TVB賀歲片《2013我愛HK恭囍發財》寸爆王維基
無綫與香港電視關係一直處於針鋒相對狀態，估不到近日於邵氏賀歲片《2013我愛HK恭囍發財》中，亦有一場挖苦王維基戲份，劇情講述譚詠麟（阿倫）飾演的舊式茶樓老闆，為老友王危機做擔保，向銀行借了700萬搞電視台，沒料老友走佬逼令阿倫代為還債，阿倫苦無解決方法欲跳樓了斷。雖然劇情未有指名道姓，但於首映禮中，心水清的觀眾看得笑聲連連。對於無綫擺明玩寸爆，王維基透過發言人表示暫未有時間欣賞該電影，故不會作出評論。
而該片導演鍾澍佳則透露該場戲份只是開玩笑：「條橋係即場撞出嚟，冇話特別針對王生（無綫有冇施壓要咁做？）又冇（怕唔怕王生嬲？）本人唔識佢，相信佢冇咁小器，嬲都嬲香港政府先，咁耐都唔發牌畀佢。」
阿倫（左）飾演王危機的老友，被他累到要跳樓。
志偉希望賀歲片令觀眾笑住過年。
卿卿雖然戲份不多，但復出演出賀歲片已是一大賣點。
TVB高層樂易玲（右一）到場支持《2013我愛HK恭囍發財》的Party。
.TVB賀歲片《2013我愛HK恭囍發財》寸爆王維基
http://veryy8.blogspot.com/2013/02/tvb2013hk-tvb.html
