「萬千星輝頒獎典禮2012」五強名單率先爆 林峯徐子珊勢封視帝視後
林峯子珊勢開齋稱帝封後
年底又到無綫視帝視後爭崩頭的日子，小生花旦為挑戰電視城之巔而扭盡六壬！「超級親生仔」林峯雖然有黎耀祥和鄭嘉穎等視帝級猛人挑機，但據知無綫高層偏向屬意林峯登基；反觀視後競爭更為激烈，形成徐子珊、胡杏兒、楊怡、鍾嘉欣及米雪五角混戰！
每年無綫台慶視帝視後之爭都會掀起連場明爭暗鬥，雖然最佳男女主角名單下月才公布，但據知無綫內部已流傳最後五強名單，林峯將與黎耀祥、鄭嘉穎、馬國明和黃宗澤爭奪視帝寶座；而徐子珊、胡杏兒、楊怡、鍾嘉欣和米雪將成五角花旦混戰。
身為無綫頭號親生仔的林峯，連奪3年《勁歌》亞太區最受歡迎香港男歌星，攞獎攞到手軟，可惜其演技一直未能在自己地盤獲肯定，有鑑無綫今年仍未有一個人氣小生彈出，加上林峯師奶Fans多，在很大機會全民公投視帝下，登頂絕對睇高一線，而且他主演的劇集《雷霆掃毒》收視及口碑不俗，據知高層也屬意他稱帝！
杏兒楊怡有高層撐
不過，兩大視帝級猛人黎耀祥和鄭嘉穎，以及半冷的黃宗澤和馬國明隨時做攔路虎。祥仔主演的《大太監》被安排作今年台慶劇，仍未出街已吸引得「祥粉」牙癢癢，加上他往績佳，勢令林峯未能安枕！而嘉穎承接去年三料視帝餘威，今年望憑《怒火街頭2》冧莊，當然是熱門之一。至於黃宗澤在《護花危情》及馬國明在《On Call 36小時》中的演出亦備受讚賞，實力絕不能小覷！
相比林峯彈出，視後之爭則未能明朗化！據知《雷霆掃毒》的徐子珊、《怒火2》的胡杏兒、《On Call 36小時》的楊怡、《護花危情》的鍾嘉欣和《大太監》的米雪，競爭七國咁亂！雖然子珊在《雷》劇豁出去慘遭強姦，但杏兒和楊怡都甚得高層歡心，加上嘉欣喊到崩潰攞分，而視後級的米雪亦分量十足。據知，無綫對誰奪視後仍沒有頭緒，但子珊仍被睇高一線。
袋千萬酬勞驚追稅
另外，林峯、子珊及吳綺莉等昨日出席《雷》劇宣傳活動，正拍葉璿製作公司古裝劇的林峯專程從橫店返港，問到酬金是否十分可觀？他笑曬說：「差唔多啦！」其後自爆有8位數字，當記者指他收40萬元一集，他說：「唔好再講，稅局會追數！（夠買樓？）睇嚇買幾大，3字頭係要儲老婆本！」而拍畢節目巡禮節目《神槍狙擊手2013》的子珊姍姍來遲，問到爭視後是否信心十足？她說：「仲有兩套大劇未出，未必係我啦！不過離台慶仲有一段時間，會爭取機會多做宣傳！」她表示正準備台慶戰衣，問到會否十分性感？她說：「性感冇問題，睇到時Fit唔Fit先！」
視帝5強
林峯《雷霆掃毒》贏面80％
鄭嘉穎《怒火街頭2》贏面70％
黎耀祥《大太監》贏面70％
黃宗澤《護花危情》贏面65％
馬國明《On Call 36小時》贏面50％
視後5強
徐子珊《雷霆掃毒》贏面80％
胡杏兒《怒火街頭2》贏面75％
楊怡《On Call 36小時》贏面70％
鍾嘉欣《護花危情》贏面70％
米雪《大太監》贏面50％
貴為視帝大熱，林峯當然笑不攏嘴！
徐子珊性感上陣拍攝，未知會否在頒獎禮性感爭視後？
林峯《雷霆掃毒》贏面80％
黎耀祥《大太監》贏面70％
馬國明《On Call 36小時》贏面50％
楊怡《On Call 36小時》贏面70％
鍾嘉欣《護花危情》贏面70％
米雪《大太監》贏面50％
林峯、徐子珊及官恩娜玩「三人行」。
黎耀祥在中環拍攝新劇。
蘇基茵媺熱爆男女配
除了視帝視後競爭激烈外，最佳男、女配角同樣觸目，皆因每年贏得最多掌聲的未必是男女主角，反而是一眾綠葉。今年在《巴不得媽媽…》憑「蘇基」一角而人氣爆燈的古明華，入行20多年終於有回報，易服男造型和演技在多個討論區成功插旗。據知，現時只有《造王者》的張國強和敖嘉年，以及憑《雷霆掃毒》再戰男配的黃智賢有機會挑戰，古明華攞獎可謂坐定粒六。
女配方面，陳茵媺在《天梯》中演被強姦及因姦成孕的慘情角色，演技甚有突破，加上貴為「陳豪嫂」後，人氣急升，自然成為獎項熱門人選。而胡定欣在《拳王》中又要扮啞又要打，亦大捧場客！反觀江美儀在即將播出的《名媛望族》中演姨太太，可能陪跑居多。
憑「蘇基」彈出的古明華與陳茵媺，演技同樣有突破。（資料圖片）
飛躍進步男藝員 蕭正楠單挑梁烈唯
台慶飛躍進步男、女藝員戰況激烈，據知男藝員方面以蕭正楠呼聲較高，身為無綫高層曾勵珍愛將的他，已被安排演出明年無綫重頭劇《巾幗梟雄3》及《巨輪》，昨日他與陳展鵬為《巨》劇拍節目巡禮。而次熱人選則是「關二哥」梁烈唯及羅仲謙，鑑於謙仔非「親生仔」，奪獎機會甚微，只餘下蕭正楠及唯唯鬥過！昨日唯唯出席活動時自言恨攞獎，但也希望謙仔贏：「最好一齊啦！」而女藝員方面是黃智雯的囊中物，今年有《缺宅男女》及《On Call 36小時》等4劇在手的她，人氣不俗，加上「關二嫂」角色令人留下深刻印象，她受訪時說：「有提名已經好開心，要揀男飛躍得主，謙仔同唯唯都係熱門，手掌又係肉手背又係肉！」她又表示希望與謙仔及唯唯一齊踏上紅地氈！
蕭正楠成為高層愛將，贏面大增。
梁烈唯背對胸孭住黃智雯，艷福不淺！
