搜尋此網誌

2013年2月20日星期三

馬國明讚唐詩詠係好女仔 自爆同岑麗香傳緋聞




馬國明讚唐詩詠係好女仔 自爆同岑麗香傳緋聞

馬明BB讚唐詩詠係好女仔

男神馬國明自從去年台慶頒獎禮真情演繹「天然呆」後,人氣急升,加上馬明BB同胡定欣分手後,感情處於真空期,火速成為TVB頭號筍盤。

緋聞多籮籮嘅馬明BB,繼早前同朱晨麗爆緋聞後,今日又傳佢同「契妹」唐詩詠撻著,成為搶手貨。馬明BB今日出席華姐記者會,問佢係咪同唐詩詠拍拖?佢笑住否認:「佢有打畀我,問我『乜我哋 有拍拖三個月咩?』哈哈哈,當搞笑囉,多謝雜誌畀個封面我,呢單又唔係獨家新聞,當日好多傳媒都影到我同(林)子善一齊食飯。」

咁會唔會考慮接收唐詩詠?馬明BB又真情流露瞪大雙眼:「嚇 ?咁勁!當宣傳。」馬明BB強調詩詠係好女仔,但問到係咪對方未搞清楚同崔建邦關係,所以先未有行動,佢就話唔關事,仲話私下好少傾感情事,佢又話做朋友同女友要求唔同,對女友要求多啲。



馬國明(左)同陳敏之及森美出席華姐記者會。



單身馬明BB成為TVB頭號筍盤。



馬國明同唐詩詠被傳撻著。



馬明BB於名媛望族曾輕吻朱晨麗額頭。

呢頭傳緊唐詩詠 轉頭又傳岑麗香 馬明BB桃花旺

都話馬明BB呢排人氣勁﹑桃花旺啦﹗呢頭佢先同契妹唐詩詠傳緊緋聞,轉頭馬明BB又自爆好快又有新緋聞,而呢位新任緋聞女主角就係「香香公主」岑麗香。

今日出席華姐記者會嘅馬明BB話,日前畀人問完係咪同詩詠後,又畀另一間(傳媒)問佢覺得香香份人點,咁馬明BB答對方「好囉﹗」原來早排馬明BB同香香公主去咗《衝上雲宵2》嘅導演屋企燒嘢食,佢就話預咗又畀人寫,但今次冇車香香公主,當晚只係大班人食飯,馬明BB又話每次有劇出街,就有緋聞,唯有話當宣傳喎。

究竟最後邊位無綫姐仔「搶馬」成功做到「馬明嫂」呢?朱晨麗?唐詩詠定岑麗香呢?拭目以待﹗



馬國明自爆好快又有新緋聞,而呢位女主角就係岑麗香(右)。

友薦雲推薦

.馬國明讚唐詩詠係好女仔 自爆同岑麗香傳緋聞
http://veryy8.blogspot.com/2013/02/blog-post_5948.html
Related Posts Plugin for WordPress, Blogger...