搜尋此網誌

2013年1月9日星期三

鍾嘉欣處女band開演唱會

鍾嘉欣上月尾喺中環拍新劇《巨輪》,咁啱同劇仲有好姊妹李亞男


鍾嘉欣處女band開演唱會

FACE週刊 第294期

28歲鍾嘉欣同打仔伍允龍傳緋聞傳足 5年,但兩人一直唔肯認拍拖,近日更有傳 Race(黃婉佩)介入,搞到嘉欣向男友嗌分手。

雖然嘉欣證實和男友關係依舊,看來分手只是笑料,但上月剛出第 4張唱片的嘉欣 BB,靠男人不如靠自己。自爆想開個唱,據知嘉欣近日積極操體能練氣,準備 3月開個唱,更主動向唱片公司星煥娛樂 CEO何哲圖(Herman)要求搵埋其餘 4位「 TVB處女」組 band合唱。

有齊嘉欣、岑麗香、苟芸慧、王君馨同李亞男 5大女神,唔聽歌齋睇樣都夠曬視覺享受啦!



鍾嘉欣上月尾喺中環拍新劇《巨輪》,咁啱同劇仲有好姊妹李亞男,即刻乘機攬住傾餐飽!

近年 TVB星踩過界唱歌,花旦中算係出得最多碟的鍾嘉欣,早前開到口恨開個唱。「做咗4年歌手、儲咗 40幾首歌都未開過音樂會,希望 2013可以開自己 嘅迷你音樂會。最好喺九展,因為個場唔太大又唔太細,可以同班 fans近距離接觸嚇!」

鍾嘉欣上月尾喺中環拍新劇《巨輪》,咁啱同劇仲有好姊妹李亞男

傾完一輪,李亞男又攞個電話同嘉欣自拍,夠曬姊妹情深喎!

王君馨喺 TVB除夕騷有份上台唱英文歌〈 Crazy In Love〉,睇佢咁 enjoy,似乎好想快啲做歌手

王君馨喺 TVB除夕騷有份上台唱英文歌〈 Crazy In Love〉,睇佢咁 enjoy,似乎好想快啲做歌手。

Miss Virgin

「 TVB 5大處女」

左起:

李亞男

鍾嘉欣

王君馨

岑麗香

苟芸慧

「 TVB 5大處女」唱得又睇得,加埋「處女」咁大個噱頭,分分鐘成為最受歡迎組合。

操 fit備戰

據知一心諗住今年勇闖 Star Hall的嘉欣,近日已經積極準備。「嘉欣好想有自己嘅音樂會,佢同公司講過好多次,而 Herman都有應承幫佢搞。o依家佢一有時間,寧願 瞓少 啲都要去跑步遊水練氣,操 fit自己等 3月開騷!」嘉欣身邊人透露。

嘉欣現時拍緊新劇《巨輪》,同陳智燊的《幸福摩天輪》又出緊街,劇接劇,難怪要等到 3月先開騷

嘉欣現時拍緊新劇《巨輪》,同陳智燊的《幸福摩天輪》又出緊街,劇接劇,難怪要等到 3月先開騷。《蘋果日報》圖片

嘉欣 BB喺新城頒獎禮有獎攞

嘉欣 BB喺新城頒獎禮有獎攞,叫做有份分豬肉,好過法拉?喇!

姊妹齊撐

嘉欣 BB想開騷,當然要 call齊班「處女姊妹」撐場。

苟芸慧率先自爆想以組合「 Miss Virgin」進軍樂壇,「我想同鍾嘉欣、李亞男、王君馨同岑麗香夾 band,李亞男可以彈結他,我識電子小提琴,王君馨唱歌跳舞,仲可以叫王祖藍寫歌添!」而香香公主亦即刻和應,「我細個都有聽 Spice Girls,都有呢個夢想,公司咁多人,真係可以搞個女子合唱團。」

苟姑娘同香香都 ready,不過嘉欣的唱片公司老闆 Herman就賣曬關子當秘密武器。「所有嘢要等嘉欣 2月拍完劇先諗,服裝同其他細節全部未定,亦未知會唔會請其他女 artist做嘉賓,o依家都同 TVB度緊期,希望今年開得成!」嘉欣 BB開到聲想搞個唱,錫佢錫到燶的 Herman肯定開行 turbo搞啦!

鍾嘉欣處女band開處女騷

唔愛應酬夜蒲的嘉欣,早前趁唔使開工自己去行街買絲襪,冇搵男友幫眼。

有傳因 Race(小圖)介入而同伍允龍分手,但嘉欣已笑笑口否認,仲話兩人關係好好

有傳因 Race(小圖)介入而同伍允龍分手,但嘉欣已笑笑口否認,仲話兩人關係好好。

有傳星煥 CEO Herman(左)鍾意貼身照顧嘉欣,月前嘉欣搞新碟《 lovelovelove》簽唱會, Herman都有傍實。《蘋果日報》圖片

有傳星煥 CEO Herman(左)鍾意貼身照顧嘉欣,月前嘉欣搞新碟《 lovelovelove》簽唱會, Herman都有傍實。《蘋果日報》圖片

鍾嘉欣出過 4張唱片,今年仲有機會開個唱已算難得,反而其他一線花旦如陳法拉及徐子珊,出一隻碟已經玩完,真係同人唔同命

快閃花旦

鍾嘉欣出過 4張唱片,今年仲有機會開個唱已算難得,反而其他一線花旦如陳法拉及徐子珊,出一隻碟已經玩完,真係同人唔同命!

陳法拉

陳法拉

老公係 Neway大少,但法拉等足兩年,上年尾先有機會出處女大碟,可惜銷量唔過 1,000,早前更同唱片公司星煥約滿,成為無主孤魂。

徐子珊

徐子珊

09年出過一張處女 EP《 Kiss Me Kate》的子珊,以性感勁舞做賣點,攞過唔少新人獎。本來有機殺出血路,點知所屬的恒藝亞洲於 10年執笠,子珊慘成一碟歌手。

胡杏兒

胡杏兒

08年簽約 Neway Star,杏兒同年推出處女大碟《 Evolve》,獲雷頌德點名讚好, 09年再出 EP《 Loveholic》及開迷你個唱,唱過唔少劇集主題曲及插曲,但今年卻主力拍大陸劇搵真銀。

胡定欣

胡定欣

唔只一線花旦有得撈過界, 99年新秀四強(同屆有關心妍、吳浩康)胡定欣,之前同視帝黎耀祥合唱《大太監》片尾曲〈日月〉,被網友讚聲底唔錯,更講明恨同祥仔登台搵快錢。



.鍾嘉欣處女band開演唱會
http://veryy8.blogspot.com/2013/01/band.html
Related Posts Plugin for WordPress, Blogger...