周麗淇小腿生腫瘤 大如乒乓球

腫瘤係良性嘅，不過依家好似乒乓球咁大，又做唔到手術，因為太接近神經線，所以周麗淇(Niki)都好心煩。

事源7月左右，Niki拍張乾文新劇《好心作怪》嗰陣突然暴瘦，隻腳仲枴下枴下。據今期報道，Niki見小腿唔可以伸直又痛，以為係肌肉勞損，於是做針炙，但完全冇用。

報道話，Niki一驗之下，先知原來右腿有一個乒乓球咁大嘅肌肉腫瘤，太近神經線，唔切得，惟有切組織化驗。Niki之前去法國出席家姐周汶錡婚禮嗰陣，都未收到檢驗報告，個心十五十六，驚如果係惡性，擴散去淋巴或其他器官就大鑊。依家知道係良性都好啲，但都頭痕唔知點醫。

9月初Niki秘密入院做檢查，醫生建議佢接受微創手術。

之前Niki以為腳痛只係肌肉勞損，所以走去做針炙，但毫無幫助。

周麗淇飽受右腿劇痛之苦，但早前仍要為早已拍竣的《女警愛作戰》重拍結局。

Niki自發現腫瘤後，工作一直冇停過，亦忍痛出席fans為佢安排嘅生日會，表現毫無異樣。