搜尋此網誌

2013年3月22日星期五

與無綫破冰有餘波 四大歌手未簽歌星約

video


與無綫破冰有餘波 四大歌手未簽歌星約

同TVB破冰有餘波 四大歌星冇得玩勁歌?!

無綫和四大唱片因版稅反面,令旗下歌星不能亮相無綫,擾攘4年的困局近日終於破冰。昨日無綫和四大舉行記者會,但口徑不一,無綫指四大歌手要簽多份俗稱歌星約的勁歌金曲比賽合約才可以參加總選,但四大卻表示並無聽聞,出現羅生門不同版本。經過4年調停,無綫和四大唱片,包括環球、華納、Sony和EMI,終於破冰,昨日無綫助理總經理陳樹鴻及高層餘詠珊等,跟四大高層及旗下歌手如周柏豪、吳雨霏(Kary)、官恩娜(Ella)、林德信(Alex)、關楚耀、陳柏宇及餘翠芝等,到九龍香格里拉出席破冰記者會,在席間他們聲稱無綫和四大已達成協議。



【今日我至幸】啱啱簽咗華納嘅Ella坦言一加入新公司就破冰,覺得自己好幸運,難怪噚日要穀胸出席。

不可參加《勁歌》總選

陳樹鴻表示:「𠵱家四大同我哋簽咗嘅合約,係授權TVB可以向外發行。」四大歌手是否可以亮相其他媒體?陳樹鴻稱:「我哋要澄清,其實合約從來冇硬性規定唔能夠亮相其他媒體,呢啲係歌手同唱片公司嘅選擇,事件前後都係一樣。」四大歌手是否可以參加《勁歌金曲》總選?陳樹鴻表示:「總選係一個比賽,要尊重規則,如果要參加,就要簽歌星約。呢份俗稱歌星約,其實係勁歌金曲比賽合約,如果想參加就要簽呢一份。」陳樹鴻稱現在四大破冰所簽的只是普通合約,簽了後就可以到無綫演出,並無限制亮相節目,但就不能參加《勁歌》總選,陳樹鴻更表示現在四大歌手未有人簽這份歌星約。

至於四大方面,Sony高層馮建強則說:「解決咗商業上嘅談判,係一件好事,TVB係好重要嘅媒體。」是否可亮相《勁歌》?馮建強表示任何節目都可以,但無綫表示不可參加《勁歌》總選?馮建強則謂:「唔關事,呢啲係個別唱片公司睇法,我哋Sony持開放態度,唔排除Sony歌手會簽番歌星約。」而環球高層黃劍濤卻有一套跟無綫不同的說法:「我就冇聽到話唔可以玩頒獎禮。」



■林德信、吳雨霏及關楚耀率領師妹們出席記者會。

談到四大和無綫破冰,周柏豪表示:「我09幫TVB拍過劇,之後就冇去過,𠵱家真係唔識路,要Ella帶路。」但會否簽歌星約?周柏豪指一切交由唱片公司安排。

此外,有傳無綫與蒙嘉慧(Yo Yo)傾談續約一事,騷價象徵式由6,000元加至6,200元,無綫外事部副總監曾醒明否認此事說:「加幅絕對唔係200元,合約交由藝員科同事處理。」

採訪:卓寶花

攝影:陳志嵐



■周柏豪同Kary昨日出席記者會,柏豪表示很久沒到過無綫,所以不認得路。

想睇更多首輪猛片介紹同預告片?《一台戲》為你網羅最新電影介紹及影評↓↓↓↓

http://hk.movies.nextmedia.com/

上一則:徐子珊玩自拍High爆

下一則:吳千語拍拖呆等 林峯例遲



.與無綫破冰有餘波 四大歌手未簽歌星約
http://veryy8.blogspot.com/2013/03/blog-post_4398.html
Related Posts Plugin for WordPress, Blogger...