搜尋此網誌

2013年2月1日星期五

[忽然1周]傳返無綫𢱑撈 吳孟達自爆:我有十間舖

打衞生麻雀 <br><br>曾因爛賭搞到破產的吳孟達,今時今日雖然仍有賭馬打牌,但都只是幾百蚊上落。「見過鬼仲唔怕黑?家陣仔細老婆嫩,仲敢咩!」


娛聞樂

傳返無 綫𢱑撈 吳孟達自爆:我有十間舖

2013年02月01日

日前,闊別無 綫 23年的吳孟達,忽然亮相娘家,為台慶頒獎禮任嘉賓,外界隨即傳出他冇錢開飯要回巢搵食。據知,吳孟達今次返無 綫,將會夥拍劉德華拍劇為娘家打仗。

本刊收到消息,爛賭破過產的吳孟達,近年在內地撈到風生水起,根本唔志在無 綫「豆膶」人工,今次出山全因死黨志偉努力遊說。本刊更得知他近年積極在港投資買舖,舖位遍布港島大坑、九龍城等旺區。對此,吳孟達直認不諱:「我係有十間舖收租!」現時樓市炒風熾熱,不過收租收到手軟的達哥,坦言仍會努力拍劇搵錢!


去年 12月,吳孟達鮮有重返娘家為台慶擔任《萬千星輝頒獎典禮》頒獎嘉賓,更盛傳此舉是回巢的踏腳石。本刊收到消息,近期致力拉攏一些無綫舊將如劉華、周潤發、梁家輝等影帝返娘家開劇打仗的曾志偉,原來早前亦力邀吳孟達夥劉華拍喜劇。知情人士透露:「志偉同達哥一向都 friend,兩個亦係飲酒鐵腳。志偉喺電話同達哥傾過呢個問題,仲話今次佢返嚟,一定係拍大卡士,好似劉華同梁家輝。遲啲等志偉就啱時間就會約佢哋出嚟認真傾一次。」

放大圖片

志偉拉線

曾志偉和吳孟達識於微時,娘家大敵當前,志偉即拉攏老友出山,幫手殺敵。

放大圖片

大坑舖王

吳孟達近年唔聲唔聲,同友人合資$5,000萬買地舖。單單大坑布朗街,便有兩個地舖揸手,吳孟達絕對係圈中隱形富豪。

投資 5000萬炒舖

返得無綫拍劇,十個藝人有八個被指山窮水盡要食回頭草𢱑撈。但本刊收到消息,曾破過產的吳孟達,原來在上海和北京有六間港式餐廳,單單餐廳生意已年賺逾二千萬人仔。而他在大馬和新加坡分別擁有一棟獨立屋。據知近年他更秘密與友人在港投資炒舖,舖位遍布大坑、九龍城等港、九旺區。

上周四( 24日)他便專程返港簽約賣舖,吳孟達直認不諱:「以前喺大陸錯失咗好多商機,所以依家唔會再錯失呢啲機會。我最睇好香港商舖,早幾年同朋友夾嚇,攞 5000萬出嚟,每年都收番大約 300萬租㗎!依家夾埋都有十間舖,噚日先啱啱賣出咗大坑一個幾十呎嘅冷巷舖,成交價 900萬,我買番嚟都唔使 200萬。老啦要積穀防饑,為屋企人打算。」不過當記者問到其舖位地址,他則不願透露。

放大圖片

嫩妻掃平貨

吳孟達雖然坐擁過億身家,但比他細二十年的老婆,日前陪老公返港 shopping,都只到尖沙嘴加連威老道的朱義盛首飾店買頸鏈,夠曬知慳識儉。

放大圖片

早年與周星馳合作無間的吳孟達,曾批評對方只有錢但冇朋友,近日星爺新戲上畫,遭李力持、田雞輪流數臭,但吳孟達卻反而維護星爺說:「其實周星馳有自己一套處事態度,係 啲人唔明佢 啫!」

