搜尋此網誌

2013年3月22日星期五

脊椎移位 肝病困擾 萬綺雯不育恐慌

萬綺雯表面上好像保養得唔錯,今年 43歲依然 fit爆,估不到佢原來有腰患、肝病及皮膚敏感,百病纏身。


脊椎移位 肝病困擾 萬綺雯不育恐慌

      

忽然1周 第921期

今年 43歲的萬綺雯,與陳十三結婚 13年,多次表示想生 BB,早幾年未簽 TVB之前,更半淡出電視圈,專心造人,可惜一直只聞樓梯響。

年紀唔細,萬綺雯為趕尾班車造 B,即使在 TVB發展氣勢如虹,卻打算拍罷《食為奴》後停產,為求養好身體追尾糊穀 B。其實一直以來,萬綺雯夫婦都想生番個,可惜因為女方百病纏身,未能順利為陳家繼後香燈。

本刊收到消息,指萬綺雯早年曾多次因肝炎住院,加上在亞視拍《殭屍 III》時又跌傷肋骨、腰椎,令她難以佗 B。本刊向萬求證時,她亦支吾以對。經記者多番追問,萬綺雯才肯承認有不孕隱憂︰「我係長期病患者……因為腰患,一直唔敢佗 BB。」



萬綺雯表面上好像保養得唔錯,今年 43歲依然 fit爆,估不到佢原來有腰患、肝病及皮膚敏感,百病纏身。

去年六月才簽約無綫的萬綺雯,短短九個月連拍三劇《老表,你好嘢!》、《好心作怪》及《食為奴》,躍身成為無綫最忙碌的花旦。但近年做慣少奶奶的萬綺雯,對於連月來趕戲,身體開始吃不消,在微博叫苦連連。

本刊收到消息,萬綺雯早年因為在亞視拍劇捱殘,周身傷患,有指她曾因為肝炎入院幾次。尤其 04年她因拍《殭屍 III》跌傷,令第十條肋骨折斷,更因椎間盤突出及尾龍骨移位,引發坐骨神經痛,多年來一直未斷尾,時有發作。而萬亦要定時睇骨醫治療,其腰患更打斷了她的造人計劃。

知情者說︰「其實蚊蚊(萬綺雯)同佢老公(陳十三)好鍾意細路,但佢嘅腰患好嚴重,根治唔到,間唔中就復發,痛到佢要食止痛藥。佢怕啲西藥會影響個 B,而且醫生話以佢五呎七吋嘅身高,得嗰一百磅,條腰仲咁傷法,佗仔要好小心,所以佢想佗仔都唔係咁易。」

脊椎移位 肝病困擾 萬綺雯不育恐慌

萬綺雯與編劇老公陳十三 2000年於美國閃婚。二人結婚 13年,一直未有所出,早前她開到口話恨生BB。

脊椎移位 肝病困擾 萬綺雯不育恐慌

3月 16日靠手支撐起身

萬綺雯到西貢屈臣氏買維他命丸,她踎低期間,一隻手要按實大腿,另一隻則支撐身體,才起番身。

脊椎移位 肝病困擾 萬綺雯不育恐慌

起身劇痛

踎完 3分鐘的萬綺雯,站起時一臉痛苦皺曬眉,定格一陣才可站立。

脊椎移位 肝病困擾 萬綺雯不育恐慌

補鈣強骨

萬綺雯所購的維他命丸產自加拿大,含有高濃鈣及維他命 D3,每日可服 1至 2粒,維他命 D3能促進身體吸收鈣質,有強健骨骼作用。

踎低起身劇痛

記者連日採訪,不但發現她曾到中環中建大廈睇醫生,亦曾到連鎖店購買鈣片強骨。根據記者觀察,身形瘦削的她,連踎低揀鈣片這個輕可的動作,亦流露痛苦表情,其腰患似乎十分嚴重。

記者向萬綺雯求證肝病及腰患時,她初時都大方回應,但問到腰患影響到生育時,她卻不願多談。

談到周身傷患,她說:「係呀!我根本就係個長期病患者,睇醫生多過食飯!多年前喺亞視連拍五個劇捱到肝炎,三年兩次發作,仲入過醫院。所以依家我會錫住自己,屋企人信得我過至俾我返出嚟拍咋!(見到你去中建睇醫生?)我睇皮膚敏感啫!早前因為清理屋企個花園,俾毛蟲針咗一下,個背脊起咗一大片水泡,咪去睇皮膚科。」

