搜尋此網誌

2013年1月4日星期五

林峯離TVB成搶手貨

以往被追訪,峯峯必以淩厲斜睥眼贈記者,但今時唔同往日,被追捧自然心情好,笑曬。


林峯離TVB成搶手貨

入行十年的林峯早已明言恨攞今屆視帝,開到口「想有實質嘢揸手。」以為坐定粒六,點知埋門一腳撞柱彈出,失望加條氣唔順,自恃Fans眾多的峯峯,深知長此下去唔係辦法,決定劈炮唔撈,退出娛樂圈之說只是峯峯詐型計劃第一步。消息傳出後,早已擁有其歌星合約的英皇、內地的華誼兄弟以及太陽娛樂的Paco亦對峯峯的經理人約甚感興趣,失落視帝反變搶手貨,所以峯峯近排心情甚佳,本周日晚便單拖到超市買日用品,全程反傳統地跟記者有講有笑,對於劈炮一事,峯峯笑住Chok再Chok住答:「總之唔再接新工作。」採訪:畢紹基、李權威

樂小姐系的林峯輸給珍姐系的黎耀祥,雖然峯峯口講唔睇重獎項,但話曬「親生仔」,待遇竟不及「街外人」,林峯一向醒目,條數點會唔識計。雖然有指TVB會在將舉行的《勁歌》頒獎禮以「最受歡迎男歌手」送贈峯峯補番數,但由於得悉消息外洩,峯峯曾私下跟朋友透露:「傳到咁行,我拎咗咪好火羅。」,明示對「補數獎」絕唔領情。

Paco畀Like

在內地擁有極高知名度的林峯,深知已不用靠TVB搵食,一年合約好快完,年中剃頭拍劇會牽一髮動全身,當然咪搞。至於拒接Job,峯峯大條道理,「我啲演唱會飛一早賣曬,仲使乜宣傳。」失獎卻現霸氣,峯峯仲唔係有計?對於跟林峯合作,Paco坦言好有興趣,「我極有意思,但尚未接觸。」更對他讚不絕口,「可以唱可以跳又可以演,香港娛樂圈無乜幾多人。」而英皇的Mani亦說:「公司對所有有潛質嘅藝人都好有興趣。」峯峯自知有價有市,發你圍咪發你圍,TVB位於堆填區,但世界好大的。

心情舒暢

本周日晚,執到正的林峯單拖到中環超市Shopping,無論咖喱磚、意粉醬及即食麵等放滿兩大籃,其間邊跟朋友傾電話邊揀,談吐極風騷,沿途又有大量街坊表現激動,「嘩,林峯呀,真人好靚仔呀。」聽到扮聽唔到的他陰陰嘴笑。而拎住兩大袋的峯峯一見記者即主動報料兼放電:「今日司機同工人都放假,咪入定啲貨囉。(買咁多煮餸嘢嘅,同女朋友玩煮飯仔呀?)哈哈哈,唔好玩我啦,我邊有女朋友呀。」對於退出娛樂圈一事,「演唱會最重要,總之唔再接新工作。」



以往被追訪,峯峯必以淩厲斜睥眼贈記者,但今時唔同往日,被追捧自然心情好,笑曬。

一路行一路已賣口乖「辛苦曬你哋。」臨上的士還跟記者講拜拜,簡直神蹟。

一路行一路已賣口乖「辛苦曬你哋。」臨上的士還跟記者講拜拜,簡直神蹟。

林峯

峯峯一路揀嘢食一路傾電話,全程笑多過講。



.林峯離TVB成搶手貨
http://veryy8.blogspot.com/2013/01/tvb_7216.html
Related Posts Plugin for WordPress, Blogger...