2013年必爆新鮮人
FACE週刊 第第297期
2012所有頒獎禮終於完曬，攞完「新人獎」或者「飛躍進步獎」風光完，今年又要繼續努力，務求更上一層樓。
每年都有唔少新人出現，本刊嚴選歌影視男女 fit馬，有望今年成功跑出。樂壇有林子祥餅印仔林德信同 Paco力捧新女陳僖儀；電視則必選由有線空降 TVB的黃翠如及 13年有 4劇等出街的蕭正楠；影圈就有做過 A&F大隻模的周秀娜師弟趙勁皓，同林峯緋聞同居女友吳千語。新面孔殺到，唔使晚晚睇韓瑪利認仔啦！
【歌】陳僖儀：要學 Kelly紅足十幾年！
今年 25歲的陳僖儀（ Sita），於末代勁歌頒獎禮奪得「最受歡迎女新人」時喊到變豬頭，有人質疑上年已攞過「新人薦場飆星獎」的她，點解連續兩年仲叫新人？其實 Sita前年只係派歌上台，真正出碟做歌手係上年 3月的《 Crazy Love》及 12月的《 Let Me Find Love》。
短短 1年出兩隻 EP，新碟曾榮登 HMV銷量榜第 1位，最威係 Sita在 YouTube紅爆，兩首 hit歌〈忘川〉及〈蜚蜚〉分別有 184萬及 129萬點擊率，比陳奕迅容祖兒更多。「 YouTube係一個好好 嘅平台，阿 G.E.M.就係一個好識利用呢樣嘢 嘅歌手，所以我都會錄一 啲歌放上去畀人聽，多數係翻唱其他人 嘅歌。雖然實會有人覺得原唱好聽 啲，但我唔介意，起碼多 咗人聽到我唱歌！」
擁有 5級鋼琴資格的 Sita，入行前曾在朗豪坊、海港城等商場唱歌，所以自信比其他新人淡定。
歌唱比賽出身、行慘情歌路又喺 K房熱播，出道經過同容祖兒有 8成似的 Sita，終極目標竟然係半退休的媽咪級陳慧琳。「我由細到大都好鍾意 Kelly，佢 嘅形象一直好好，又靚身形又好，唱歌跳舞又掂，而且佢紅 咗十幾年，真係好成功！」今年會出一隻大碟同開個人騷的 Sita，希望學 Kelly快慢歌都得，「我知自己唱慘歌會有共鳴多 啲，但今年想試新嘢，除 咗跳舞，又會搵 Hanjin（陳奐仁）作 啲快歌畀我！」
〈忘川〉在 YouTube有過 180萬點擊，仲勁過 Eason同祖兒。
經朋友介紹認識 Paco，對方只約 Sita唱過一次 K已經決定簽佢做歌手。
攞到 TVB「最受歡迎女新人」， Sita激動到喪喊。《蘋果日報》圖片
Paco話力穀
「 Sita把聲好靚，形象又健康，條件唔錯，所以今年除 咗幫佢出碟，仲會開戲畀佢，歌影兩邊一齊穀！」
最撐羅力威
我好欣賞羅力威，其實未入行前已經有睇佢喺《亞洲星光大道》比賽，好鍾意佢嘅音樂風格，所以之前都有邀請佢嚟我個 mini concert合唱〈雙子情歌〉！
林德信：想開個人騷！
以父之名入行的林德信（ Alex），由細個肥仔嘜變到現時高大有型，留埋同爸爸林子祥一樣咁標誌性的鬍鬚，未開口已覺得佢唱得。入行唔夠 1年，出過 1張 EP，更在新城、叱吒、十大中文金曲及 Sina Music掃了幾個新人獎，比起其他浸了一段時間的「新人」，林德信確實大豐收。「我估唔到上年會有咁多機會，可以出到 EP，拍 咗幾個廣告（包括日播夜播、同林子祥父子檔的 GNC廣告），又拍到電影（《起勢搖滾》），真係好滿足！如果夠歌的話，想開一個有幾百個歌迷 嘅個人騷，叫埋自己隊 Band（ Black Cats）一齊上台就正喇！」
除咗有機會開騷， 2月將會參與爸爸的演唱會，身為林子祥兒子， Alex唔似同樣係星二代的謝霆鋒咁有壓力，「我知好多人係因為 daddy而認識我，但我唔抗拒，反而好 proud of做佢個仔！」
27歲 Alex平時喺屋企甚少同爸爸傾偈，入行後反而有機會父子檔上台同拍廣告，互相了解多咗。
林德信喺新城、商台同港台都攞到新人獎，開得香檳。
同老豆林子祥一個餅印，兩人更父子檔上陣，拍健康食品廣告，電視狂播！
最撐 Robynn& Kendy
同期新人我最欣賞 Robynn& Kendy，因為大家都係外國返，又鍾意玩結他，所以好傾得埋，而且同公司（環球），有好多機會合作！
【視】黃翠如力捧新女一
王維基未有牌，亞視又掛住迫藝員上堂唔開新劇，今年分分鐘又係 TVB玩曬。睇來睇去都係楊怡法拉子珊嘉欣，終於有新血登場。 31歲的黃翠如，原本在有線做開旅遊節目主持，多得舊老闆餘詠珊帶挈，上年 4月忽然過檔 TVB，更殺入戲劇組拍劇。
