搜尋此網誌

2012年10月6日星期六

[忽然1周]美容醫生爆 森美打針縮鼻翼削面

12年瘦面高鼻 <br><br>經過三年療程,今年森美已脫胎換骨,「面珠登」肉收細了,下巴變尖,鼻樑顯得筆直兼鼻翼收窄,可見他花了不少錢變靚 啲。《蘋果日報》圖片


滾熱辣

美容醫生爆 森美打針縮鼻翼削面

2012年10月05日

近年,商台 DJ森美(原名梁志健)踩入無綫做主持,與小儀主持的《千奇百趣》系列長做長有,早前還處男下海拍劇集《法網狙擊》。

隨住幕前演出愈接愈多,森美的五官亦產生變化。據知他三年來幫襯西貢的張可蔭醫生打 Botox及透明質酸,用作瘦面隆鼻樑及縮鼻翼。本刊記者向張醫生提及森美是其客仔,他亦承認:「係呀,佢係我中學同學。」森美卻死撐指:「張可蔭係我醫生,我去睇專注力失調啫!」但他拿著自己 03年的舊照,亦不得不承認自己個樣「變咗好多」。

現年 38歲的森美, 94年參加商台「叱吒殺戮新大陸比賽」入行做 DJ。早年,他扁鼻加面闊如大福餅,但近年愈撈愈受歡迎,還跳出商台為無綫主持多個節目,他的面形亦隨之而改變。最近,他主持《千奇百趣東南亞》時,昔日圓面變尖,鼻樑亦顯得異常高企,望落與林峯絕對有得揮,難怪他在節目中不時沾沾自喜讚自己靚仔。

放大圖片

03年闊面鼻短

03年,還未修身,體重高達 180磅, pizza面加短鼻,面部皮膚亦鬆弛,輪廓並不突出。

放大圖片

07年四方果

07年,減肥初見成效,身形變瘦,開始有星味,人氣亦急增。可惜他瘦身不瘦面,國字面依然明顯。

放大圖片

10年面形改善

09年開始打 Botox瘦面,國字面有所轉變,面部肌肉拉緊,鼻形開始突出。

放大圖片

隔閘回應

本周二( 2日),森美在商台做完直播後,離開時接受本刊記者訪問。他隔 著鐵閘翻閱自己多年來的照片,承認自己的鼻形時高時低,面形亦有好大轉變。

瘦面變靚上鏡

自詡靚仔的他三年前開始幫襯在西貢執業的張可蔭醫生。知情人士透露:「森美本身好貪靚,成日嫌自己面闊,鼻形唔夠出,加上近年頻頻主持節目,梗係想以最佳形象示人。佢同張醫生好熟,醫生唔贊成佢開刀,建議佢打 Botox瘦面同收鼻翼,以透明質酸穀脹啲鼻樑,睇起嚟高啲。」據知森美依照醫生建議,每半年補打一次針。

張醫生自爆森美係舊同學

放大圖片

在最近播出的節目《千奇百趣東南亞》中,森美的外觀望落更輪廓分明,擁有典型靚仔的高鼻及尖面。

日前記者以顧客身份到張可蔭醫生的診所,與張醫生面談約半小時,其間他除講解打 Botox及透明質酸的程序,亦露口風爆森美幫襯過他。

現場所見,顧客多為 30多歲的中年女性,診所亦貼滿不少介紹 Botox及醫學美容的海報。等了約 15分鐘,記者入房見張醫生,表示有興趣打 Botox瘦面及以透明質酸隆鼻,其間張醫生直認森美是其客仔,更自爆兩人是老同學。

張:張醫生 記:記者

記:打透明質酸要幾多錢?

張:大約 4千一支,一次可以維持半年。

記:我聽森美講冇咁貴喎,點解佢平啲?

張:我同佢打梗係平啲啦,佢係我中學同學。

記:佢(森美)試過 Botox瘦面同打鼻都 OK喎?

張:係。

記:聽佢(森美)講都做咗好耐,都睇咗你幾年。

張:係呀。

美容針價錢大眾化

森美幫襯的張可蔭醫生,除為病人睇普通科外,亦有醫學美容服務,包括為客人打 Botox、透明質酸、果酸換膚等服務。據知森美做的 Botox瘦面及用透明質酸隆鼻,每次收費約 3千及 4千。當日記者只是查詢有關美容針的過程及療效,沒有進行任何療程,亦需繳付 200元診金。

打 Botox(肉毒桿菌)瘦面原理在兩邊面頰打入 Botox,肉毒桿菌提煉出的蛋白質,可有效阻隔神經傳遞訊息,令發達的咀嚼肌收縮,亦可拉緊鬆弛的面部,從而達至瘦臉效果。注射過程只需 5分鐘,打一次亦可維持半年至 9個月左右。

而用透明質酸隆鼻,是將啫喱狀的透明質酸直接打入鼻樑,令肌膚表面恢復飽滿狀態,注射過程約 10分鐘,打一次可維持半年至 9個月。據張醫生表示,不少貪靚客人每隔 3至 4個月都會打 Botox一次,確保瘦面效果持久。

放大圖片

同森美打會收平啲!

