有米男友羅孝勇包起 林欣彤搬金屋醫抑鬱
「巨聲」羅孝勇愛情至上 懶理父母反對 「包實」林欣彤
巨聲幫出身嘅林欣彤（Mag）同家境唔錯嘅羅孝勇，已經行埋三年，感情穩定，雖然兩人冇認戀情，但就經常被影到拍拖，Mag仲試過被拍到出入男友豪宅。
去年Mag因聲帶撕裂，又指佢有情緒病同輕微厭食症，所以要停工休息，不過羅孝勇戀愛大過天，對Mag不離不棄。
有傳Mag同男友雙親關係麻麻，甚至話羅父認為囝囝事業剛有起色，就應該專心事業，所以勸佢同Mag分手，但羅孝勇依然支持女友，今日有報道話男方「包起」Mag起居飲食﹑衣食住行，羅孝勇仲唔理父母反對，搬離何文田豪宅，仲以月租四萬租下紅磡服務式住宅，等Mag可以好好靜心休息，治療情緒病，認真係廿四孝男友。
有報道指羅孝勇（右）家境不俗，而且對Mag照顧有加。（資料圖片）
林欣彤考車牌一次Pass
歌手林欣彤（Mag）現身香港駕駛學院進行棍波客貨車駕駛考試，實行要升格為「女車手」，結果成功一take過合格。Mag坦言考牌過程緊張﹕「考牌官個樣好cool，搞到我好驚，考試中途又突然落雨，有啲手忙腳亂。」順利通過考試的Mag早有買車打算，問她可希望和緋聞男友羅孝勇遊車河？她笑說：「睇佢敢唔敢坐啦！」
另外，有報道指Mag與羅孝勇搬到紅磡共賦同居，又指因男方的父母不喜歡Mag要她搬走，Mag作出否認：「佢住何文田，我繼續住大埔。我有見過佢父母，唔覺得討厭我。」
林欣彤順利pass好開心。
歡迎關注微信：hkchannel，更方便地獲取最新資訊
.有米男友羅孝勇包起 林欣彤搬金屋醫抑鬱
http://hittt.blogspot.com/2013/04/blog-post_10.html
