搜尋此網誌

2013年2月6日星期三

[FACE]瘟西裝男治情傷  33歲王菀之叫春

「晴晴」戲內慘被「潮潮」飛,喊到面花,現實中王菀之迅速找來西裝友在置地廣場會合 shopping,填補感情空白。


封面

瘟西裝男治情傷  33歲王菀之叫春

2013年02月06日

《老表,你好 嘢!》贏盡口碑同收視,仲幫好多演員爭番啖氣,好多師奶甚至睇 咗《老表》至知,王菀之咁唱得、張繼聰咁演得!唉,王菀之做歌手做 咗 8年!張繼聰話曬係演藝學院畢業㗎!

王菀之處女劇就表現出色,尤其上週「晴晴」慘被「潮潮」攤牌,睇到個個都話感動到喊,咁投入角色原來全因 啱 啱同多年男友分手,感同身受囉!不過 33歲 Ivana一 啲都不愁寂寞,極速投入搵食狀態,更被本刊發現有西裝猛男招呼周到!

《老表》晴晴真實版

出道 8年, 8年前王菀之與張學友合唱一曲〈我真的受傷了〉,揭露其原曲作者及靚聲真相。勢估唔到,王菀之首成名作及靚聲, 8年後才因為電視劇《老表,你好 嘢!》入屋,師奶網友個個都讚王菀之演得又唱得,上週在劇中失戀唱到面都花一幕,睇怕會為《老表》收視再創高峰。

失戀鰻魚飯憶舊愛

王菀之被揭早前與圈外男友分友,上週她更不時在微博分享失戀感言,上載鰻魚飯緬懷舊男友。

放大圖片
放大圖片
放大圖片

電視圖片

上週三播出的《老表,你好 嘢!》,「晴晴」終於看清「潮潮」真面目喊到面花,王菀之演出唔只觀眾讚,連前輩毛舜筠都話出色。

盛女覓食

先攞金曲金獎、再拍劇入屋,又憑劇捧紅埋自己新歌〈哥歌〉,行正事業運,又被踢爆名下擁有兩個合共 2,700萬豪宅單位名利雙收,更在微博幽默自封「香港頂級創作女歌手」,但查實 33歲王菀之最恨係桃花,希望極速脫離黃金盛女行列。

本刊更發現口口聲聲話現時單身的 Ivana連見女性朋友都悉心打扮,睇完靚衫再流連多間貴價化妝品商店個多鐘,咁緊張個 outlook,原來有新歡登場。

「晴晴」戲內慘被「潮潮」飛,喊到面花,現實中王菀之迅速找來西裝友在置地廣場會合 shopping,填補感情空白。

男伴嗒糖

會合西裝友後,王菀之第一站先去北美名牌 See's Candies買糖食(小圖),付錢後還甜蜜蜜與男伴齊分享,男伴亦貼心幫手接過糖果紙袋。

放大圖片
放大圖片

意菜撐枱腳

買完糖,二人才步行至皇後大道中歎意菜歎足兩粒鐘。位於 L Place的 Linguini Fini是中環白領熱愛意菜餐廳,意粉(小圖)最出名。

放大圖片
放大圖片

任性買貴傻瓜機

事業愛情兩旺,王菀之呢期明顯心情靚,約埋女友去 ifc睇玩家級相機 Leica,一週後即入手售價$18,000之 12年新款傻瓜機 X2,事後她自稱這是她「任性的新玩具」。

放大圖片
放大圖片

新 type登場

早前在微博放上一盒「鰻魚飯」表示睹物思前度的王菀之,前週四( 24日),中午時分約埋女性朋友在蘇豪會合,滋油淡定醫完肚、睇完衫,再搭行人扶手電梯直落交易廣場睇化妝品。

咪睇 Ivana係實力唱作派,買化妝品一 啲唔手軟,先逛 Giorgio Armani化妝專櫃,再落 Gucci,前後又試又睇足足消耗近個半鐘,再轉場 ifc物色貴價新相機。

「晴晴」戲內慘被「潮潮」飛,喊到面花,現實中王菀之迅速找來西裝友在置地廣場會合 shopping,填補感情空白。

上週四(上月 31日),王菀之跟王祖藍合唱〈我真的受傷了〉一幕,不少網友大叫感動,更有人稱連老人家都讚王菀之唱得好。

放大圖片

電視圖片

放大圖片

一劇換兩獎

出道 8年首拍劇集《老表,你好 嘢!》,王菀之即在無 綫今年的勁歌金曲總選爆大冷憑〈留白〉攞金曲金獎,即惹來拍劇換獎傳言。對此 Ivana話拍《老表》只因祖藍 氹足 4個月誠意十足,但據悉事實 Ivana〈留白〉攞獎真係唔關《老表》事,反而係接劇換 2011年度亞太區最受歡迎女歌手獎至真。一套劇換兩個獎、仲入埋屋,抵喎!

