【今日我至請】郭偉亮同葉佩雯今晚擺酒筵開35席，宴請親朋，噚日渠哋去尖沙嘴攞婚紗同晚裝，Grace著到紅當當應景一番。
【銅鑼灣→太子→尖沙嘴】唱作人郭偉亮（Eric）和葉佩雯（Grace）去年11月在紅館簽紙結婚，他們趁今日結婚一周年擺喜酒，陳奕迅、劉浩龍和何超儀等做星級兄弟姊妹團，昨日Grace為籌備婚宴忙到變熊貓眼，她坦言已叫朋友不要送豬牌，皆因他們「唔諗住生」。
現年38歲的郭偉亮和32歲的葉佩雯一年前在紅館萬人見證下結婚，今晚他們會在北角海逸酒店筵開35席補擺婚宴，昨日Grace先入住酒店准備。昨午3時許，Eric跟媽咪和女親友現身銅鑼灣利園，他表示心情不緊張，也不擔心姊妹團有高難度遊戲，他笑說：「未驚過，姊妹話明會玩死我哋。」之後他們去了太子攞衫，再去尖沙嘴會合老婆Grace，Grace說：「好攰，唔夠瞓頭痛。」Eric爆老婆生壓力瘡，Grace撒嬌說：「冇啦，好番曬。」
葉佩雯昨日又接受本報電話訪問說：「每日瞓四個鍾，我好似熊貓有黑眼圈，仲發惡夢唔見曬啲金鈪，尤其奶奶送咗六位數珍珠頸鏈畀我，我好輪盡驚整唔見。」
雖然兩人思想西化，但他們會跟足傳統，擇好昨晚9點吉時做上頭儀式，她說：「媽咪幫我哋上頭，之前仲裝床，買咗新被、床單同子孫桶。」老人家想他們連生貴子？Grace坦言：「我吩咐咗大家唔好送豬牌，我哋唔諗住生，奶奶都好開通。」Grace今日會著裙褂坐花轎出嫁，擺酒著婚紗和兩套晚裝，她說：「雖然我想著黑婚紗，但尊重老人家只系影婚紗相著。」
星級兄弟姊妹
星級兄弟姊妹團則有陳奕迅、劉浩龍、何超儀及杜如風等，問好友謝霆鋒和張柏芝這對離婚夫婦會否到賀？Grace說：「霆鋒推唔到工作，渠同Eric講咗唔好意思，柏芝未知嚟唔嚟到，但留咗位畀佢。」問鋒芝是否怕尷尬避席？Grace說：「唔會，霆鋒成日睇仔都會見面。」至於劉浩龍的女友容祖兒也因事忙缺席。
