【今日我至強】徐子珊（左）今年撼楊怡爭視後，子珊噚日慨氣勢輸曬，皆因楊怡個木偶鼻慨迫力實在太強！
【萬千星輝頒獎典禮2012】無線《萬千星輝頒獎典禮2012》下月17日舉行，昨日公布各獎項提名，被視為視後熱門的徐子珊和楊怡都有出席，之前兩人出席活動表面共融，但爭獎開戰日大合照就各據一方，敵我分明。視帝方面，實力派黎耀祥狙擊林峰，但祥仔自稱偶像派，一於跟林峰鏈過。
鄭裕玲和崔建邦昨日主持《萬千星輝頒獎典禮2012》記者會，揭曉提名名單（詳見附表），陳豪、黎耀祥、楊怡、徐子珊、岑麗香和苟芸慧等均有出席。
香香叫三飛
今年由觀眾一人一票選出的最佳男主角、最佳女主角和最佳劇集提名最矚目，視帝十強包括親生仔鄭嘉穎、陳豪和林峰等，非親生的有黎耀祥和劉松仁；視後提名有熱門的楊怡和徐子珊，演得出色的佘詩曼和米雪也榜上有名。由於行新制，論實力，視帝應是劉松仁與黎耀祥之爭，但若靠粉絲投票，會是高登男神馬國明惡鬥林峰。視後論演技是米雪鬥阿佘，若粉絲主導，則是楊怡、徐子珊及鍾嘉欣鬥個你死我活。
男配角是古明華單挑陳國邦，古佬上台時激動得眼濕濕。岑麗香則獲三個提名最巴閉，其中兩項都有勁敵苟芸慧爭獎。公布完名單後，眾藝人上台大合照，子珊竟退至第二排，但被韓馬利捉回去第一排，卻跟早在第一排的楊怡各據一方，壁壘分明。
子珊對獲女主角提名表示驚訝，她坦言信心只是一半，問到是否想靠一秒強奸戲攞視後？她笑言：「戲系講整體，唔系單靠一場，但網友同情我都冇所謂。」至於楊怡則說：「平常心啦，又唔會話自己冇機會。」有指她缺席台慶因知子珊攞硬視後？楊怡說：「邊有咁慨事，我冇預知能力，出唔出席系睇身體狀況。」
■徐子珊和楊怡出席記者會各據一方，而今年未能角逐獎項的黃智賢坦言失望。
再被指是視帝熱門的祥仔笑言個個都是大熱，但他信心只有一半，他笑言：「總之五五波，林峰粉絲多，但觀眾種類多，所以唔知會點，大家賣點唔同，我賣太監亦系偶像。」去年的最佳男配角黃智賢因今年沒提名而鬧爆，昨日他繼續呻，高層樂易玲表示會安撫他，但坦言有很多同事都做得好未獲提名，必須尊重遊戲規則。
