搜尋此網誌

2013年2月6日星期三

無綫笑裏藏刀 明玩王維基

葉玉卿心情靚絕,自封46歲o靚模。


無綫笑裏藏刀 明玩王維基

無綫與香港電視一直針鋒相對,就連邵氏賀歲片也不忘揶揄香港電視老闆王維基,指片中的「王危機」角色借錢開電視台後走數,逼令擔保人替其還債!片中雖未有指名道姓,但盡玩諧音,足令觀眾爆笑!導演鍾澍佳指該橋段只屬玩笑,香港電視發言人則預告王先生新年忙碌,應未能抽空捧場!

自香港電視申請發牌以來,無綫先後多次發聲撐公司無懼風浪,高層們亦不下數次與王維基隔空互寸,火藥味濃,連近日邵氏賀歲片《2013我愛HK恭囍發財》中,也有一場挖苦王維基戲份。劇情講述譚詠麟飾演的舊式茶樓老闆,為老友王危機做擔保,向銀行借了700萬搞電視台,沒料老友走佬逼令阿倫代為還債,阿倫苦無解決方法欲跳樓了斷。

導演:冇特別針對

雖然劇情未有指名道姓,但前晚的首映禮上,心水清的觀眾卻看得相當高興,成為該片爆笑位之一。對於無綫擺明「玩寸」,王維基昨透過發言人謂暫未有時間欣賞該片,故不會作出評論,更預告新年假期未必有時間捧場。該片導演鍾澍佳則透露該場戲份只是開玩笑:「條橋係即場撞出嚟,冇話特別針對王生。(無綫有冇施壓要咁做?)又冇。(怕唔怕王生嬲?)相信佢冇咁小器,嬲都嬲香港政府先,咁耐都唔發牌畀佢。」

曾志偉、葉玉卿、謝天華等前晚在首映後派對狂歡狂食。
  • 曾志偉、葉玉卿、謝天華等前晚在首映後派對狂歡狂食。
Wow!咁寸?(設計對白)
  • Wow!咁寸?(設計對白)

志偉讚子珊交足貨

而曾志偉、葉玉卿、謝天華、鄭欣宜等前晚浩浩蕩蕩現身首映後派對,高層樂易玲及邵氏高層黃家禧亦有亮相,志偉直言觀眾反應冇得頂,還大讚片中子珊及欣宜演技出色,更大爆好友譚詠麟(阿倫)看黃宗澤向子珊的求婚戲時流下男兒淚。志偉笑指子珊即使拿不到影後,亦至少能獲提名:「我傳咗一段好長嘅message畀佢,睇到佢有進步,直頭可以入去識做戲嘅行列。(之前唔好?)有參差,依家識收放自如;欣宜如果可以放低身段,係可以做吳君如接班人;卿卿因為唔多戲,所以排第3囉!」卿卿對於排名不夠兩位後輩,亦大方認同:「子珊係搶戲,欣宜就搞笑。(依家戲癮大發?)係有,不過現實生活做唔到,老公唔畀!後日(即今日)返美國之後都未知幾時再嚟。」子珊對於獲讚一事笑不攏嘴說:「好多謝佢哋,會繼續努力!」

文:影視組



.無綫笑裏藏刀 明玩王維基
http://veryy8.blogspot.com/2013/02/blog-post_8567.html
Related Posts Plugin for WordPress, Blogger...