放大圖片

’04唱過曬

入行前已經自彈自作自唱攞過 Cash流行曲創作冠軍,王菀之 04年獲張學友在演唱會上親自介紹,並合唱〈我真的受傷了〉開始歌手生涯。《蘋果日報》圖片

放大圖片

今年攞金曲金獎搞到容祖兒都 O嘴,其實王菀之去年同林峯一齊攞亞太區最受歡迎男女歌手已經爆曬大冷。《蘋果日報》圖片

王菀之拖得低調

與張敬軒放足 8年煙幕,王菀之實情感情生活豐富,多年來音樂拍檔 Alex Fung、 MV導演仲有同居猛男,身邊異性不斷。

放大圖片

煲水情人

04年一出道就同份屬環球唱片公司的張敬軒傳緋聞,其實眾所周知二人只係「好姊妹」,查實各自有另一半。

放大圖片

斷正男友

王菀之唯一斷正的戀情,便是兩年前跟高大男友一齊離開幹德道寓所,可惜二人最終分手收場。

兩女 hea足三小時,原來互相攝時間,接近收工時間,女友會合男友與 Ivana擁抱告別,不出 30秒, Ivana的男伴亦準時出現。王菀之緋聞對象有大隻猛男、溫文張敬軒同才子音樂人,雜口味 Ivana新歡又係全新類型,青靚白淨全套西裝,貌似在中環金融白領。

放大圖片

秘拖監製 馮瀚銘

據知王菀之亦曾跟她的音樂監製 Alex Fung(馮瀚銘)關係糾纏,但最終馮選擇了跟前歌手黃馨結婚。

放大圖片

暗戀導演 莊少榮

王菀之亦曾暗戀 MV導演莊少榮,但可惜神女有心,兩人始終未能成為一對。

「晴晴」戲內慘被「潮潮」飛,喊到面花,現實中王菀之迅速找來西裝友在置地廣場會合 shopping,填補感情空白。

北海道之旅

新劇大收旺場, Ivana與西裝友在置地廣場,雖然保持距離沒有親密舉動,不過就一舉手一投足默契十足,西裝友一出聲, Ivana靜靜雞聆聽、微笑回應,一路和諧走到地庫糖果名店 See's Candies, Ivana自掏腰包幫襯買糖,男伴理所當然分享糖果,然接過 Ivana手上糖果紙,相當有男士風度。

行完買完糖再歎埋兩粒鐘意大利菜,當日雖然冇下場,不過記者翌日再發現 Ivana鬼祟蒙面去書局搜購兩本北海道旅遊書,咁快就計劃遊埠, Ivana今次脫離剩女有望!

肥瘦孖寶

張繼聰威畀謝安琪睇

07年與謝安琪奉子成婚, 08年謝安琪就憑〈囍帖街〉一歌升呢做 咗天後,張繼聰從此因為發展唔夠謝安琪順利,被冠上廢柴老公之名。不過風水輪流轉,謝安琪因為轉會風波事業停滯不前,張繼聰反而因為拍劇入埋屋,除 咗《老表》外,張繼聰又拍埋重頭劇《巨輪》,更落實與《老表》原班人馬接拍《食為奴》,三劇連踩,總算威番次畀老婆睇。上週張繼聰就招積回應:「唔好嘅新聞都好多年啦,我冇介意好耐囉……冇乜寃屈氣要吐,條氣一直都好順(學足小超李澤鉅口吻!)。呢行順境逆境都係咁做,最緊要享受個過程 啫!」

放大圖片

冇乜寃屈氣要吐 真實對白

曾被指「廢柴老公」的張繼聰,上週六接受本刊訪問時,雖然自稱「條氣一直都好順,冇乜寃屈氣要吐」,但講起《老表》受歡迎,仍難掩得戚表情。

放大圖片

老公張繼聰有份做嘅《老表》,謝安琪都話晚晚同囝囝張瞻捧場,仲擔心張繼聰賤男角色太深入民心喎。《蘋果日報》圖片

放大圖片

本週最搶

張繼聰的「潮潮」跟飾演「 Monica D」的凸眼許亦妮搭上,而飛甩王菀之,至今週則變成「潮潮」遭「 Monica D」玩完即棄,張更淪落街頭賣藝,成為《老表》本週高潮之一。

