2013年1月9日星期三

[FACE]高齡爸爸　高人教捐錢求子　 45歲陳小春做老豆

應采兒有咗 3個月 <br><br>自從布吉回港，應采兒覺得世事無常，無論用咩方法，都要盡快生 B，今次終於俾佢求子成功。

真面目

高齡爸爸　高人教捐錢求子　 45歲陳小春做老豆

2013年01月09日

結婚近 3年，陳小春同應采兒講到出口想生 B， 11年，小春更戒煙戒酒養身造人，可惜一直未成功。

兩公婆求子心切，去年應采兒更話：「要減少接戲，想造人。」據知亦得到一位台灣高人教路，提議兩公婆行善積福捐錢做善事，可望一年內得子。結果應采兒在內地發起藝人二手衫拍賣，又嘗試齋戒積福。兩人去年底終於造人成功， 45歲小春做老豆喇！

元旦當日，小春在微博上載一張圓蛋圖，更用軟尺量度大小，網民即時議論，估應采兒有咗 BB。直到上週六（ 5日），小春更將微博個人照換為一張大人和 BB的手相，令應采兒懷孕消息更似層層。知情人士說︰「上年 7月，佢哋同 Yumiko喺布吉旅行， Yumiko出咗事之後，丁丁（應暱稱）已經決定要快啲生，唔可以再等！覺得世事無常。」

放大圖片

小春將微博個人照轉咗幅大人和 BB手相，唔通想宣布做老豆？平時對記者惡形惡相的小春，難得溫柔喎！

放大圖片

扮超聲波圖 <br><br>小春一向口密，但都忍唔住在微博透露玄機，除了小孩手仔之外，圓蛋圖案令人聯想到佢量度 BB喺照超聲波時嘅 size，連網友都催小春快啲報喜。

扮超聲波圖

小春一向口密，但都忍唔住在微博透露玄機，除了小孩手仔之外，圓蛋圖案令人聯想到佢量度 BB喺照超聲波時嘅 size，連網友都催小春快啲報喜。

帶頭行善

返到香港，應采兒即刻搭朋友幫手搵高人指點。知情人士說︰「小春兩公婆都係大細路，但丁丁今次好認真，返咗老家台灣打聽，聽講當地有位高人叫佢哋要做多啲善事，最好就梗係捐錢啦，咁啱佢哋喺布吉返嚟，就有個大陸慈善機構搵佢哋捐衫，丁丁就自告奮勇搞咗個「愛星衣社」，叫埋明星好友幫手捐衫，又出錢、又出力。」

放大圖片

去年 10月 <br><br>最後公開露面 <br><br>最後一次在香港露面，係上年 10月初， Yumiko男友的化妝店開張，當晚應采兒早走兼冇飲酒，之後就只在自己微博曬行蹤，但都係得大頭相。

去年 10月

最後公開露面

最後一次在香港露面，係上年 10月初， Yumiko男友的化妝店開張，當晚應采兒早走兼冇飲酒，之後就只在自己微博曬行蹤，但都係得大頭相。

放大圖片

10/12唔見老婆 <br><br>平時同老婆糖黐豆的小春，單拖到圓方剪頭髮，之後就急急返康樂園陪老婆。

10/12唔見老婆

平時同老婆糖黐豆的小春，單拖到圓方剪頭髮，之後就急急返康樂園陪老婆。

匿家安胎

自從去年 10月初，應采兒出席 Yumiko（鄭希怡）男友 Andy的 D-mop化妝店開幕後就玩失蹤，活動當日應采兒亦表示︰「一早計劃好減少接戲，想造人和輕鬆一點。」

之後 10月萬聖節派對，應采兒曾懷疑自己有餡：「有朋友問采兒係咪有咗，采兒就話『唔知係咪呢！』」去年尾應采兒媽媽在台灣龍山寺還神，仲講明幫個女同女婿祈福，據知𠵱家應采兒剛剛懷孕 3個月。

本刊曾致電應采兒，但一直未有接聽，而她的經理人就表示︰「我哋未收到通知，等我了解嚇先。」中年得子的小春就心急在微博曬又度 size、又曬 BB手掌，蛇 B未出世，父愛先泛濫。