《殭屍Ⅲ》出事

脊椎移位 肝病困擾 萬綺雯不育恐慌

據知萬綺雯當年選完亞姐後,立即被亞視扯乾,搞到患了肺炎。 04年,她到北京拍攝《我和殭屍有個約會Ⅲ之永恒國度》吊威吔時意外跌斷肋骨。豈料此一跌卻令她有不育危機。

無綫扯乾

去年與無綫簽部頭約的萬綺雯,竟然於大半年連拍三套劇,令她舊患復發。

脊椎移位 肝病困擾 萬綺雯不育恐慌

《老表》開早班

剛播完的《老表,你好嘢!》( 20集)講中港矛盾,萬綺雯拍此劇時要淩晨起身出外景,認真辛苦。

脊椎移位 肝病困擾 萬綺雯不育恐慌

《好心》多夜戲

萬綺雯與苗僑偉合作的《好心作怪》( 30集)屬懸疑片,經常要加班夜晚開外景,據知她試過為此劇五日冇瞓覺。



《食為奴》要打

萬綺雯於《食為奴》( 25集)中有多場動作戲,雖然大部分由替身幫手,但早前她於微博呻辛苦。

關嘉美醫生:腰患佗 B辛苦兼危險

脊椎移位 肝病困擾 萬綺雯不育恐慌

醫生關嘉美稱凡患有「椎間盤突出」症的女病人,並不影響懷孕機會,但懷孕期間絕對要十分小心。

「因為個肚愈大愈重時,腰間負荷愈厲害,有椎間盤突出嘅人,懷孕後期條腰會好痛,加埋坐骨神經痛就更劇痛難當,所以懷孕前一定要做好呢方面嘅心理準備,最好係懷孕到一定時間就長期瞓牀啦!佗仔預咗會好辛苦?!

「如果個媽咪本身好瘦嘅,咁懷孕時負重量大,就會更加辛苦同危險。」另外她又指患有肝炎的女病人亦不會影響懷孕機會,「肝炎期間當然唔適宜懷孕,但康復之後,如果醫生證實肝酵素良好的話,咁懷孕一定冇問題。但患過肝炎嘅病人要有充分休息,因為有機會復發。」

關嘉美醫生所指的只是一般病況,但她亦強調未知萬綺雯真正的病況嚴重程度,而萬的腰患持續多年,究竟是否會影響懷孕,都是一個問號。

定時睇骨醫

至於條腰,當年喺北京拍《殭屍 III》 chok斷肋骨,不知情下照開工,之後未完全康復又趕劇,再搞到椎間盤突出,醫咗三年都無補於事。後來劉偉強導演介紹個骨醫俾我,睇骨醫時,要兩個男人?住我嚟扭番正,次次都痛到我大叫大喊,喊到我眼都腫曬,搞咗好耐至控制到。醫生仲話以後唔可以再吊威吔,否則後果嚴重!但依家久唔久都要 keep住睇!」萬綺雯說。

問她是否因趕劇勞累,腰患復發,老公要求她推劇休養?她表示︰「老公都話︰『你自己睇嚇頂唔頂得住!先嚟問我意見啦!』我仲唔識做咩!我有事會影響成個劇組呀!我都唔想!依家拍《食為奴》,動作太大都用替身,而我拍啲動作大嘅戲,預先戴住腰封護腰。」

最後,問到腰患是否影響她生仔?一直侃侃而談的她,突然支吾以對︰「……都可以(生仔)嘅……不過醫生就話……如果要佗仔就要特別注意……」

再追問是否因為腰患令她多年都未懷孕,她語氣變得嚴肅,只說︰「唔……之前因為腰患……一直唔敢佗 B……不過遲啲睇嚇點先講啦!」說罷即匆匆轉身離開。

脊椎移位 肝病困擾 萬綺雯不育恐慌

3月 8日中建睇醫生

萬綺雯跟女友人現身中環,向來愛平民打扮的她,當日罕有戴上黑超,心情似乎麻麻。

脊椎移位 肝病困擾 萬綺雯不育恐慌

一臉愁容

泊好車後,萬綺雯步出停車場,愈行愈慢,一臉愁容,明顯憂心忡忡。

脊椎移位 肝病困擾 萬綺雯不育恐慌

鬼祟入??

