2013年3月2日星期六

胡杏兒自與黃宗澤分手後，一直處於單身狀態。被封為男神的馬國明直言對杏兒有feel，主動要求於新劇加插咀戲，惟遭女方派檸檬！肖羊的杏兒更向肖虎的馬明說：「如果一齊咪送羊入虎口？」

杏兒與馬明於劇集《戀愛季節》演情侶，由於非首次合作，故不用熱身已擦出火花。馬明坦言劇集開拍初期，曾向監製要求加咀戲，沒料真的成功，圓了當年《肥田囍事》時的遺憾，真的把杏兒追到手兼咀嘴。

雖然無緣成為情侶，但馬明很享受與杏兒在戲中談情，奉旨親暱。

>

兩個大細路邊食邊玩自拍，儼如情侶一樣。

馬明笑言對該場咀戲至今依然回味無窮，拍攝時全無壓力，只是抱著拍拖心情開工。他謂：「劇本本身冇錫，最後拍嗰時，大家覺得錫埋感覺好啲，錫嘴仔o架！好開心，幾晚瞓唔到添！不過我都好乖，拍之前冇食重口味嘢。」

在旁的杏兒聞言即哈哈大笑，讚馬明夠坦白。她不諱言多年來沒再合作，沒想到今日的馬明已成為大眾的「男神」：「同男神拍劇我都好開心！套劇入面大家關係都好甜蜜，有少少日劇feel幾浪漫。（重拾戀愛感覺？）都有o架！」

拒送羊入虎口

杏兒難忘一場馬明扮銅像戲份，皆因拍攝時天氣炎熱，但馬明的面額卻要塗上顏色，結果不斷流下朱古力色汗水。她說：「如果現實生活中，有男仔為我咁做會好冧。（要求咩男仔？）好似馬明咁，悶啲可以。不過佢依家勁得滯，頂佢唔順，真係物極必反，同你一齊咪送羊入虎口囉！點得？」

唔鍾意太不羈

事後馬明直言視杏兒為女神，不過女方卻謂：「你知道我同你之間冇可能，唔係因為有男友，係大家工作上火花好足夠。你依家變咗好不羈我唔鍾意。」馬明笑說：「我食檸檬冇所謂啦！男仔應該大方啲。」

杏兒馬天宇攬頭攬頸

近日忙於宣傳內地新劇《紅酒俏佳人》的胡杏兒，去年被傳與內地演員馬天宇譜出「姊弟戀」，但昨日胡杏兒竟不避嫌在微博上載與馬天宇的合照，除攬頭攬頸外，更以「姊弟」相稱，杏兒寫道：「終於見到你了，親愛的弟！」並附上心心符號。其後有網友大讚二人非常登對，更笑指馬天宇與黃宗澤有幾分相似。

攝影：吳文聰

場地：Mark One

胡杏兒服裝：BCBGMAXAZRIA

髮型：Lorraine @ Hair Culture

八卦嘢(八卦野) [八卦o野][日日818]