亞姐面試佳麗鬥騎呢 嬌聲徐大俠搶閘彈出
亞視《ATV 2012亞洲小姐競選》港澳特區賽區昨日在亞視大埔總台進行面試，大會安排了22位佳麗穿上自選泳裝進行面試，並接受高層葉家寶、亞姐朱慧珊、羅霖及林韋辰等評判作簡單提問，22位佳麗年齡由17至31歲不等，大部份均是大學以上程度，更有多位碩士級人馬，佳麗的學歷相當不俗，但樣貌及身材，則依然秉承亞姐傳統，以騎呢為主。
《徐大俠》
係咪去錯咗地方呀？貌似徐少強嘅薑明，乜角度睇都儼如男人嚟，騎呢在於把聲異常嬌嗲。
《查小妖》
驟眼睇，陸文婷同查小欣有幾分似樣，之不過後生版個樣妖妖哋，精靈少少同有事業線。
《驚世現形1號》
噚日亞視出現兩位「驚世現形」佳麗，現曬形嘅陳彥蓉話自己已經檢查過，點知都係出事。
《驚世現形2號》
黃一晴即場上演《現形記》，但就冇陳彥蓉咁厲害，不過都好不雅。
《胸光法拉》
孟丹玨貌似陳法拉，最抵死係件泳衣好似對眼仔咁目露胸光，佢參加過世界旅遊小姐，仲係浙江區冠軍。
《Master籮》
許麗莉天生巨躉，足有39.5吋，行路「拋嚇拋嚇」，而佢的而且確係讀Master。
《面緊華》
於建茹係有丁丁似台灣索女楊謹華，但可惜笑起上嚟面部掹緊，膠味濃鬱。
在22位面試佳麗當中，只有孟丹玨、趙海恩、於建茹及齊真晨四位屬正常類別，身材好的代表有陳超、黃一晴、黃詠星，而最騎呢的則有鄧嫘、薑明、陸文婷及楊狄珊。騎呢之最要算是薑明，擁有嬌聲的她相貌竟然似徐大俠徐少強，且不時搔首弄姿，笑爆全場。
除了騎呢外，半鹹淡廣東話亦是近年的亞姐特色，黃詠星被評判問到為何要參選時，她竟答：「死喺後面！」即時惹來全場笑聲，原來她想說參選目的寫在後面的佈景板上，即亞姐口號「跨越美麗時空」。
採訪：卓寶花 攝影：葉君海
《波罅綺夢》
袁婉青同波蘭斯基冇關係，不過人哋綺夢粒癦喺胳肋底，佢就喺正波罅度。
《黑底大家姐》
咪以為趙海恩有背景，查實佢胳肋底未剃淨，黑色一撻撻。
上一則:邱淑貞母女四張明星臉
下一則:阿澤撐劉蔚萱醒目女
