搜尋此網誌

2013年1月4日星期五

[忽然1周]「藝人飯局」招來招往 揭向太幫 Eason唯唯內幕

我係撐硬志偉!(真實對白) <br><br>圖片


滾熱辣

「藝人飯局」招來招往 揭向太幫 Eason唯唯內幕

2013年01月04日

「藝人飯局」事件困擾娛圈一個月,「志偉派」與「黃浩派」的陣營輪住發功,兩大陣營招來招往。

志偉上月十九日涉普通襲擊及刑事恐嚇而被警方拘捕,本月中要返警署報到,幫口嘅梁烈唯則收到律師信,被告誹謗。

上周更有傳黃浩背後有娛圈富豪揼千萬支持,所以冇有怕。正當外界以為黃浩佔上風時,本周向華強太太陳嵐突然開聲力撐志偉及唯唯等人,事件戲劇性發展。

「藝人飯局」發展至「掌摑事件」至今,除了有份出席飯局的徐濠縈、李璨琛及何超儀外,愈來愈多人加入戰團,每周都有新進展,成為城中熱話。本周一( 31日)志偉懶理官司搞除夕 party,被指篤志偉的梁漢文缺席。雖然梁漢文早前已向外稱不會出席 party,但風頭火勢,他避見志偉,令外界覺得雙方關係緊張。另一方面,據知志偉原本周三( 2日)要返 TVB開會,但也突然改期,令人揣測與他官司纏身有關。

上周傳出黃浩有娛圈富豪在背後支持,願意出八位數字幫他打官司,外界都以為「志偉派」處於下風之時,向太陳嵐突然開腔,指摘黃浩「令娛圈雞犬不寧」,更指「如黃浩再做咁多衰 嘢,向華民(向華強的胞弟)唔會認呢個契仔」。向太力撐陳奕迅、徐濠縈及唯唯,原來箇中有因。

放大圖片

1月 1日出席「叱吒」頒獎禮的 Eason對有關黃浩事件一樣封口,拒絕再談。

放大圖片

徐濠縈於 12月 12日開記招表明不怕與黃浩當面對質後,沒有就此事再回應。

放大圖片

多謝向太!(真實對白)

放大圖片

記者致電黃浩,惟他卻封口,拒絕回應。

關係千絲萬縷

因為向太旗下「中國星」與多位「藝人飯局」的核心人物甚有淵源,唯唯女友 Tina是向太的職員,擔任向太契女應采兒的助手;而向太與志偉因曾合作拍電影而相熟,兩人相交多年;向太兒子向佐,與陳奕迅又是老死,連早前報道做雙方中間人的楊姓「大家姐」亦是向太好友,而「大家姐」的兒子,當晚亦是飯局人士。可見向太與飯局的核心藝人有千絲萬縷的關係。

放大圖片

向太兒子向佐(左)與陳奕迅是好朋友,兩人曾在《戀人絮語》一片合作,而曾志偉兒子曾國祥是《戀》片導演。

放大圖片

官司纏身的志偉,近日減少工作,不過就不時搞派對,好似上月 21日的「末日派對」(圖)及除夕派對,他都是搞手,玩樂心情完全冇受影響。

《蘋果日報》圖片

放大圖片

志偉及唯唯曾一同出席樂易玲生日派對。近日唯唯出言撐志偉,雖然因此惹官非,卻因而得到志偉邀請出席派對。

放大圖片

志偉曾經為向華強當年的永盛電影公司拍過《精裝追女仔》系列,故和向太相識近廿載,兩人私交甚篤。

《蘋果日報》圖片

放大圖片

Tina是應采兒助手兼好姊妹,而應采兒又是向太契女,向太對 Tina自然愛屋及烏。

放大圖片

《蘋果日報》圖片

藝人齊封口

無獨有偶,向太發表言論後,圈中人均一致地封口。在本周二( 1日)舉行的「叱吒」頒獎禮上,早前為愛妻抱不平的陳奕迅,和其他歌星一樣,不約而同拒絕就事件發表意見,令人覺得整個封口行動是有計劃部署。至於已收律師信被告誹謗的唯唯,則表示:「工作上認識向太,關於 嗰件事我唔會再講。(向太話你需要可以搵佢幫喎。)多謝佢先,現階段我都 OK,仲 handle到,多謝關心。」記者曾致電向太,但截稿前未獲回覆。

至於 1對 20幾人的黃浩,對於向太炮轟,也封口,只表示一切交由警方及律師處理,現階段沒有任何回應。

向太發火

在周刊數臭黃浩,更擺明撐陳奕迅、梁烈唯及曾志偉,暗寸有人借「向氏契仔」之名攞 著數,言辭甚激。

契爺唔撐

「黃浩係華民(向華民,向氏十二弟) 嘅契仔,不過華民都講到明……如果再做咁多衰 嘢,都唔敢認佢……任何巿民遇到有人話有向氏 嘅人照住自己而為非作歹,請立即報警。」

質疑冇帶

「你(黃浩)有帶,咪攞出 嚟囉!餐廳房間,點會有 camera啫?咁咪連廁所都有?」

累小朋友

「話人吸毒,又話 Eason老婆同人打茄輪……會破壞人家庭,騷擾到人 哋小朋友(康堤)……小朋友 嘅學校,可能會覺得個小朋友媽咪吸毒,又同人打茄輪,會唔會叫個小朋友唔好再 喺度讀呢?佢自己都有仔女 㗎!」

放大圖片

「大家姐」的兒子,亦有出席前年的飯局,才令「大家姐」牽涉其中。

爆大家姐

「佢所講 嘅『大家姐』咪係兩個𡃁仔 嘅媽咪囉,兩個𡃁仔見黃浩告呢個告 嗰個,就同媽咪講,咁個媽咪打電話同佢講嚇,希望佢息事寧人。」

力撐志偉

「志偉個人心地好好……未睇過佢打人!佢俾人打就有。」

撐梁烈唯

「唯唯都冇開名,做乜對號入座……如果唯唯搵我幫手,我實幫 㗎!」

寸富豪撐腰

「八位數字?八個零前面冇數字囉……就算有, 嗰個人都唔敢企出 嚟,博全港市民掟雞蛋呀!」



.[忽然1周]「藝人飯局」招來招往 揭向太幫 Eason唯唯內幕
http://veryy8.blogspot.com/2013/01/1-eason.html
Related Posts Plugin for WordPress, Blogger...