同你吟一吟
分居黎淑賢買燈籠氹仔
2012年10月04日同前夫盧惠光分開後，○七年再婚嘅黎淑賢，今年初為現任老公許智政再添一子，點知許智政早前被指同個已婚女同事有景轟，斷到正！
其實早在半年前黎淑賢已懷疑丈夫「偷食」，今次人贓並獲，佢唯有帶埋兩個仔搬走，同老公「分居」。婚姻出問題， 35歲黎淑賢試過瘦到得番一百磅，要填補傷口，佢話如今之計，係盡量令自己忙啲，分散精神。
上個禮拜二（二十五日），《壹》仔喺大坑見到有司機有車嘅黎淑賢，接完放學兩母子再一齊喺街邊檔揀中秋燈籠，買完金魚再買多隻兔仔。對住囝囝，愁上面嘅黎淑賢亦偶有笑容。
另一半不忠，當事人曾經形容「痛得不能呼吸」，撐得住，兩個仔，絕對係佢煲心靈雞湯。