放大圖片

張可蔭的診所位於西貢福民路,鄰近西貢碼頭,人流不算太多,不過收費合理,吸引不少貪靚一族幫襯。

放大圖片

在張可蔭醫生的診所外標明,服務範疇包括為客人果酸護膚、透明質酸注射及肉毒桿菌注射( Botox)。

放大圖片

診所外亦貼有陳秀珠做嘜頭介紹打 Botox的宣傳海報。

森美:張可蔭係我醫生!

本周二( 2日)本刊記者到商台訪問森美,他看過自己多年的照片前後對照後,都直認變化很大,卻否認有整容。

森:森美 記:記者

記:你最近好似靚仔 咗好多喎?係咪打過 Botox?

森:做過都係靚得咁少就唔抵啦,不過嗰時真係肥得好緊要。

記:點解個鼻高 咗?

森:(邊睇最近的照片邊說)個鼻你 哋都講 咗好多年,但我真係冇整過個鼻喎,有 啲相仲高㗎!呢張唔算高啦。

記:咁點解塊面瘦咗咁多?

森: Keep fit囉!呢個真係冇呃你,我之前去健身,個胸大 咗,皮膚亦拉緊 咗。

記:我哋知你睇開張可蔭醫生。

森:……張可蔭係我同學嚟㗎,亦係我醫生,我有睇呀!

記:搵佢打過 Botox同透明質酸?

森:梗係冇啦,中學同學嚟咋,我有 啲唔舒服,攞藥都搵佢。

記:佢話你有整過容喎。

森:梗係冇可能,佢係一個醫生唔可以將病人私隱洩漏出去。你唔使用呢個方法 chok我。

記:你搵佢睇咩病?

森:…我…本身有專注力失調,我要長期食藥。

記:你知唔知張醫生有幫人打 Botox?

森:知,佢有幫人整容。我定時搵佢,佢算係我半個家庭醫生。

記:有冇介紹佢俾你 啲女同事?

森:我有叫小儀快 啲去打 Botox,佢梗係冇理我啦。我都覺得自己變咗好多,以前 180磅,依家 150磅。

森美堅稱瘦咗導致個樣唔同曬,解釋都幾牽強。做完訪問,他隨即跳上小儀的 Audi房車一同離開,明顯逃避記者追問。

小儀有口德

放大圖片

你都有今日(設計對白)

本周二( 2日),本刊記者訪問森美時,小儀在其身後經過時一度取笑他「你整容呀?」不過當小儀揸車離開時,卻未有為森美變臉一事停下做訪問,口下留情。

互相比較

放大圖片

《蘋果日報》圖片

小儀傳出整容後,曾上黃柏高的節目澄清。當日陪她上節目的森美,更搞笑地摸她的下巴比較,但估不到森美才是打 Botox瘦面的人辦。

去年指證小儀

去年記者拿出懷疑小儀整容的照片給森美看,他當時笑指:「小儀係靚咗,應該係執靚咗,好明顯塊面瘦咗,腮骨削咗,鼻樑高咗同割雙眼皮。」

豬籠入水

近年不少小生、花旦愈變愈靚,森美為無綫主持節目後亦被「同化」,而變靚後的森美,在無綫的工作亦大量增加。據知其無綫騷價更由每個 6千升到 8千元。由 2009年起計,他在無綫的總收入近 200萬元。以上收入還未計其 DJ月薪、在外密密接的司儀工作及公開的商業活動。保守估計在這 3年間,森美的總收入肯定超過 1千萬。

節目

《超級巨聲》( 4集× 6千) $ 24,000

《打出十人巷》( 10集× 6千) $ 60,000

《千奇百趣》( 19集× 6千) $114,000

《千奇百趣香港地》( 29集× 8千) $232,000

《超級巨聲 2》( 15集× 8千) $120,000

《千奇百趣 Summer Fun》( 30集× 8千) $240,000

《千奇百趣 Winter Fun》( 19集× 8千) $152,000

《魔法擂台》( 13集× 8千) $104,000

《千奇百趣省港澳》( 30集× 8千) $240,000

《千奇百趣高 B班》( 14集× 8千) $112,000

《千奇百趣東南亞》( 35集× 8千) $280,000

劇集

《法網狙擊》( 25集× 8千) $200,000

無綫總收入:$1,878,000



Related Posts Plugin for WordPress, Blogger...