搜尋此網誌

2012年10月12日星期五

[忽然1周]扮鬼反被嚇 細膽 DaDa喊爆

嚇破膽狂喊 <br><br>成功被玩,導演即時安撫她。攬實女助手的 DaDa驚魂未定,不停向著導演說:「 Sorry sorry,真係好驚呀,唔好意思失禮曬。」


娛聞樂

扮鬼反被嚇 細膽 DaDa喊爆

2012年10月12日

𡃁模界阿姐 DaDa陳靜,日前孖住有「翻版朱茵」之稱的另一 𡃁模羅彩玲( Vivian),為一個網站的哈囉喂特備節目《索女玩盡末日萬聖節》任靚鬼嘉賓,一心嚇嚇班宅男。

點知當日衰鬼導演私下安排臨記扮鬼匿埋化妝間,熄燈突襲 DaDa。一早話怕鬼的 DaDa當場被嚇得花容失色, 𠵱嘩鬼叫合十祈禱,仲攬實助手喪喊。我見猶憐,有冇靚仔呵番呀?


由 𡃁模搖身一變成三千萬電影票房女星的 DaDa,憑著三級笑片《低俗喜劇》「爆炸糖」一角成功突圍,雖然拍戲資歷淺,但她卻入圍台灣金馬獎「最佳女配角」,為 𡃁模界爭光。

平日樣靚身材正的 DaDa就見得多,日前她卻反傳統,扮恐怖艷鬼為網站的哈囉喂特備節目任嘉賓。拍攝當日 DaDa準時早上十點便到葵湧的錄影廠化妝,其間她分別換了兩個爛頸兼七孔流血的喪屍 look,之後便埋位拍嚇鬼造型照。

放大圖片

化鬼樣

化妝期間, DaDa不時對化妝師說:「我真心覺得呢個妝好襯我,好鬼靚,仲愈睇愈性感㖭!」

放大圖片

紅遮鬼彈出

DaDa獨自在化妝間呆坐時,突然紙紮鬼在她身邊跳出來,嚇得 DaDa不斷尖叫,而紙紮鬼亦窮追著 DaDa,務求嚇死她為止。

放大圖片

逃出生天

慌張過度的 DaDa衝出化妝間門口,尖叫搵救兵。

放大圖片

祈禱求救

沒有宗教信仰的 DaDa,驚到連環做出祈禱動作,十分搞笑。

放大圖片

憑《低俗喜劇》升呢的 DaDa,角逐台灣金馬獎「最佳女配角」。她說:「到時預咗坐足成晚睇騷,不過有得行紅地氈已經好好啦!」

不過好戲在後頭,拍完硬照才到戲肉,導演預先安排兩名臨記嬸嬸在化妝間暗角匿埋,工作人員呃 DaDa獨自在化妝間等做訪問。

嗌救命祈禱

在房內呆等十分鐘的 DaDa,原本一直玩手中電話,此時第一名老臨嬸嬸攞住三支香衝入房在 DaDa身邊拜四角,並唸唸有詞:「衰仔,你哋玩夠未呀?」然後便走番出房。此時懵然不知的 DaDa仍未有反應。

老臨嬸嬸走後,繼續在化妝間呆坐的 DaDa望住四堵牆發呆,突然房內變得漆黑一片,裝扮猶如紙紮公仔的另一臨記在 DaDa身後彈出,並拿著紅色遮追著她狂嗌狂叫,嚇得 DaDa花容失色大叫救命,並急步衝出門口,做出祈禱動作,再攬實助手喊爆求救,喊到妝都溶曬,整蠱行動十分成功。

事後 DaDa飲了杯熱茶,才稍稍定過神接受訪問說:「真係冇諗過會玩得咁大,我一心諗住嚟嚇人,點知俾人嚇番,真係無話可說。依家諗番其實好多破綻,但嗰時嚟得太快,諗唔切。依家諗諗嚇其實我經理人知唔知呢件事呢?我開始好懷疑……點解我成日俾人整蠱?下次一定要做整蠱人嗰個!」下次搵個壯男傍實,乜鬼都埋唔到你身啦!

爆出半桶金

DaDa憑三級片《低俗喜劇》的「爆炸糖」升呢,成為今屆台灣金馬獎「最佳女配角」唯一的提名香港代表。突然人氣急升,商場騷價由 3萬變 6萬,內衣騷價由 4萬變 8萬,一個 double,「爆炸糖」絕對鹹得有價值。

Peach John內衣騷( 9月) 騷價$8萬

化妝品牌活動( 9月) 騷價$6萬

德國啤酒節開幕活動( 10月) 騷價$6萬

驚慄片(接洽中) 片酬$30萬

共$50萬

Vivian發老脾

DaDa嚇破膽,相反另一女角 Vivian,由於玩慣鬼屋,對突襲女鬼完全零反應,更大聲喝罵女鬼,比 DaDa大膽得多。

放大圖片

「朱茵」變殭屍

《蘋果日報》圖片

放大圖片

有「翻版朱茵」之稱的羅彩玲 Vivian,放下可愛面孔扮白面殭屍,望落真係幾恐怖。

放大圖片

照辦煮碗

導演將嚇 DaDa的伎倆放在 Vivian身上,可惜她完全唔驚。

放大圖片

喝罵女鬼

只得 17歲的 Vivian對於自己被玩,發老脾當眾鬧人:「咪玩啦!」便衝入洗手間。



Related Posts Plugin for WordPress, Blogger...