滾熱辣
30秒強姦戲衝擊尺度 高海寧剝上位：可以激啲
2013年01月04日
08年落選港姐高海寧，入行以來，深懂上位之道，將 34D原始胸器當作生財工具。去年底，正值花旦離巢熱，以往一直是飲食節目鐵腳的她，終成功出關拍攝劇集。在新劇《法網狙擊》，由閒角升呢做第三女主角。
遇上百年難得一遇的花旦荒，搏紮高海寧更豁出去，在下周三（ 9日）《法》劇一場歷時 30秒的強姦戲中，將會被飾演富二代的白健恩 SM強姦，更有她豪曬全背鏡頭，場面震撼。
一直是家中經濟支柱的高海寧，去年中被旅行社太子爺狠撇，頓失靠山，難怪今次盡地一煲，她向記者坦言：「雖然搞到周身瘀曬，但呢個唔係我底線，其實我可以再激 啲！」
劇集《法網狙擊》下周三（ 9日）進入高潮，劇情講到飾演見習檢控官的高海寧為救朋友，隻身勇闖一迷幻派對，中途俾富家子白健恩𥄫中，被強行拖入房施暴。片段中，飲醉酒的白健恩和高海寧在房間內拉扯一輪，最終男方將她制服，推她落牀後，再壓在她身上又攬又錫，高海寧最終失守。姦戲片長 30多秒，有聲有動作，但講到最激一幕，一定是大露背的高海寧騎在赤膊的白健恩身上，加上兩人下身被棉被遮住，鏡頭惹人無限遐想。
施暴男：佢做主動
據知，由於該場戲尺度太大膽，高海寧睇完劇本後，最初曾掙紮想推劇，更主動與監製、編審商討。「高 Ling同我 哋講話唔怕露，不過角色最重要係入屋，最驚係 啲師奶唔 buy兼俾人定型，到時得不償失。」不過當《法》劇監製文偉鴻向她清楚講解角色有很大發揮，強姦戲在劇情鋪排上是合情合理，她才放心一脫。
經監製再三安撫後，高海寧變得積極，在拍攝該場強姦戲時，更採取主動。與她做對手的白健恩表示：「我同高 Ling第一次合作，呢場強暴戲我 哋有好多動作，要不停互摑，開頭我都就位摑，驚太大力整親高 Ling。不過佢話冇問題，叫我唔使介意照摑落去，仲叫我大膽啲。佢又主動將我隻手擺 喺佢條腰度，佢坐上嚟做反應就得，諗起都好尷尬。」
30秒施暴連環睇
今次高海寧在《法》劇的被姦戲，據知歷時超過 30秒，由掟落 牀施暴到扯衫狂啜應有盡有。監製「交足貨」，網友應該唔會噓爆。
「姦」贏花旦
近半年，無 綫為搶收視，多次事先張揚會有花旦在劇中被姦。不過成功製造話題後，到播出時卻得啖笑。論可觀度，就只得高海寧呢場。
合乎條例先出街
對於下周《法網狙擊》播出白健恩強姦高海寧一幕意識大膽戲，外事部總監曾醒明表示：「無綫有電視節目條例守則科嘅部門，佢哋會睇曬所有劇集，每幕畫面同對白都合乎條例要求先會出街。如果牽涉意識大膽鏡頭，我哋都會喺節目播出時加 PG家長指引，提醒節目入面有色情或者暴力鏡頭，家長需陪同小童收看。在合家歡時段（晚上 8點半）後播出的節目，都會嚴格遵守電視廣播條例。」換言之，有電視節目條例守則科把關，無綫亦相信今次播出的強姦片段不會觸犯廣管局的電視廣播條例。
高：搞到周身瘀
靠劇上位的高海寧，為此表明大露背拍強姦戲絕非自己底線。「都唔係好激啫，我有 著短褲，見唔到啲乜。呢場戲除 咗露背外，都係互摑幾巴，你 哋唔好諗得咁嚴重。不過嗰場戲我嗌到聲嘶力竭，搞到周身瘀曬。（呢場戲係咪你底線？）如果劇情需要，我可以再激啲，呢場唔算係我底線。我都想爆，我唔怕呢場戲多人講，咁先證明有人睇我做戲。」
甩拖更搏