當日萬綺雯到中環中建大廈 13樓睇醫生,其間她搭??上樓時更行色匆匆。

脊椎移位 肝病困擾 萬綺雯不育恐慌

記者到過中建大廈 13樓視察,該層有皮膚科醫生,與萬解釋因種花時被毛蟲搞到背部長滿水泡啓合。

脊椎移位 肝病困擾 萬綺雯不育恐慌

3月 11日復原出動

被毛蟲搞到皮膚敏感的萬綺雯,休息 3日又再到西貢買花。她手拎 3個花盆,表現吃力,要用大髀借力。

脊椎移位 肝病困擾 萬綺雯不育恐慌

搵人幫手

記者發現萬綺雯買完花後,竟然由職員幫手將花盆放上車,自己則兩手空空,看來她的腰患頗嚴重。

脊椎移位 肝病困擾 萬綺雯不育恐慌

撐腰回應

早前,本刊到將軍澳電視城訪問正在趕拍《食為奴》的萬綺雯。對於自己腰患復發而有機會不育一事,她支吾以對說:「好難佗 BB。」其間她更不期然做撐腰動作。

脊椎移位 肝病困擾 萬綺雯不育恐慌

對於自己因種花而搞到生水泡,她直認不諱,更向記者展示傷口位置。

據知萬綺雯老公現時經常返內地搞製作。 3月 10日,陳十三特登由內地返港,與萬綺雯買餸玩煮飯仔。不過記者發現二人鮮有交談,落車後更前後腳返家。

脊椎移位 肝病困擾 萬綺雯不育恐慌

脊椎移位 肝病困擾 萬綺雯不育恐慌

想生馬女冧老公

萬綺雯的老公陳十三屬馬,之前她曾在訪問中透露,想積極計劃明年生個馬女冧老公。而陳十三雖然恨有細路,但他深知老婆身體狀況,一直唔敢開口催,兩公婆多年冇避孕,但就始終唔成事。不過據知陳十三早前已經落「柯打」,要老婆拍完《食為奴》後,休息半年造人。

「本來蚊蚊(萬綺雯)拍完《老表,你好嘢!》就休息,基本上她只想每年拍一個劇!但冇拍劇多年,見到好劇本佢難免心鬱鬱。佢話依家唔敢『聽古仔』(新劇故事),怕自己受唔住誘惑再接!蚊蚊最瘦時剩番 94磅,得棚骨。十三怕老婆咁捱落去,唔使旨意生到 B,兩公婆都因為呢樣嘢嘈過!」知情者說。

其實唔少曾受腰患困擾的女星如蔡少芬、歐倩怡等,無獨有偶都試過流產,難怪萬綺雯老公如此緊張,勒令老婆停產養病。而想趕尾班車的萬綺雯,睇嚟真係要俾心機 keep好副「偈」。

皮膚敏感可以致命

某些昆蟲在接觸人體及叮咬後,受害者會引起過敏反應,嚴重的甚至可以引發生命危險,輕微的如接觸過昆蟲唾液或爬行過皮膚亦會引起敏感。

嚴重的不但會全身紅腫、起水泡、虛脫、或者過敏性休克,如不即時處理,可能會有性命危險。

藝人關注

曾經與萬綺雯合作的藝人,均對她病情十分關注,並異口同聲希望她早日康復,及時生 B。

細細粒:擔心佢

脊椎移位 肝病困擾 萬綺雯不育恐慌

與萬綺雯在《老表,你好嘢》合作過的細細粒(陳嘉佳),現時與萬再合拍《食為奴》,細細粒說:「我哋拍《老表》時都聽過蚊蚊姐(萬綺雯)講過佢嘅傷患,所以依家拍《食為奴》都有啲擔心佢?!因為蚊蚊姐喺新劇演街頭賣藝嘅人,都有打戲?!希望佢保重自己啦!」

張文慈:當年佢傷得好嚴重

脊椎移位 肝病困擾 萬綺雯不育恐慌

有份與萬綺雯合作《殭屍 III》的張文慈,知道萬綺雯當時拍劇出事,「我當時唔在場,只係知道真係好大鑊,佢傷得好嚴重嚇,一直醫咗好多年都未好。後尾我爸爸腰骨有事,蚊蚊仲介紹個骨科醫生俾我。」

尹天照:斷咗肋骨都死頂

脊椎移位 肝病困擾 萬綺雯不育恐慌

當年與萬綺雯同在北京拍《殭屍Ⅲ》的尹天照,對於她受傷一事仍印象深刻。「其實當時條威吔 set得好靚嘅,蚊蚊問我係咪自己親身上陣,我話係吖!真人做真係型好多?!咁佢決定自己上陣。嗰次應該係威吔個索股位太貼肋骨,一 chok之下就整斷咗條肋骨。當時佢真係好慘,講嘢都痛,但就堅持死頂。」



.脊椎移位 肝病困擾 萬綺雯不育恐慌
http://veryy8.blogspot.com/2013/03/blog-post_177.html
Related Posts Plugin for WordPress, Blogger...