2013年1月4日星期五

鄧健泓唔食豬扒改食雞

2013年01月04日

鍾意食雞?梗係唔止呂方一個啦，原來鄧健泓都好鍾意㗎。

早排《忽周》獨家爆佢同豬扒港姐張嘉兒過夜斷正，唔知係咪食得豬扒多，胃口悶滯，早兩日鄧健泓竟一支公喺屋企樓下間快餐店食雞飯。

當然啦，鄧生梗係冇呂方咁嘴刁，不過求其落街食雞飯嘅舉動，就好配合佢「唔理好醜但求就手」嘅雜食性格。

雖然冇人認得鄧健泓，但佢都四圍望，食雞飯好唔專心喎。

鄧健泓 11月初跟拍拖兩年嘅龔嘉欣分手，無耐就被影到跟豬扒港姐張嘉兒同車。