許亦妮屈到喊 媽咪撐住

2011年港姐季軍許亦妮（Ｗhitney）當選後演出機會無間斷，演藝事業似是順風順水，不過回想去年參選時甚辛酸，面對突如其來的批評，雖然她於人前表現開朗、笑面迎人，但原來背後壓力大到喊，幸一直有媽咪支持陪她渡過難關。



外表堅強的許亦妮坦言面對大眾的批評而壓力爆煲，惟有私底下喊。

歷屆選美製造不少話題，正所謂「樹大招風」，熱門港姐的家境及情史少不免被大起底，因此去年參選的許亦妮亦不能幸免。

面對負面新聞，經常保持笑容的她表面淡定，其實只在人前故作堅強，「初時真係好大壓力，記得有次喺地鐵站打開本雜誌，見到篇嘢寫到我都幾侮辱性，當時我啲眼淚即刻想標出嚟，但我同自己講『唔得！唔知後面有冇記者？見到我喊咁點算？』所以以前都扮堅強，私底下先喊。」

許亦妮慶幸選港姐期間有母親的支持，陪她渡過難關。



曾經是肥妹仔的許亦妮靠做運動保持苗條身形。

陪買戰衣

回想當時首次接受大眾批評，Ｗhitney坦言感到難過，但幸獲家人支持，令兩母女感情更深厚，「細個覺得媽咪好嚴厲，佢又要返工好忙，大個之後媽咪開通咗，特別參選之後我哋講多咗嘢，嗰時選港姐真係好辛酸，好在有家人支持，媽咪仲好似同我一齊度過咁！記得報名嗰陣，我只係講咗畀媽咪聽，佢同我去買戰衣面試，仲同我講：『有咗呢件Lucky衫，你一定得！』我諗我以後都唔會丟咗嗰件衫。」

Ｗhitney平日跟媽咪吵架也會透過書信向她深情剖白，並認為是件既感動、又Sweet的事。

發憤減肥

談到十四歲被星探發掘，初入行當模特兒的她，原來兒時是個肥妹仔，「喺英國讀書嗰陣，日日放學都食即食麵，肥到有成130幾磅！直到有日睇雜誌覺得啲女仔好靚，問自己有冇可能好似Model咁著靚衫，之後就好發憤狂做運動減肥，最後瘦到得番110磅。」成功收身的Ｗhitney不但贏得港姐季軍，當選後更獲無綫力捧，除當大型節目主持外，近日亦有幸拍劇《老表，你好嘢！》。

場地：Coyote Bar & Grill

髮型：HAIR @Charles Ng