搜尋此網誌

2013年3月22日星期五

[忽然1周 921 ENTERTAINMENT] 拜金女王 湯唯




亞熱帶

拜金女王 湯唯

湯唯雖然拍片唔多,不過齣齣都係話題之作。在《色戒》清純為表性感為實;在《月滿軒尼詩》忽然洗盡鉛華做個平凡港女;同韓國巨星玄彬合作《晚秋》,湯唯卻又變身殺人犯。由於套套都是攞獎戲,令她在國內享有「文藝女王」美譽。

今次湯唯在大陸片《北京遇上西雅圖》再變身,飾演強國拜金女,實行用浮誇笑死觀眾。先旨聲明,《北》片係 made in China,是地道式諷刺電影,千祈咪賴港人歧視強國人。

新片超浮誇

在 28日上映的《北京遇上西雅圖》,湯唯飾演性格豪放、牙尖嘴利的拜金女,與她以往的斯文形象完全不同。

戲中大肚湯唯帶住無上限的信用卡前往西雅圖,等候情人離婚。最初她與陪伴她的司機吳秀波(圖)互相看不順眼,漸漸卻擦出愛火。

自從《色戒》之後,湯唯被內地封殺一年, 09年解封後,湯唯一年至多拍兩部片,部部都精挑細選,拍檔唔係張學友、甄子丹,就係韓國巨星玄彬及韓載錫。

今次湯唯首拍愛情喜劇——《北京遇上西雅圖》,全因導演薛曉路之前執導由李連傑及桂綸鎂主演嘅《海洋天堂》叫好叫座,湯唯想試吓拍喜劇,才被薛大導打動。

湯唯一向奉行「方法演技」,在《晚秋》為了要講正宗美式英文,刻意要朋友陪自己講三個月英文。在《北》片為了扮好大肚婆,雖然冇癲到真係搞大個肚,不過她就找了一個大書包,在裏面裝上大米和鉛球,每日去邊都掛上身。

「個書包有廿斤重,孭咗足足一個月,除咗沖涼,我去邊都孭住。初初都覺得好新鮮,慢慢至知死,尤其係條腰痛到我企又唔係,坐又唔係,夜晚都要趴住瞓。」湯唯說。

09年拍韓片《晚秋》時,有傳飾演殺人犯的湯唯戀上拍檔玄彬,不過其實原來湯唯是暗撻《晚秋》導演金泰勇(左下)至真。

𠝹韓男

金泰勇

做港女

在《月滿軒尼詩》,湯唯被長輩迫相睇,而認識張學友飾演的中年宅男。兩人同樣各有所愛,但茶餐廳一次偶遇,改變了兩人想法。

扮賢妻

拍住甄子丹,湯唯在《武俠》洗盡鉛華,飾演賢良村姑,又掂。

飾俏師姐

04年,湯唯首次擔正電視劇《警花燕子》做師姐,獲得百合獎「最佳女演員」,乃是響朵之作。

新片做才女

湯唯正在拍攝許鞍華導演的《黃金時代》,飾演三十年代出身豪門的文壇才女蕭紅。蕭紅小時被繼母虐待,中學時又與男友「搞出人命」,後來戀上才子蕭軍,傳奇一生吸引湯唯做這角色。

劇組於哈爾濱拍攝時,當地氣溫長期處於零下卅度,搞到一唔使 roll機,湯唯就熱水袋不離手。唔怕凍死,又唔怕裸露,不過湯唯就打死都唔敢拍鬼片。「我半夜起身都怕黑㗎!如果我要演鬼片,咁我就要令自己相信個故事係真嘅,咪盞搞到自己仲驚!」

湯唯矢志入行, 04年她參選環球小姐,獲得北京賽區第五名。

湯唯父親湯餘銘是知名畫家,擅長以佛作畫。去年更在香港開畫展。

安女郎有前途

湯唯拍完《色戒》之後,瞬即紅遍大中華。至於其他女星拍完李安嘅戲亦會愈來愈紅,好似啱啱喺奧斯卡攞咗最佳女配角嘅安妮夏菲維,當年亦係拍完《斷背山》,由玉女轉型演技派。

章子怡

《臥虎藏龍》令章子怡由奀星晉身國際,在日本片《狸禦殿》及史提芬史匹堡監製的《藝伎回憶錄》擔正,近年轉為王家衞愛將。

安妮夏菲維

安妮先在《穿 Prada的惡魔》感動到不少同樣愛好名牌的 OL,再喺《蝙蝠俠—夜神起義》飾貓女盡現性感一面,今年更憑《孤星淚》奪奧斯卡。

琦溫斯莉

95年拍完李安執導的《理智與情感》,琦溫斯莉首獲奧斯卡提名,亦令她有機會拍攝《鐵達尼號》,並在 09年憑《讀愛》封後。

撰文:阮英維

圖片:《蘋果日報》


.[忽然1周 921 ENTERTAINMENT] 拜金女王 湯唯
http://veryy8.blogspot.com/2013/03/1-921-entertainment-1_1517.html
Related Posts Plugin for WordPress, Blogger...