[忽然1周]陳豪呢個「老公」好等得！

媽咪姐

陳豪呢個「老公」好等得！

2012年10月12日

放大圖片

• 上一張
• 下一張

好嘢梗要等㗎啦！（設計對白）

無幾耐，謎底解開！陳豪亦無癮發現媽咪姐望實佢同整緊頭嘅陳茵媺打情罵俏， sorry囉！

上周四（ 4日），陳豪孖住陳茵媺出席 TVB台慶亮燈活動，陳生踢轎迎茵媺，戀情被擺上 枱宣傳《天梯》。估唔到佢 哋喺台下一樣 sweet sweet，活動後女方 喺化妝間落妝，男方毫不避忌走向女友噓寒問暖，仲斟茶遞水㖭！

媽咪姐見陳豪出入化妝間多次，行來行去，原來係等女友執番靚個樣後一齊走。行出化妝間時，陳生搭住女友膊頭，面露甜蜜笑容，任影唔嬲之餘仲同媽咪姐「講再見」。兩個咁鬼有默契，難怪有傳佢哋出年年尾會喺澳洲結婚，陳茵媺叫定陳豪做「老公」㖭！

放大圖片

媽咪姐初頭仲估緊，係邊個男藝人同人傾偈挨到咁埋咁癡纏？

放大圖片

女嘅笑到見牙唔見眼，男嘅大方揮曬手，愛得咁公開，真係圈中少見呀。