賈曉晨（JJ）、莊思敏、梁烈唯等昨日到尖沙嘴出席《Big Boys Club》700集狂歡慶祝派對，昨日有消息指JJ因搭上錢國偉，男友樊少皇一怒之下與她分手，JJ昨日否認其事，並滿有自信說：「冇呀，我哋好正常，好穩定，完全冇問題，有問題都系太少見面，其他完全冇嘢。」
正印監場
對於與錢國偉傳緋聞，JJ哈哈大笑說：「系唔系想寫我哋宣傳片（指《Hong Kong Style》），當日拍嘢好趕，都冇睇人哋版本系點，錢國偉話只系見我好少，我拍完先知自己位置咁重要。拍攝當日渠真正女友都喺現場啦，不過都多謝佢咁睇得起我。」
