戒可樂戒油鹽 G.E.M.軍訓齋食包

FBI

戒可樂戒油鹽　 G.E.M.軍訓齋食包

今個星期五（ 12日）輪到 G.E.M. BB（鄧紫棋）演唱會開騷，一做 5場喎， FBI聽聞 G.E.M.呢期啲時間表似足軍訓，每日一早起身做 gym、排舞、練歌，十足操兵一樣，都係想夠氣又夠力做場 good show囉！上星期， FBI仲一連 2日發現 G.E.M.去排舞同練歌。

男歌手開騷就話穀肌， FBI打畀 G.E.M. BB， 21歲 G.E.M.話自己嘅健康程度同大隻度𠵱家係最高峰：「我每日朝早喺屋企一路踩 stepper，一路記歌詞，跟住就去 High King（著名排舞師）度練舞，每日 3粒鐘；練完舞就去同 band綵排，直落到夜晚 12點。每日如是，好悶㗎！為咗演唱會，我仲戒咗自己最愛嘅可樂、油同埋鹽，不過要有充足體力，就唔戒得澱粉質，但就淨係可以食麥包同米粉囉！」

操咗兩個月， G.E.M.嘅努力， FBI都有眼睇，人仔細細，見佢手瓜起𦟌、小腿又似小節瓜咁，就知啦！

3/4

上週三（ 3日） G.E.M.喺 High King位於尖沙咀嘅排舞室練舞練到傍晚，就由男 dancer陪同去便利店買飲品，大家睇吓 G.E.M.嘅腳瓜起曬𦟌就知佢操得好勁啦！

7/4

阿 G.E.M.出曬名係可樂精，一日啪幾罐當水飲，不過為咗場騷，戒咗三個月，去便利店都係買無糖茶咋！

最近幾個禮拜， G.E.M.都會喺微博倒數演唱會，兼報告操 fit進度，中間手瓜起曬𦟌嗰張，當然係移花接木啦。

撰文、攝影： FBI

電話報料： 9106 2799

電郵報料： mailto:facenews@nextmedia.com

. 戒可樂戒油鹽　 G.E.M.軍訓齋食包
http://hittt.blogspot.com/2013/04/gem.html