男人最痛 分手斷糧 絕望陳山聰𢱑撈無綫失敗

真面目

男人最痛　分手斷糧　絕望陳山聰𢱑撈無綫失敗

一心做何家女婿嘅陳山聰，跟何超雲拍拖兩年，全情投入，連無綫份工都唔返。以為坐定粒六入何家，點知超雲於 4月 2日在 Instagram上載一張寫住「 Love=Money」的相，翌日即急飛英國，令人聯想到超雲已與陳山聰分手，據知超雲將於月底返港交代事件。

失戀、失業、失女友兼冇錢，成為四失中年的陳山聰，有傳農曆年期間試過返無綫𢱑撈。不過據知無綫高層已下令絕不回收陳山聰，全因他跟超雲拍拖時，意氣風發拒開工，先後得罪高層曾勵珍及金牌監製李添勝。急住撲水的山聰惟有搵老友郭政鴻出馬，向 TVB其他監製埋手，期望盡快復工。

36歲陳山聰兩年前為同何超雲拍拖，除急急與前妻 Ponny楊度萍離婚，更當 TVB冇到，連工到唔返，搞到《回到三國》要臨時換角，《天梯》宣傳亦冇影，只顧跟超雲周遊列國，於微博曬恩愛，兩人不時出席何家活動，陳山聰坐定粒六等「嫁入何家」。

超雲英國豪玩發洩

超雲同山聰甩拖，心情未受影響，除咗狂 shopping之外，週一（ 8日）仲同好友自拍歎茶。

拍拖兩年期間，陳山聰逐步向超雲家人埋手，除咗冧掂三太陳婉珍，仲埋到賭王身。上年 1月，三太跟賭王等到銅鑼灣利園 Cova歎下午茶，山聰亦以準女婿姿態現身。《蘋果日報》圖片

激到添哥彈起

但本月 2日，超雲忽然於 Instagram上載了一張心形萬字夾相，仲寫上「 Love=Money」，翌日更即時飛到英國，令人聯想到二人因財失感情。

傳聞早於二月山聰已聞到「𤓓」味，有感會被飛，所以鋪路返無綫。有人見過他於 TVB出現，而週日（ 7日）監製李添勝更寸嘴話會搵山聰做騎呢角色，事實上亦難怪添哥對山聰失望。「當日《天梯》個角色好搶㗎，但山聰夠膽死入添哥房要求減戲，之後仲話自己搞生意冇時間宣傳，激到添哥彈起。」劇組人員透露。

婚照外洩？

一直有傳二人已秘密結婚，上年 6月超雲微博上載相片中，隱約見到一張疑似同山聰的結婚相片（小圖）。相中山聰着住禮服，捉住超雲隻手咀，好溫馨。

有指被飛嘅陳山聰已搬離陽明山莊，搬回疑似家人位於彩虹麗晶花園的物業，打回原形。《蘋果日報》圖片

同超雲拍拖期間無心開工，據知為《天梯》開工期間，陳山聰試過叫監製李添勝減戲。其角色喺劇中佔戲亦唔少，仲同高海寧有唔少對手戲，之後《天梯》宣傳陳山聰亦全程冇影，得陳豪及陳茵媺撐場。

圖片

山聰得罪添哥同珍姐，想返無綫拍劇真係唔係咁易。

唔只得罪添哥，之前拍《回到三國》亦試過經常遲到又甩底，搞到監製劉家豪要換角，搵敖嘉年頂上。

《蘋果日報》圖片

搵郭政鴻幫口

陳山聰同何超雲打得火熱期間，同一眾老友陳敏之、伍詠薇都反曬面，惟獨老友郭政鴻繼續力撐。𠵱家陳山聰𢱑撈返無綫，據知郭政鴻不斷搵梁家樹密斟，希望幫陳山聰𢱑到一個半個角色。

唔只添哥激親，連戲劇部總監曾勵珍亦被山聰辣㷫，事緣前年拍攝《回到三國》，山聰原本飾演孫權，點知成日遲到又 no show，搞到珍姐旗下監製劉家豪要搵敖嘉年頂上。

為拍拖，山聰得罪兩大 TVB高層，如今分手斷糧，惟有搵老友郭政鴻幫手，希望借郭政鴻跟另一高層梁家樹關係友好，可以畀條路山聰行。提起山聰，製作資源總監樂易玲亦冇落閘：「山聰到𠵱家都冇搵過我喎！佢仲有約，唔使𢱑撈。有嘢啱做咪搵佢囉‥…。」既然樂小姐大方，山聰應該有個閒角撈吓啩。

山聰冇影

2/4

《蘋果日報》圖片

4月 2日超雲出席東華三院周年晚會，並未見山聰影蹤，其間記者追問超雲幾時結婚，當時超雲表示：「冇諗過結婚！」更着記者追問妹妹超蓮和吳克群緋聞，以避開話題。

Instagram洩分手

陳山聰與何超雲熱戀期間，二人經常於微博、 Instagram曬恩愛合照。隨着二人感情轉淡，二人甜蜜相已減少。睇回超雲個多月來嘅網相，都感受到二人關係有變，尤其 4月 2日那張「 Love=Money」的心形萬字夾相，就充滿弦外之音。

暗示掟煲

2/4

出席完東華活動，超雲返到屋企即刻搵個扭曲心形萬字夾影相，最特別係寫住「 Love=Money」，令人想到二人因錢銀問題，導致分手。

山聰教訓

31/3

前週超雲喺 Instagram暗示有啲人出現喺你嘅生命係祝福、但有啲人係一個教訓，唔通話山聰係教訓？

有迹可尋

18/3

3月中超雲忽然上載「 I hate missing you」，當時未傳出二人分手消息，𠵱家回帶原來已有迹可尋。

採訪、撰文、攝影：娛樂組

. 男人最痛　分手斷糧　絕望陳山聰𢱑撈無綫失敗
http://hittt.blogspot.com/2013/04/blog-post_4574.html