搜尋此網誌

2013年5月3日星期五

大馬直擊 陳茵媺陳展鵬大被同眠




有靚女陪,熱啲都抵!(設計對白)

幾十個椰青當作枕頭,仲要冚住大塊膠被十幾分鐘,又熱又焗。

媽咪姐

大馬直擊 陳茵媺陳展鵬大被同眠

啱啱有報道話陳豪揼 3千幾萬買大埔獨立屋,仲打算寫埋陳茵媺( Aimee)個名㖭!你話婚都未結,使唔使落咁重注?咁 Aimee事業心重好鬼搏,個樣 sweet又多男人埋身,做男友嘅,點可以唔諗諗計先!好似上星期媽咪姐去咗馬來西亞檳城玩幾日,喺酒店門口竟然見到有人拍嘢,仲有個着小背心嘅索女,望真啲,原來係豪嫂陳茵媺!佢同陳展鵬(煎 pan)拍緊 TVB劇《單戀雙城》。

嗰晚喺街頭拍一場 Aimee同煎 pan被追捕嘅戲,兩個人喺貨車尾上攬住啲椰青。拍到中段,工作人員仲用咗張「大被」冚住兩人, well,「大被同眠」喎!兩個喺「被」內黐住做對手戲,吸埋同一啖空氣㖭。繼早前 Aimee懷疑被臨記抽水後,今次又蝕咗唔少嘞!難怪 42歲陳豪買定金屋,想快啲結婚,「私有化」女友啦。

呢單嘢,等朕 check吓先!(設計對白)

32歲嘅陳茵媺,着起背心短褲仔,好養眼吓。身邊啲工作人員又全部係麻甩佬,難怪陳豪早前飛過去大馬監場。

張大被好鬼重,要出動十幾個大漢幫雙陳冚被。

火辣一粒鐘

冚完被嘅 Aimee熱到瞇曬眼,引死人喎。煎 pan頂得住無?

陪埋楊明夜消磨

其實豪嫂 Aimee有鬼妹仔性格、笑容又咁 sweet,真係大把異性爭住冧㗎!出發大馬外景前,媽咪姐先喺數碼港撞到佢同楊明拍外景。

嗰晚時值十一點,導演搞咗好耐唔知等咩,遲遲未埋到位。見悶悶哋,佢兩個就去咗「麥當當」食消夜。楊明對女仔果然好細心,出埋錢,仲做阿四,搵位兼拎嘢一腳踢!坐低開餐, Aimee食住雞翼,唔覺意使出兩吓電力,加啜手指,似乎有人冧暈咗咯!

Aimee同楊明傾到旁若無人,冧滋滋咁甜笑,唔講以為係拖友呀!

食到興起,楊明仲挨向 Aimee攞薯條食㖭,關係實在好親密吓。唔知陳豪見到,會唔會呷醋呢?

等埋位, Aimee同楊明喺外景車上又密斟,豪嫂傾到嘴嘟嘟成條金魚咁,鬼死咁 cute。



. 大馬直擊 陳茵媺陳展鵬大被同眠
http://hot104.blogspot.com/2013/05/blog-post_8780.html
. 大馬直擊 陳茵媺陳展鵬大被同眠
http://hittt.blogspot.com/2013/05/blog-post_8580.html
Related Posts Plugin for WordPress, Blogger...