放大圖片

連踩 3劇

除《老表》外,張繼聰亦有份拍重頭劇《巨輪》,更將於王祖藍擔正的新劇《食為奴》中飾演刺客首領。《蘋果日報》圖片

Bob揸姣跑搶奶粉

近日全城恐慌搶奶粉,水貨客以螞蟻搬家形式一車車運奶粉返大陸。

唔少港媽抱怨買唔到奶粉,搞到政府出 10招保住港 B碗飯。因《老表,你好嘢!》 hit咗嘅潮爸林盛斌( Bob),上週六( 2日)就揸埋 shocking pink愛駒一早去買奶粉,難為 Bob行咗 3間先搶到 2罐,仲要唔係佢囡囡食開嘅牌子。難怪事後 Bob話:「明白香港人點解會唔高興!」,「和諧」講就易。

忙揀貨

放大圖片

上週六( 2日), Bob帶埋助手去萬寧買奶粉。見佢一入去就行去奶粉貨架,發現冇貨便即時致電老婆,其間聽到佢同老婆講:「冇阿囡食嗰隻,點算呀?」

「晴晴」戲內慘被「潮潮」飛,喊到面花,現實中王菀之迅速找來西裝友在置地廣場會合 shopping,填補感情空白。

入埋尿片

放大圖片

喺萬寧搵唔到, Bob惟有去附近藥房摷,見佢除咗奶粉外,仲順手入埋尿片, Bob話:「個職員話呢隻啱轉食糊仔嘅 BB用,所以咪試嚇囉!」

粉紅姣跑

放大圖片

出去買奶粉 Bob都要揸埋架值 40萬嘅日產名跑車 Fairlady,個顏色仲係 Bob至愛:「我最鍾意粉紅色,所以專登搵人整㗎!」

溫馨四口

放大圖片

Bob一家四口 sweet到爆,佢好錫屋企人,就算忙都實抽時間陪佢哋,特別係兩個寶貝女。

《老表》晴晴現實版有西裝男陪,而一肥一瘦孖寶,瘦嘅張繼聰威番次,而肥 Bob戲中做湯盈盈「姦夫」「衰」到入曬屋,不過私底下原來係廿四孝老豆。

「晴晴」戲內慘被「潮潮」飛,喊到面花,現實中王菀之迅速找來西裝友在置地廣場會合 shopping,填補感情空白。

最憎坐地起價

育有兩名囡囡嘅 Bob,雖然工作超忙,但眼見奶粉搶購潮嚴重, Bob亦決定入番啲貨。上週六( 2日),政府公布奶粉十招翌日,午飯前 Bob先去萬寧再到另一藥房搶購,但都冇 B女飲開的奶粉提供,其後 Bob再轉戰另一藥房,才勉強購到另一款嬰兒奶粉畀 BB頂住先。

其後本刊致電 Bob,他亦無奈地表示:「 B女食開嗰隻唔算好多人搶,不嬲萬寧都有得賣,但估唔到都冇曬,好在阿囡快兩歲,可以食糊仔再加奶,所以咪買咗隻防敏感奶粉畀佢頂住先囉。其實我好明白水貨客嘅心情,但我更明白香港人點解會唔高興,我最睇唔起嗰啲坐地起價嘅鋪頭囉!」《老表》講和諧,不過搞到港 B冇奶飲就勢係假囉!

壞到入屋

Bob喺《老表》裏面壞得嚟搞笑唔反感,結局週更因賣假藥被警方通緝,仲要扮和尚逃避黑白兩道追殺。不過 Bob愈壞愈受歡迎,遲啲亦要開拍另一套王祖藍班底孭飛的《食為奴》,密密拍劇入屋。

冇好下場

放大圖片

Bob喺《老表》同湯盈盈做情侶,咀嘴、床戲當然唔少得。今週結局更要被黑道挾走打鑊甘。

工作冇停手

放大圖片

由電台 DJ、主持,電視劇到電影, Bob真係乜都有份。雖然 Bob唔係親生仔亦冇同 TVB簽約,下月在新劇《食為奴》中,亦會演禦膳房總廚!



.[FACE]瘟西裝男治情傷  33歲王菀之叫春
http://veryy8.blogspot.com/2013/02/face-33-face.html
Related Posts Plugin for WordPress, Blogger...