搜尋此網誌

2013年4月11日星期四

拒翻撻舊愛 周麗淇密會光頭佬




探熱針

拒翻撻舊愛 周麗淇密會光頭佬

一次又一次因男友偷食導致分手的周麗淇( Niki),感情生活 dry足一年,近日終於再開齋。有傳她跟前度紗廠太子爺 Eric翻撻,實情真正發展另有其人,對方是憑內地歌唱比賽節目《中國好聲音》爆紅的光頭歌手平安。早前二人在離島密會,黐實食海鮮,而另一邊廂,為要令前度 Eric徹底死心, Niki已計劃搬屋,避開對方。

上週六,光頭仔平安來港約 Niki去南丫島食海鮮,其間平安不時幫女方剝蝦殼,好細心。

飯後, Niki同平安雖刻意前後腳行去碼頭,但女的不時擰轉頭跟他交談。

陪睇大結局

出道十多年,拍拖永遠高度戒備的 Niki,只有○九年跟紗廠太子爺 Eric,被傳媒拍到同車外出拍拖相片,感情事,保密功夫做到足,不過百密都有一疏。上週六(四月六日),有人目睹她跟曾參加《中國好聲音》,現於內地人氣高企的光頭歌手平安,走到偏遠的南丫島拍拖食海鮮,還找來老友毛志輝夫婦及英皇高層 Alex做電燈膽掩護。為避開週末遊客,眾人待晚市過後,晚上九點半才乘私家遊艇到埗。

記者隨後在島上一間海鮮飯店發現他們,由於店內無其他食客,可以「包廳」拍拖的 Niki亦放下戒心,讓戴住帽的平安坐自己身邊,其間男方盡顯細心,為 Niki剝蝦殼拆蟹肉,更邊食邊陪睇《女警愛作戰》大結局。到晚上十一點劇終,夠鐘埋單鬆人。食飯孖住坐,但前往碼頭登船,二人警覺性再度回升,沿路刻意保持距離,直至登船一刻,平安才出手扶實 Niki上落。

她與謝天華孭飛嘅《女警愛作戰》,結局得 28點收視,成績未算有突破。

前度太子爺 Eric

有指前度 Eric近日搏命向 Niki求復合,但女的寧跟光頭仔約會,都唔肯見 Eric。(《 Face》圖片)

直到在碼頭,等遊艇埋岸等上船一刻, Niki同平安又放下戒備,黐番埋行。

一眾老友如蔡一智及家姐周汶錡,為甩拖成年的 Niki緊張,經常做媒,幫她物色對象。

避舊愛改號碼

據悉,已經三十三歲的 Niki過了一年剩女生涯,數月前經朋友介紹,認識來港錄音的平安,二人無論話題及性格亦相當合拍。眼見近年蔡少芬、郭羨妮與強國男拍拖能夠開花結果, Niki對這段中港關係亦保持開放態度。機不可失,平安也主動出擊,密密來港會佳人,爭取見面機會。

Niki心有所屬,一直死𦧲求復合的 Eric,翻撻行動只能白費功夫。年多前 Niki為與 Eric徹底斬斷情絲,轉換用了多年的手機號碼,更由荔枝角曼克頓山搬去貝沙灣,但種種行動未有令 Eric死心,甚至從朋友圈子中打聽到 Niki的新手機號碼後,隨即又再苦纏求復合。

「佢搵到 Niki新號碼之後,不斷發復合 whatsapp。其實當日係佢一而再偷食, Niki根本唔想聽佢解釋。不過分咗手一段時間,咩怒氣都過曬, Niki都有同佢保持普通朋友短訊來往,點知早排情人節, Niki收到佢送花上門,估唔到 Eric連新屋地址都起埋。做番朋友冇所謂,但唔想再同 Eric糾纏不清,而家見租約就快滿, Niki咪把心一橫再搬屋囉,無非想避開 Eric。」知情者爆。

唔揀富二代

寧揀內地歌手發展,拒絕與家族有過億身家嘅前度 Eric翻撻, Niki擺明唔志在入豪門。知情者續說:「近年追 Niki嘅人,有唔少係富二代,有啲甚至係成條街收租嘅中年富豪,佢全部唔騷,因為佢同 Eric拍拖嗰陣,都知道睇人眉頭眼額嘅豪門生活唔啱佢性格,所以唔恨嫁有錢人。其實平安而家事業唔差,話曬係《中國好聲音》捧紅佢,依家唱一場騷收五十萬人仔,唔失禮。」

光頭靚聲王

去年底, 34歲的平安參加紅遍大江南北的歌唱比賽節目《中國好聲音》爆出,成功殺入十六強,憑歌曲《洋葱》打動人心,連任評判之一的李玟也說:「平安,你出唱片我買。」其後平安被歌唱導師楊坤踢出局十強止步,網民 fans於是圍插楊坤,加速平安人氣爆升。雖然塞翁失馬,但平安獲那英胞姐那辛羅致旗下,成為真正歌手,更有份在今年初中央台春晚演出,據悉他現時出騷價由五十萬人民幣起跳。

撰文、攝影:娛樂組

mailto:nextb@nextmedia.com


. 拒翻撻舊愛 周麗淇密會光頭佬
http://hittt.blogspot.com/2013/04/blog-post_8333.html
Related Posts Plugin for WordPress, Blogger...