真面目
影帝少戲 不忿做串星 城城爆劉華爭輸出口術
2012年10月03日分別憑 05年《三岔口》及 06年《父子》連 冧兩年金馬影帝的郭富城，之後幾年全部食白果，好在城城勝在產量多，單計今年已有《浮城》同《寒戰》，有機再爭影帝。
由城城同梁家輝 孭飛的《寒戰》，被喻為繼《無間道》後另一部重量級警匪片，加上兩個影帝的戲分由頭帶到尾，分分鐘口碑票房雙贏。咁大支好籤，原來連劉華亦虎視眈眈，話要出埋錢投資做主角，可惜最終爭輸焗做串星，惟有對外宣稱要陪朱麗倩待產度唔到期，點知轉頭俾城城踢爆講大話，劉華呢鋪輸曬喎！
10月 18日上畫的《寒戰》，雖然由新晉導演陸劍青及梁樂民合導，但卡士強勁，而且劇本籌備足足 5年，校 啱中秋檔冇乜大片，絕對有機爆出。
搭真橋槍戰
飾演警務處副處長的郭富城同梁家輝，一個冷靜一個激進，查案手法完全相反，撞正有悍匪公然綁架衝鋒車同車內 5名警員，包括梁家輝獨子彭於晏。兩個主角又要破案又要爭做警隊一哥，後來齊齊被廉署調查，戲分極重兼有發揮。
除了同梁家輝鬥戲，城城更有一場重頭天橋槍戰戲，要單人匹馬同蒙面賊駁火，為求逼真，劇組不惜工本，在舊停機坪搭建了部分大角咀天橋，再去實景補拍，以假亂真。
拍足 21 take
兩大界男神
擺老婆上枱
據知恨攞獎的劉德華一早睇中兩個超搶角色，但礙於導演屬意城城同梁家輝擔正，被迫客串做保安局局長、得幾分鐘戲分的劉華，惟有擺老婆朱麗倩上 枱，畀個靚位自己落台。「第一次睇劇本就好鍾意，但咁 啱家有喜事，實在抽唔到時間，只可以友情演出！」
搵曬位落台，點知城城同梁家輝夾埋玩踢爆，向內地傳媒揭劉華曾經使橫手搶戲分，可惜最終失敗。「劉德華後來還專程找過老闆，想要入股追加投資，以此換取主演地位，可惜最後沒成功！但他依然不死心，最後就給了他一個客串的角色！」劉華當年瞞婚已被封為「大話天王」，城城今次再踩多腳，唔夠兄弟喎！
拉頭馬贏 28萬
近年唔少明星鍾意養馬，曾志偉、任達華和苗僑偉等都係馬主，貴為天王同多年馬迷的郭富城亦唔例外，等足多年終於有得拉頭馬。城城的 4歲澳洲愛駒「愛的呼喚」上週日跑第一（下圖），為佢帶來 39萬 9千獎金，分到 7成（約 28萬）的城城話已經回本，下次再贏就有錢賺！有得威又有錢贏，估唔到城城揀馬同揀女友一樣好眼光！
