搜尋此網誌

2013年4月11日星期四

一家親




社交圈

一家親

俗語話:在家靠父母,出外靠朋友。呢句說話真係啱,好似今個禮拜邢嘉倩開幼稚園、何超蕸東華就職等,除咗朋友,最緊要係有阿媽姊妹奶媽成籮屋企人都出曬嚟撐到行,幾架勢呀!

林青霞 親過親生

久未露面的林青霞出山撐繼女創辦的幼兒教育中心,邢嘉倩親自去門口迎接,兩人十指緊扣壓軸進場,記者讚美佢為「第一夫人」,青霞風騷受落,還大讚繼女話:「嘉倩小時候同我傾心事,開幼稚園係佢嘅夢想,我無俾意見,但會聽佢講心事,幫佢紓解下工作壓力。」仲衝口而出話:「真係比親生更親。」

女皇駕到!(設計對白)

林青霞拍照時風騷撥髮,被咪牌陣遮面,主動退後一步回應攝影師話:「得得得,聽你的。」好識做。

張天愛 兩種態度

張天愛獨生女邢嘉倩的幼兒教育中心 Bebegarten上週六開幕,親生媽咪張天愛(邢李㷧前妻)拖住外公張有興來撐場。對於個女搞教育事業,她好安慰的說:「佢好有夢想,又有愛心喜歡幫人,意見都有俾,而經濟上佢有能力識得慳,俾錢佢都唔會要。」當提到她第三任丈夫胡漢清近日與胡母莊永楚的糾紛時,她即充耳不聞掉頭走。

何超瓊 奶媽出馬

上週二,東華董事局換屆,賭王二房三女何超蕸榮升第三副主席,除了家姐何超瓊及何超鳳來撐場,超瓊仲帶埋坐住輪椅、插住鼻喉的九十七歲奶媽晶姐同慶賀,不過超鳳即刻糾正超瓊話:「唔係,佢已經九十八歲啦。」三姊妹好有心,輪流幫晶姐披好身上的暖氈,超瓊話:「佢喺我哋屋企服務咗四十八年,平時有時間會探佢,佢住附近,所以帶出嚟行吓。」

超瓊細心地為奶媽拉好暖氈。

鄺美雲 回復童真

佛光會上週六舉行《人間音緣音樂會》,鄺美雲身為香港國際佛光會會長,佢嘅男友林達民當然要出席支持,不過鄺美雲笑住否認:「唔係,佢本身都信佛,平時睇星雲大師嘅書減壓。」但林生加入「佛光會」就肯定係因為佢囉。當晚,唔知係咪因為有愛情滋潤,鄺美雲在台上一邊唱歌表演,一邊跳舞扭腰,童真返曬嚟,人哋話拍拖會令人變得青春,睇怕鄺美雲應該後生咗至少卅年。

鄺美雲和男友林達民拍拖後,幾乎去到邊都秤不離鉈。

撰文、攝影:名人組

mailto:nextb@nextmedia.com


. 一家親
http://hittt.blogspot.com/2013/04/blog-post_4463.html
Related Posts Plugin for WordPress, Blogger...