動作，之後整多兩個，一男三女 4P加除衫騷肌再加鐵鏈，由造型到道具，充滿 SM味。

好戲陸續有來，之後周柏豪邀請有「翻版徐子淇」之稱嘅緋聞女友鍾浠文上台。同一 dress code，一樣係內衣加黑絲襪，二人台上激嘴加重料，聽講呢個 idea係周柏豪自己提議。

既然大家響合家歡時段睇電視，可以見到楊怡咬啜劉松仁下唇，江美儀著褻衣跳艷舞勾人上床，咁開演唱會唔玩 SM，唔通真係攞住支咪棟篤唱！

放大圖片