搜尋此網誌

2013年1月9日星期三

[FACE]三口之家 送 14歲喜兒紐約升學 林憶蓮恭碩良閉門一家親

爸爸帶隊 <br><br>聖誕節深夜時分,恭碩良拖實林憶蓮從中環餐廳步出,而喜兒就同朋友仔傾到唔捨得走。


真面目

三口之家 送 14歲喜兒紐約升學 林憶蓮恭碩良閉門一家親

2013年01月09日

46歲林憶蓮自兩年前搭上 35歲音樂人恭碩良後,戀情日漸明朗化,去年林憶蓮到台灣開演唱會,更做足跟得女友,與恭碩良冚家陪玩,兩人更被影到十指緊扣,浮曬上面。

憶蓮愈見甜蜜,最近更將 14歲愛女喜兒送到美國升學,之所以選擇紐約,除了為避香港狗仔隊外,更得紐約城市大學音樂系畢業的恭碩良拍板。日前喜兒回港放聖誕假,憶蓮孖住恭碩良,一行五人加埋喜兒的朋友仔到中環開餐。三人儼如一家人,睇 嚟恭碩良快啲揀定戒指好喎!

年齡雖然相差 11年,但無阻林憶蓮和恭碩良甜蜜姊弟戀,二人拍拖兩年至今,憶蓮除令曾經發狂動粗兼要拆記者菲林的恭碩良馴服得貼貼服服之外,亦令喜兒接受這個「新老豆」。

拖到實

憶蓮貴為天後,你睇恭碩良捉得佢隻手幾緊。

招呼朋友

大情大性嘅恭碩良,估唔到同喜兒嘅朋友都啱傾,臨走前都要攬攬。

老豆坐車頭

喜兒孖媽咪憶蓮坐後排,「新爸爸」恭碩良自動自覺坐車頭,默契十足。

爸爸帶隊 <br><br>聖誕節深夜時分,恭碩良拖實林憶蓮從中環餐廳步出,而喜兒就同朋友仔傾到唔捨得走。

三人返閏

之後三人一齊返回林憶蓮於赤柱的寓所,三人行一樣溫馨。

鼓勵進修音樂

放大圖片

前年憶蓮開個唱,恭碩良仲走埋出嚟同憶蓮 jam歌,兩公婆大曬默契。

去年初恭碩良更入住憶蓮位於赤柱的排屋,成為「一家之主」,與愛女喜兒一齊生活,而喜兒亦甚接受恭碩良。「舊年憶蓮叫阿 Jun搬埋 嚟住,最初仲怕個女唔鍾意,點知阿 Jun好用心同喜兒相處,知道喜兒鍾意音樂,又介紹喜兒聽 Pink Floyd,睇得出喜兒都好接受阿 Jun。佢哋三個相處得好好,舊年一家三口先去吉隆坡玩咗成個星期。」知情人說。

雖然相處冇問題,不過喜兒在香港原本就讀於北角半山國際學校,其學業成績只屬一般,憶蓮跟恭碩良商量過後,決定送喜兒到紐約升學。

據知對感情完全投入的憶蓮,近年為喜兒在學校常被狗仔隊追蹤而煩惱,多得男友恭碩良提議,將喜兒送往美國,並主力提升喜兒的音樂天分。「憶蓮其實係想喜兒去加拿大升學嘅,但喜兒覺得加拿大悶, Jun反而好贊成喜兒去紐約,話曬 Jun都係喺紐約讀音樂,佢仲叫喜兒不如都揀音樂讀添;再加上喜兒嘅兩個姐姐(生父李宗盛與前妻朱衞茵的女兒)都喺美國,佢哋感情好 close,所以喜兒更加想去啦!」

去年聖誕節( 12月 25日)晚上,本刊發現返港放假的喜兒,跟母親同恭碩良,連同自己的朋友仔從中環擺花街一間西餐廳離開,當時喜兒同朋友仔有傾有講,而恭碩良則拖實憶蓮等的士。當晚所見,恭碩良對喜兒的男伴亦照顧十足,最後仲 goodbye hug添。四十有六的憶蓮,難得搵到真愛,連喜兒都接受埋,再嫁唔係冇可能!

憶蓮女泰仔互♥

憶蓮自 04年與前夫李宗盛離婚後,便獨自帶住喜兒返港定居。其間憶蓮曾翻撻初戀男友陳輝虹,又跟同性廣告導演蔡美詩過從甚密而令喜兒反感,她曾一度被拍到在學校與同學打架,不過近年埋恭碩良堆傾音樂偈的喜兒亦開始懂事,據知在美國讀書的成績都不錯。

早熟喜兒原來有位泰籍男友,二人不但在 fb互訴愛的宣言,泰仔更已登堂入室,去過憶蓮位於赤柱的排屋,仲舉不文手勢添!

放大圖片

早熟喜兒原來有位泰籍男友,二人不但在 fb互訴愛的宣言,泰仔更已登堂入室,去過憶蓮位於赤柱的排屋,仲舉不文手勢添!

放大圖片

雖然讀國際學校,但喜兒常常化妝返學。咁出位,難怪憶蓮煩惱 嘅!圖片

天後二代接棒

李喜兒自跟隨憶蓮返港後,即成傳媒目標,近年返學的行蹤亦多次見報,但喜兒亦經常將自拍照放上 fb跟朋友仔分享,愈大愈唔似憶蓮的喜兒,更不時以小背心上陣,青春無敵。

爸爸帶隊 <br><br>聖誕節深夜時分,恭碩良拖實林憶蓮從中環餐廳步出,而喜兒就同朋友仔傾到唔捨得走。

王菲為竇唯生的女兒竇靖童遺傳了王菲的靚聲,童童近年備受傳媒關注,而且最近童童初嘗作曲兼開腔主唱新曲〈 With You〉,便獲得《吸血新世紀》系列女主角姬絲汀史超域( Kristen Stewart)讚賞,勁有潛質入行!



.[FACE]三口之家 送 14歲喜兒紐約升學 林憶蓮恭碩良閉門一家親
http://veryy8.blogspot.com/2013/01/face-14.html
Related Posts Plugin for WordPress, Blogger...