FBI
1件頭變 3點式 王君馨搏到加戲
2013年01月02日王君馨自 07年選完港姐之後，一路都有唔少劇拍，而且愈做愈上手，播緊 嘅《法網狙擊》都睇得出佢不斷進步中。
演技日漸成熟，原來馨馨職業操守都抵讚喎！話說佢早排拍《法網囂雄》（又係法網 XX，記死 FBI！）一場落水戲， TVB服裝部準備 咗套一件頭泳衣畀佢，點知馨馨當日自己帶 咗套三點式 嚟，仲同監製林志華講：「我覺得著呢套效果會好 啲！」監製當然照單全收， FBI仲收到風，喺呢套劇飾演律師嘅馨馨亦因此而獲監製賞識， 喺《法》劇加重佢戲分，咁搏，乜都贏番曬。不過呢頭讚完，轉頭 FBI喺尖沙咀撞到王君馨拍《法》劇外景，一個擲銀仔鏡頭都 NG咗 7、 8次，讚壞咗！
等到傻
單立文當日都有份開工，由於馨馨狂 NG，未使埋位嘅單立文都等到傻咗。
就係呢幕街頭講數加擲銀仔做抉擇嘅戲，王君馨掟極都掟唔好，搞到 NG咗 7、 8次，李詩韻個樣都有少少唔耐煩。
.[FACE]1件頭變 3點式 王君馨搏到加戲
http://veryy8.blogspot.com/2013/01/face1-3.html
