搜尋此網誌

2013年1月3日星期四

[壹週刊]逃學威龍 怒拒陪客 亞姐馮雪冰:我配合唔到!

俾番個後冠我先講啦!(設計對白)


探熱針

逃學威龍 怒拒陪客 亞姐馮雪冰:我配合唔到!

2013年01月03日

王征不理公憤,繼續強制亞視藝人上洗腦班,企硬唔上堂的有從未蒲過頭的亞姐冠軍馮雪冰;原來早於亞視未開班前,她已經第一個造反拒接陪客小姐通告,並決定提早離開亞視。

不過,亦有人妥協而變為王征愛將,包括被封「四大寵男」的亢帥克、古卓文、楊正軍、黃文韜,經常被點燈出埠見客賺錢。

拒做陪客

放大圖片

我給你做,你沒跟,大膽!(設計對白)

當選亞姐冠軍後,馮雪冰經常要隨傳隨到,又唱又跳,陪飲陪食,接待王征的內地富豪朋友。「人哋選亞姐係諗住入行做藝人,依家冇嘢做不特止,仲搞到好似做夜總會咁。未開洗腦班前,馮雪冰已經返公司嘈過,話唔再出席呢種活動,之後就冇再接通告。」亞視內部人員透露。

據知,馮雪冰已向亞視請假到今年三月合約結束,未卸任亞姐,已提早唔玩,所以亞視要求藝員返洗腦班,她更加冇有怕,企硬唔返學。

對此,馮雪冰直認不諱。「之前嗰啲活動,我以為係工作,所以一直有出席,但後來發現係陪贊助商飯局,仲有私人生日會,我個人好抗拒,覺得冇辦法配合到,所以冇再出席喇!」

亞姐無後冠

「良心電視台」無良行徑陸續有來!過去二十年以來,亞姐後冠都是冠軍佳麗的獎品,可是王征主政下的亞姐選舉,後冠都只是道具而非獎品,應屆的馮雪冰,至今仍未收到該屬於她的後冠。至於冬至當日收大信封的四名藝員戚黛黛、張啟樂、「車車」張紫櫻和陳綺雯,炒魷原因,其實也只為慳皮。

「佢哋四個係王征入亞視之前簽落嘅,有人話佢哋太高薪喎,其實都係兩萬蚊一個月,但就俾人借啲意開刀。其實有啲人到依家都冇返過洗腦班,咪一樣冇事。」知情者說。

放大圖片

王征常接待內地富豪參觀亞視兼搞 party,一班亞姐就要戴住後冠在現場做接待兼三陪,陪飲陪唱陪跳。

放大圖片

亞視開台以來,相信只有示威跳馬舞的王征,係最騎呢的老闆。

放大圖片

向亞視請大假的馮雪冰,唔使被迫上洗腦班,開開心心去旅行,還把相片放上微博。

放大圖片

騎呢老闆,就會搵騎呢人做洗腦班導師,爆嘴爆胸的花姨講選美心得,但成班被迫上堂的藝員,睇表情就知個個淨係得個虛殼敷衍返學。

放大圖片

亞姐亞軍王加敏因跟亞視執行董事盛品儒稔熟,有免死金牌,故返學遲到都相安無事。

四大男寵

聽王征話有獎賞!「亞視之子」亢帥克準時上堂有人工加,月薪僅過萬的他,加薪超過一成雖然唔算多,不過身為王征愛將,經常獲老細點燈出埠賺騷錢,財來有方。亢帥克外,同是「星光幫」的古卓文、黃文韜及年僅十八歲的楊正軍,同樣得到王征「寵幸」,故被亞視內部人封為「四大男寵」。

「王征成日點名要佢哋陪佢出埠,離境見客有騷錢計,佢哋驚冇下次影響收入,所以好聽話。近期最得寵嘅係楊正軍,十八歲蔔蔔脆,王征俾好多機會佢,仲點名拍微電影同做埋倒數騷司儀。雖然亞視慳皮掛帥,但王征對來自內地嘅黃文韜就好闊綽,俾埋宿舍佢住。」知情者說。

記者致電楊正軍,對於被點名陪老闆出席內地活動,他驚青回應:「我唔清楚,總之公司叫我就出席,我唔敢亂咁講 嘢。(咁你有冇出席內地陪客活動?)我有,都係 啲正常客戶活動。」

放大圖片

亢帥克

放大圖片

古卓文

放大圖片

楊正軍

放大圖片

黃文韜



.[壹週刊]逃學威龍 怒拒陪客 亞姐馮雪冰:我配合唔到!
http://veryy8.blogspot.com/2013/01/blog-post_9999.html
Related Posts Plugin for WordPress, Blogger...