搜尋此網誌

2013年2月6日星期三

王菀之受情傷 喊出黑眼淚

王菀之受情傷


王菀之受情傷 喊出黑眼淚

【老表你好熱】「我唔同你拗,係因為我愛你!」王菀之(Ivana)在無綫劇集《老表,你好嘢!》其中一場戲,她戴了浮誇的爆炸頭加前衞化妝討好男友張繼聰,最終仍被擘腿的他狠撇,Ivana流下兩行黑淚作出大控訴,原來戲如人生,現實中Ivana同樣受情傷折磨,難怪這場戲演繹得真情流露!

撰文:餘燕儀



■王菀之拍《老表》時跟男友情變,激發她投入演繹晴晴角色。攝影:仇志德

處女拍劇的Ivana,演技自然令人驚喜,她坦言冇預計有好成績:「由王祖藍開始邀請我拍,我用4個月時間考慮,因為我幾怕鏡頭,做歌手7年,上《勁歌》驚過去紅館唱歌,拍劇要將我咁多年喺音樂上辛苦經營嘅皇後、冷艷形象拋棄,將喺屋企玩公仔嘅自己擺喺觀眾面前,所以都有啲怕醜,好感激祖藍冇放棄我。」

王菀之受情傷

■晴晴性格單純率直,熱愛音樂,跟現實中的王菀之很相似。

晴晴比我灑脫

日前播出一集,講述晴晴為挽回張繼聰,戴浮誇爆炸頭討好對方失敗,向著王祖藍痛哭發洩,流下兩行溶化了眼線的黑淚,Ivana的演繹令人眼前一亮,她說:「嗰場戲導演要求好傷心,我一直想原諒張繼聰,但忍唔住反駁,初時擔心大家會覺得晴晴太惡,又怕呢個趙薇藍本加強版造型太浮誇,觀眾唔鍾意從此離開我,但大家睇到感動,我睇番都想喊。」

原來,晴晴的眼淚亦是Ivana的眼淚,拍攝時Ivana和男友同樣發生情變,她說:「拍《老表》時感情唔開心,真感情可以幫助我流眼淚,我都要向晴晴學習,晴晴比我灑脫,雖然唔想放棄,但知道要放手,真實嘅我可能會留戀多啲,唔捨得多啲。其實吳芝晴角色有王菀之喺裏面,晴晴係好直接、簡單、好純、好率直嘅女仔,滿腔熱血鍾意音樂,呢點同我好似。」

Ivana坦言跟男友分手半年,原因是性格不合,問前度是否亦有第三者?她說:「我諗都有,但唔肯定,但我冇好似晴晴咁想追番佢。」對於被雜誌指有新歡慰藉,Ivana強調對方只是朋友,她坦言未有新戀情,但承認有人追,她說:「幕後幕前都有,冇諗揀邊個,但唔抗拒圈中人。」

王菀之受情傷

■王菀之被男友拋棄,流出兩行黑眼淚,真情流露。電視圖片

未想再接新劇

雖然首次拍劇有好反應,但Ivana未想再接新劇,她的興趣依然是唱歌,下個月就推出新EP,她笑說:「新碟好巴閉,入行7年第一次唔係自己寫歌,請自己最愛嘅音樂人做,有樂隊觸執毛、常石磊、方大同。」

髮型:Kate Shek@Hair Culture

化妝:Milk Yuen

服裝:Marc by Marc Jacobs

場地提供:中國紅@E-Max Max Home



.王菀之受情傷 喊出黑眼淚
http://veryy8.blogspot.com/2013/02/blog-post_5505.html
Related Posts Plugin for WordPress, Blogger...