媽咪姐
關注劉心悠呀！
2012年10月12日
媽咪姐叫得大家埋嚟睇，梗有好嘢益你！繼早前「蘇基」古明華空降旺角，同《忽周》讀者簽名影相 happy迎中秋後，「純美女神」劉心悠又將會同各位嚟個 sweet爆見面會。嗱，呢個活動好鬼神秘，依家日子、時間、地點都未定，總之大家記住下期繼續買《忽周》，準備攞住本書同女神嚟個近距離接觸啦！
係喎，隨活動仲會送劉心悠、張智霖主演新片《天生愛情狂》嘅電影禮品，包保各位靚太 OL才俊宅男都一定啱使，搶呀！
今個月 18號公映嘅《天生愛情狂》由葉念琛執導，開宗明義講「溝女容易撇女難」。嘩，有靚仔 Chilam呀。