其實，現年 26歲的高海寧，以往出席活動都自動波露上又露下，為此她更與拍拖一年的「東南西北旅行社」的太子爺丘至剛起爭執。去年中，太子爺終頂唔順與她攤牌分手。知情人透露：「高 Ling本身好鍾意 Andy（丘至剛），不過 TVB講明唔俾佢 哋段戀情見光，驚影響高 Ling個騷價。 Andy嘈過好多次，加上男方父母唔鍾意高 Ling次次出 嚟 著咁少衫，兩個嘈嘈嚇就話不如分手。」
甩拖後的高海寧，收拾心情再度開「胸」。即使拍飲食節目《為食總司令》，亦穀到盡 著比堅尼，噴血程度爆燈之餘，還成為網上熱話，但就睇到女觀眾眼火爆。
賣肉養家
高海寧受盡白眼，其實有苦自己知。外間一直認為她貪慕虛榮賣肉求財，實情一家五口全靠她的收入。據知，高海寧父母多年來在旺角女人街擺賣銀器，收入唔多，加上還有兩個就讀中學的弟弟，五個人逼在旺角一個 500呎小單位居住。入行 5年，高海寧仍未有物業，現居單位亦只是租住，令她自覺要努力搵錢，回報屋企。
知情者說：「阿 Ling一向唔想父母喺女人街擺檔，又熱又辛苦，加上前年佢爸爸懷疑賣假貨俾海關捉咗，阿 Ling即刻叫佢哋唔好再擺檔，話寧願唔放假，自己辛苦啲接多幾個 job。但依家租金咁貴，擺街檔都已經掹掹緊。」高海寧亦曾向傳媒狂呻：「入行之後，爸媽都承受咗唔少壓力。以前阿媽肥嘟嘟，依家成個人都瘦曬。之前我想買咗樓先，但依家反而想快啲買個舖位，等佢哋唔使再擺街檔咁辛苦。」
Ling爸：佢好顧家
周二（ 1日），高海寧父親高榮宜在寓所接受記者訪問。對於女兒經常行性感，他苦笑說：「佢份工係好辛苦 㗎，做父母點會唔擔心。（佢話唔介意辛苦，想快啲買樓俾你哋住？）佢係好為屋企，好顧家，其實我哋都有地方住，不過佢咁有我哋心，我哋都好開心。」之後記者再追問他有否見過女兒前男友丘至剛，他說：「其實個女都咁大，佢啲感情生活我都唔會過問，只係想佢搵到個錫佢嘅男友，唔會要求有錢仔。」
高海寧搞到周身瘀依然頂硬上，為孭起頭家，冇計！
忘年戀照啃
上周六（ 29日）高海寧深宵為新劇《傳愛事務所》趕戲。連走幾場的她，以油炸鬼當晚餐。劇中她與 81歲胡楓譜忘年戀，更與對方在寒風中又攬又錫。
年賺二百萬
高海寧有事業線又肯露，唔少客戶都樂意搵她出騷。以往她的騷價不足兩萬蚊，不過她夠搏，出親活動都肯以性感亮相，酬勞在去年初便升至 4萬元。單計她去年的全年收入，輕易賺近二百萬。
活動： 4萬× 40個 $160萬
登台： 7萬× 5個 $35萬
總收入$195萬
色誘觀眾
高海寧這場強姦戲聲色俱備，陳煒同王君馨都唔執輸，齊齊在《法》劇拋胸搶收視，球來球往，實行加重口味搶收視。
第 24集陳煒火辣濕啜
陳煒飾演四大地產商之一，為上位不擇手段，多次走法律罅犯案，令律政界對她束手無策。每次她遇到法律問題，都會搵大律師郭政鴻幫手，她知道男方對她有意，並順勢討好他，以協助自己犯案。
第 15集王君馨誘天華
王君馨飾演謝天華的秘書，主動向他示愛，仲穀曬胸引誘天華。
第 16集楊怡病發揞胸
楊怡的母親、家姐都因乳癌過身，令她擔心都有此遺傳，在母親的每年忌辰，她都緊張得發噩夢兼心口痛，更懷疑自己患上乳癌。
.[忽然1周]30秒強姦戲衝擊尺度 高海寧剝上位：可以激啲
http://veryy8.blogspot.com/2013/01/130.html
