有着落 加國富二代 追入片場周秀娜：我係想拍拖！

探熱針

有着落　加國富二代　追入片場周秀娜：我係想拍拖！

與拍拖六年的髮型師男友陳偉成（ Avis）分手後，周秀娜寄情工作，在卓韻芝執導的電影《爆 3俏嬌娃》日打夜打，搞到周身瘀傷，娜姐依然毫無感覺。早前本刊夜半探班，目睹有個 Benz男在片場外拎住禮物等足女神三粒鐘，認真癡情。

Benz男拎住好多禮物去片場探班，仲要不斷 Whats App女神，不過娜姐最後都冇親自收禮。

Benz男拎住好多禮物去片場探班，仲要不斷 Whats App女神，不過娜姐最後都冇親自收禮。

DaDa

早前娜姐練功夫練到拗柴，師妹 DaDa亦打到飛起，淩空轉身冇揸流攤。

送玫瑰花

周秀娜有心口，更加有腦，由模界打入影圈，從不錫身！同前度六年情玩完，激減一圈的娜姐，靠工作麻醉傷口，日前在電影《爆 3俏嬌娃》的拍攝現場，見她與師妹盧頌芝（ DaDa）跟內地動作指導練招式，十分認真。

等候埋位期間，娜姐不時拎住電話 Whats App，記者在旁看到部分對話內容，寫着「我今晚冇時間，要不停打，你走啦，我唔會出嚟」；與她傳過緋聞的電影監製兼出品人黃永峰（ Charlie），也一直在一旁與娜姐密斟毫不忌諱。「合作要有交流，根本冇嘢使乜怕。」 Charlie說。

探班當晚，有個揸 Benz，戇居居拎住兩份禮物的男子，一直守在片場外，打聽之下，原來 Benz男是等周秀娜。

「佢（ Benz男）前幾日已經嚟過，仲送咗紮九十九支玫瑰花俾娜姐，今日又攞住兩份禮物嚟。」一名工作人員透露。

據知， Benz男是加拿大的富二代，家族在當地開娛樂公司，雙方因為斟洽到加拿大登台而認識。對方知道娜姐甩拖後便發動長途電話追求攻勢，獲悉她拍打戲受傷，更索性由加拿大飛來香港獻殷勤。

到真正 roll機，娜姐要踩 4吋高踭鞋同人對打，打得又睇得。

打完一輪，娜姐即時食糖水補充體力，仲要用冰敷腳紓緩一下。

Benz男在片場癡等，娜姐 Whats App屢勸對方走人。

老闆 Charlie（左一）探班，娜姐同師妹 DaDa（右二）及餘曉彤（右三）跟他齊睇 playback吹水。

細細粒同娜姐一齊拍瘦身廣告，要減到好似娜姐身形，細細粒睇嚟先要拍拖然後再失戀。

無時間了解

不過 Benz男即使呆等了三個鐘，周秀娜仍沒有心軟，出去見對方一面，只是以 Whats App打發他。

對於 Benz男由加拿大追到香港，娜姐甜笑說：「冇嘢係冇可能，不過 timing唔啱，今晚要拍場大嘅打戲，唔想分心。其實我最緊要係先養好腳傷，其他嘢都唔想諗住，順其自然啦。」

據娜姐身邊人透露，她對 Benz男印象不錯，只礙於要開工，無時間相處了解。

「講真，我係想拍拖，想有人孭我返屋企，靚仔只係一個 bonus，都要有時間相處食吓飯了解，但我連呢啲時間都冇。嚟片場搵我一啲都唔浪漫囉，我要浪漫呀，喺片場我要開工，唔通叫佢幫我捽吓隻痛腳咩！」周秀娜說。

乘虛而入

男友偷食搞散六年情，周秀娜宣布甩拖重新「掛牌」，圈內圈外裙下臣，即時出擊，乘虛而入。

藍籌小方

同 Avis一分手，跟娜姐首傳緋聞的是名草有主的方力申。有指二人在內地合作劇集《唐朝浪漫英雄》時一度撻着，同期更發現「方太」鄧麗欣心情低落，借酒消愁。

內衣老闆

跟貼方力申吼住失戀娜姐的，是內衣品牌 La MIU老闆董路。有指他借搵對方任內衣代言人為名，追求為實，二人曾被發現在西貢撐枱腳食海鮮，態度親暱。

撰文、攝影：娛樂組

mailto:nextb@nextmedia.com

. 有着落　加國富二代　追入片場周秀娜：我係想拍拖！
http://hittt.blogspot.com/2013/04/blog-post_1944.html