「唔識鄭嘉穎!」

離開無綫 23年的吳孟達,見證過周潤發、梁朝偉、周星馳等不同朝代小生。對於今日娘家的一線小生,他坦言睇好陳豪及黎耀祥。「我已經好少睇香港電視台,有時轉嚇台都冇咩留意,不過覺得陳豪同祥仔都幾好,睇過佢哋做嘅劇,唔錯。另外就識林峯,佢外形好,我哋喺橫店食過飯,仲係廈門同鄉㖭。仲有馬國明,都睇過佢啲戲,正正常常幾平均,上次台慶頒獎俾佢,個樣好乖仔。(鄭嘉穎呢?)唔知邊個,印象中冇睇過佢啲戲。(拍《步步驚心》紅咗嗰個!)哦……喺咪同吳奇隆拍嗰個!唔識佢。(佢依家喺大陸收 40萬人仔拍一集?)咁厲害咩!不過我知好多得個吹字。」

早前李力持曾公開批評鄭視帝人品及普通話差,兼經常改劇本,與李大導份屬友好的達哥,莫非因撐老友而「不認識」鄭視帝?

網友讚回春

早前,吳孟達出席台慶頒獎禮時令人眼前一亮,剛滿 61歲的他,清減不少,昔日的大肚腩及招牌灰白鮑魚刷頭離奇消失,就連網友亦讚他 young咗,但亦有人指他整容。

達哥回春,原來多得達嫂。「人老咗身體有少少問題,所以的起心肝戒酒。跟住老婆就嚟料喇,完全唔俾我食肥膩嘢,菜要烚,一滴油都冇。佢聽個 friend講花膠粥養顏,我就一星期食足 5日花膠粥,你咪以為好 happy喎,真係得花膠同粥,乜都冇。我同佢講肉都冇嚿邊有味 㗎?佢第二日就買 5蚊瘦肉擺落去。 5蚊瘦肉都買到?煲完仲要掉埋嚿肉有得睇冇得食,真係吹脹!加埋每日下晝 3點一盤生果,想唔瘦都幾難。」

除了食得清淡,吳孟達會定期到中醫處按摩及刮痧,每朝又到公園練氣功。日子有功,高峰期 185磅的他,現在只約 150磅。

放大圖片

後 型佬

看上去比從前年輕十載的達哥,在台慶頒獎禮上成為亮點。

放大圖片

前 滄桑

達哥昔日的白雪雪鮑魚刷頭及大肚腩,經過達嫂逼迫已不復再現。

放大圖片
放大圖片
打衞生麻雀 <br><br>曾因爛賭搞到破產的吳孟達,今時今日雖然仍有賭馬打牌,但都只是幾百蚊上落。「見過鬼仲唔怕黑?家陣仔細老婆嫩,仲敢咩!」

論盡小生

吳孟達從影四十年,即將回娘家的他,對於無 綫現時當紮小生和視帝,除了唔知邊個係鄭嘉穎,其餘一律好評。

放大圖片
放大圖片

唔知邊個係鄭嘉穎

計正鄭嘉穎比馬國明早出道,但吳孟達卻堅稱唔識鄭嘉穎,有點匪夷所思。

放大圖片

祥仔好戲

黎耀祥是吳孟達點名稱讚為無 綫數一數二好戲之人,演技到家。

放大圖片

馬國明乖仔

圈中筍盤馬國明,吳孟達在接觸過他之後,讚他講說話夠真,而且夠乖仔。

放大圖片

林峯外形討好

吳孟達直言林峯夠高大靚仔,演技近年亦進步不少。

放大圖片

陳豪謙虛

吳孟達曾在活動中接觸過陳豪,讚他為人謙虛敦厚。

隱形富豪

北移發展的吳孟達眼光獨到,多年前買落藍田麗港城單位自住,現已升值約$600萬。而他與友人亦睇準商機在港炒舖,其實可腳印印等收租。

不過自稱年紀大要減產的他,去年依然拍了兩部電視劇及一套電影,而且每集酬勞企硬廿萬人仔,單拍劇拍戲收入,一年已穩袋逾千萬,加上餐廳生意盈利,吳孟達堪稱圈中隱形富豪。

放大圖片

日前,本刊拍得吳孟達應酬完獨自返回麗港城寓所。

放大圖片

麗港城

內地劇集(以人民幣計)

《辣媽俏爸》 20萬 X20集  400萬

《廚緣》 20萬 X30集  600萬

內地電影(以人民幣計)

《給野獸獻花》  150萬

去年收入約  1,150萬

放大圖片
放大圖片


.[忽然1周]傳返無綫𢱑撈 吳孟達自爆:我有十間舖
http://veryy8.blogspot.com/2013/02/1-1_2699.html
Related Posts Plugin for WordPress, Blogger...