黃翠如在 2月播出的《心路 GPS》擔正女一，與陳展鵬做情侶，另一套古裝劇《師父明白了》中亦係戲分最重，一空降即做女主角。據知，黃翠如即將會開拍新劇《寒山潛龍》，亦會同舊有線拍檔洪永城主持旅遊節目遊歐洲。劇集綜藝都有份，想唔入屋都難！
有傳黃翠如被 TVB舊人眼紅兼杯葛，但機會一個接一個，唔使理人點睇啦！
《師父明白了》有樂瞳（右）和同樣來自有線的梁嘉琪（左），但女主角依然落喺 黃翠如（中）手上。
第一套 TVB劇《心路 GPS》已經有得擔正，雖然未知收視如何，但黃翠如搭陳展鵬，起碼新鮮感贏曬！
蕭正楠飛躍男主角
早前於無綫頒獎禮有份提名「最佳男配角」及「飛躍進步男藝員」的蕭正楠，雖然輸畀古明華同梁烈唯，但依然劇接劇冇停手。
暫時已有 4套劇揸手，而且戲分唔少，其中《巨輪》更首次擔正做男主角，扮澳門鉅記老闆。另外， 3月開拍的《巾幗梟雄 3》，蕭正楠又會同胡杏兒黎耀祥有大量對手戲；而 3月出街的《仁心解碼Ⅱ》，雖然方中信先係男主角，但蕭正楠在劇中扮哨牙精神科醫生，造型突出，又有得同陳茵媺苟芸慧玩三角戀，連主題曲都唱埋，點夠你玩呀？
有《神探高倫布》、《仁心解碼Ⅱ》同《巨輪》排住隊出街，今年台慶要爭獎絕對大把本錢。
拍咗 10年劇，蕭正楠終於有機會喺《巨輪》做男主角，同劇仲有田蕊妮。
有份拍李添勝的《巾幗梟雄 3》，蕭正楠除會與視帝黎耀祥及視後胡杏兒搞三角戀，亦與唐詩詠有對手戲。《蘋果日報》圖片
TVB舊將撐起 HKTV
王維基的香港電視（前名為 CTI）仲未有牌，但 keep住開新劇，除 咗視帝夏雨同鮑起靜會一齊拍劇，張可頤亦同劉美君拍緊《客家女人》，至於曾經鬧爆 TVB的「噴火華」黃日華，已經拍完一套警匪片《開腦儆探》，儲曬彈藥隨時向舊公司發炮！
《客家女人》圖片
《開腦儆探》
【影】趙勁皓打仔打上位
5呎 11吋高、擁有 40吋胸肌的大隻仔趙勁皓（ King），中文大學中文系畢業，入行前做過中文老師、籃球教練、兼職 model，亦係現役甲一籃球隊成員，瓣數多多。
上年獲周秀娜經理人 Roy賞識，簽約成為全職藝人，除了繼續做模，更以「娜姐師弟」之名殺入影圈。「我之前拍 咗套微電影《兜售回憶》，??家拍緊《冰封俠》，同王寶強（內地演員）有唔少打戲，遲 啲會拍《重口味》，同苟芸慧梁烈唯合作，之後仲會同娜姐拍《 Ms. Boo》，呢套戲戲分都重，仲要不斷打，所以??家日日練功夫！」身形 啱做打仔， King希望似謝霆鋒夠搏命，「我當然想似甄子丹咁成功，但我最想學霆鋒，一 roll機就唔要命咁拍，真係好佩服佢！我知自己演技未得，所以我好驚做內心戲。之前《兜售回憶》首映，一完場我即刻衝返屋企，因為實在做得太差，冇面見人！喺我學好點演戲前，我寧願繼續拍打戲！」
有樣有身材又有學歷， King要爆出應該冇問題。
首套微電影《兜售回憶》中， King已經要同娜姐搞一夜情。
擁有 40吋胸肌， King做 A＆F模絕對唔輸畀班鬼模。
Roy讚勤力
「 King比一般後生仔集中，佢喺片場對好多嘢都覺得新鮮，所以乜都想問想學，而且佢好有親和力，好多客都鍾意搵佢！」
吳千語新戲排隊開
出道兩年的吳千語（ Karena），入行前拍過唔少廣告，簽約黃百鳴的天馬電影後，已拍了《開心魔法》、《八星抱喜》等 4套電影，今年亦有份參與賀歲片《百星酒店》，同吳君如鄭中基合作。
現時在無錫拍緊內地劇《歡天喜地俏寃家》的吳千語，除了例牌會拍來年的天馬賀歲片外，還有一兩套電影傾緊，今年 keep住有戲開。之前拍《男人如衣服》同林峯傳緋聞，最近更有傳兩人同居，兩人今年 6月又有新戲《 3D詭眼》上畫，唔知到時會唔會傳埋秘婚呢？
有老闆 黃百鳴睇住，肯定每年賀歲片都見到吳千語。
同林峯拍《男人如衣服》傳緋聞，但兩人例牌唔認。《蘋果日報》圖片
吳千語喺新戲《百星酒店》中，同鄭中基有唔少對手戲。
梁洛施復出撻 Q
有傳梁洛施今年會復出拍陳果執導、改編自高登紅爆小說《那夜淩晨，我坐上了旺角開往大埔的紅 van》電影版，可惜監製錢小蕙對本刊透露計劃已經撻 Q。「原著個作者認為 Isabella好適合，所以我哋膽粗粗邀請佢拍，但目前都未收到一個正面 嘅答覆，所以都搵 咗其他人選，但暫時未公布得！但天佑同又南就落實 咗，大概 3月可以開拍！」
Isabella 08年拍完《盜墓迷城 3》後，再冇新作品，專心在加拿大湊仔。
雖然 Isabella拒復出，但陳果新片依然有 Shine做主角。
.2013年必爆新鮮人
http://veryy8.blogspot.com/2013/01/2013_30.html
