同你吟一吟
曾志偉輪住飲 陳冠希勁煲長氣電話
2012年11月22日 上個禮拜喜宴一個接一個，繼樂樂盈盈（十一月十五日）之後，仲有李璨琛（十七日），身為兩對新人 嘅好朋友，曾志偉想放低禮影張相走人都唔得，尤其當年同錢嘉樂一齊做獎門人，再睇住佢同湯盈盈開花結埋果，志偉盛裝赴會之外，中場已經醉到不省人事，興奮過自己娶新抱。
不醉無歸好合理！樂樂盈盈註冊當日夜晚，半個老爺嘅志偉仲同新郎哥兄弟團去酒店開 party，玩到興起跳落泳池遊水，甚至同鄭伊健謝天華林曉峰呢班古惑仔兄弟，一齊露點影大合照。
樂樂盈盈婚禮星光熠熠，李璨琛都唔弱，患鼻咽癌休養緊 嘅張達明有 嚟飲，傳足六年斷背情 嘅張耀揚蔡一傑都係席上客，陳奕迅徐濠縈拍拖到，最稀客算係甚少出現婚宴場合 嘅陳冠希。
俾面李璨琛 嚟飲，但 Edison表現得周身唔聚財，成日行出宴會廳煲電話粥，同台灣女友 Angela談情定另有其人呢呵！
放大圖片 執正 嚟飲
著曬西裝精神奕奕 嚟飲，志偉中場已經飲到斷片 瞓著，正路！
放大圖片 扮戒色
賀李璨琛做老襯，陳冠希明明同黃芝棋一齊 嚟，但佢死口話唔識對方，仲彈開唔肯同女伴合照。
放大圖片 坐唔定
Edison成晚都坐唔定，經常走出會場外煲電話粥，仲要煲好耐都唔收線。
放大圖片 光豬 11壯士
錢嘉樂上週二（十三日）同湯盈盈註冊完，夜晚再同班兄弟去 L Hotel池邊開 party，個個玩到落埋水再半裸濕身合照，周身肉 嘅志偉，更夾出脂肪事業線。
放大圖片 胸湧姊妹
同樣係大肚婆 嘅周家蔚，有份做盈盈姊妹，穀奶 cup數更犀利。
放大圖片 未飲就醉
洪金寶同老婆高麗虹 嚟飲，兩杯都未到肚已經同記者亂講 嘢：「我同老婆 嚟飲，咪話我叫雞！」
放大圖片 歌神俾面
學友當晚義唱祝賀樂樂盈盈，仲飲到面同頸都紅曬，好在仲行到直線走人。
放大圖片 病都撐
停工養病 嘅張達明都要 嚟賀李璨琛，但只係逗留十五分鐘就離開。
放大圖片 拍拖到賀
Eason同老婆徐濠縈拍拖現身，但未有帶埋囡囡康堤。
