搜尋此網誌

2012年11月22日星期四

[壹週刊]金蛋 取代舒淇 蔡少芬佗仔賺百萬

次次佗 BB都賺到盆滿鉢滿,蔡少芬抱著一家四口的氣球,當然笑到四萬咁口。


探熱針

金蛋 取代舒淇 蔡少芬佗仔賺百萬

2012年11月22日

蔡少芬前年佗住肚拍大陸劇《甄嬛傳》,女兒楚兒腳頭好,劇集播出後爆紅, Ada身價狂颷。早前她宣布懷上第二胎,即有奶粉廣告搵上門賺七位數,再取代舒淇成為護膚品代言人,名副其實生金蛋!

生完封肚

放大圖片

蔡少芬坦言今胎比佗楚兒更見肚,雖然穿上鬆身裙,仍明顯見到腹部隆起。

去年五月,蔡少芬為張晉誕下長女張楚兒,事隔一年半,兩公婆再造人成功。雖然 BB性別未公開,不過據她的閨中好友透露, Ada今胎佗仔,跟女兒楚兒湊成個「好」字,為張家添丁,生完宣告「封肚」。

上次佗 著楚兒拍《甄嬛傳》,劇集爆紅,蔡少芬身價即時跳升至二十萬一集,今次再有喜, BB跟家姐一樣好腳頭,大肚蔡少芬早前接下一個奶粉廣告,再接埋護膚品做代言人,合約為期半年已有百萬落袋,非常好賺。

「斟約 嗰陣, Ada已事先同個客講好自己有 咗 BB,擔心會影響宣傳,但卓悅老闆娘葉太覺得只要 Ada皮膚質素好,唔會有問題。」知情者說。護膚品牌原由舒淇代言,但鑑於對方要求幾乎跟外國巨星睇齊,相對蔡少芬現階段在國內的知名度絕不遜於舒淇,今次合作還非常愉快。

放大圖片

早前張晉和蔡少芬一家三口在微博報喜,宣布懷有第二胎。

放大圖片

前年蔡少芬懷楚兒時,大肚拍《甄嬛傳》,結果劇集在內地爆紅,連她的身價也暴升至二十萬一集起跳。

搞自家童裝

上週四(十一月十五日),鬆身裙打扮的蔡少芬為護膚品拍廣告,穿上三吋高 踭鞋埋位,擺甫士完全冇難度。雖然暫時不打算拍劇,但她講明不會全面停工。

「老公有叫我休息,不過我同個女一樣,唔出街唔安樂,而家會接 啲輕鬆 嘅工作同廣告。」搵錢至上,蔡少芬更密鑼緊鼓籌備推出自家品牌的童裝,專誠找來自紐約的設計師負責設計。

「我 嘅童裝係以夢想做主題,細路仔一樣有夢想,好似我個女楚兒得歲半,已經識得自己揀鞋著。」蔡少芬說。

外界估計蔡少芬佗 B大約三個多月,不過據知情人士透露,肚大如波的她,已有近五個月身孕,是明年娛樂圈蛇頭。

放大圖片

雖然佗著 BB, Ada狀態保持大勇,身手依然利落,完全無礙擺甫士。

放大圖片

Ada與攝影師一起看拍片效果,看看有什麼仍需要改善。

放大圖片

Ada和老闆娘葉太合作愉快,拍完廣告,老闆娘還送上一堆禮物,當中包括給 Ada養胎的冬蟲草和美容機。

放大圖片

本來 Ada還預備了一對 4吋的高踭鞋,不過安全至上,最終都放棄冇著。

放大圖片

未開工前,懂得保養的 Ada,已經先飲牛奶作早餐。

吸金媽咪

放大圖片

舒淇也是同一品牌的代言人,她對拍攝的要求極高,幾乎跟外國的超級巨星一樣。

藝人養育下一代,供書教學,條數有排計,但媽咪有名氣, BB未出世前後,都可以有機會幫手搵定奶粉錢。

次次佗 BB都賺到盆滿鉢滿,蔡少芬抱著一家四口的氣球,當然笑到四萬咁口。

周家蔚

宣布佗仔後,拍咖啡廣告又頻頻出活動的周家蔚,自爆仔仔腳頭好旺父母,老公洪天明一劇接一劇冇停手,大住肚的周家蔚亦連氣接了十多個活動,成為搶手媽咪。

郭羨妮

生完女兒 Kylie後,郭羨妮迅速減磅,先返娘家拍電視劇《初五啟市錄》,再接拍法國奶粉廣告,名副其實搵奶粉錢。



Related Posts Plugin for WordPress, Blogger...