[忽然1周]葉蘊儀大食肥師奶

媽咪姐

葉蘊儀大食肥師奶

2012年10月05日

放大圖片

• 上一張
• 下一張

12年 9月

今時今日嘅葉蘊儀，單睇面部就變化唔大，若將目光向下移，嗰對麒麟臂真係嚇死你。

上周五（ 9月 28日），媽咪姐同班朋友去尖沙嘴 K11嘅百樂潮州飯店食晏，食到中場時，竟然俾後面張 枱個肥師奶嚇親，見佢邊大啖大啖咁質叉燒包，一邊又同朋友雞啄唔斷。食不言寢不語嘛，咁唔顧儀態嘅。當媽咪姐睇真啲時，呢個肥師奶竟然係 80年代尾嘅少男殺手葉蘊儀呀。

放大圖片

11年 11月

舊年 11月本刊拍到葉蘊儀同囡囡行街，當時嘅蘊儀已開始橫向發展，但有長袖衫遮住，仲 OK。

原本葉蘊儀同一男一女食晏，點知個男人坐咗唔夠五分鐘就走先，當其時已經嗌到成 枱都係嘢食，唔知係咪怕俾人睇到兩個女人咁擦得，本來面向門口坐嘅葉蘊儀索性背向大門坐。