搜尋此網誌

2012年10月12日星期五

[忽然1周]13/11零花費海洋公園行禮 盈盈樂樂搵熊貓證婚

上月中,盈盈樂樂孖實到電視城錄影《皆大歡喜之溏心風暴》節目,懷四個多月身孕的盈盈已腹部隆起。


大封面

13/11零花費海洋公園行禮 盈盈樂樂搵熊貓證婚

2012年10月12日

錢嘉樂與湯盈盈低調拍拖 5年,下月終奉子拉埋天窗。據知二人已鐵定 11月 15日於洲際酒店豪花百萬筵開 50圍大宴親朋。

盈盈樂樂圈中好友成籮,婚宴絕對唔慳得,不過本刊收到消息,兩人註冊行禮,將會移師海洋公園熊貓館簽紙完婚,更會破天荒由與兩人暱稱相同的海洋公園大熊貓「盈盈」、「樂樂」做見證。這筆約 18萬的費用,將由海洋公園全數贊助,慳到錢兼夾有新意,錢嘉樂真係人逢喜事荷包爽。

放大圖片

有國寶見證好有意義!(真實對白)

本周三(10日),錢嘉樂出席《寒戰》首映時爽快承認 11月 13日,會在海洋公園與湯盈盈簽紙結婚,不過聲明唔係純粹為錢:「我本身唔想太商業,亦唔想做咩代言人,如果要我俾錢都冇所謂。」

錢嘉樂曾說自己有擺酒恐懼症,唔想擺酒似做騷,若結婚必定會在外地小島舉行。但自今年 6月盈盈懷上錢種後,令向來大男人的錢嘉樂改變初衷,「原來結婚唔係兩個人嘅事,而係兩家人加埋一大堆親友同長輩嘅事,擺酒其實係必然。」

Toby做搞手

盈盈樂樂的婚禮籌備將會由搞開婚禮統籌公司的好姊妹 Toby(梁靖琪)全權負責,搵婚紗禮服、禮餅贊助、酒席安排、影婚紗相等,都是 Toby拍心口不收分毫搞掂。據知, Toby更為一對新人傾掂了一個別開生面、永世難忘的註冊儀式。

盈、樂二人將會在婚宴前兩天,即下月 13日上午,假海洋公園熊貓館舉行註冊儀式,並由寓意二人一雙一對的國寶大熊貓「盈盈」、「樂樂」同場見證。其實海洋公園近年一直效法死對頭迪士尼搞婚禮,但出動園內的兩隻國寶,則是首次為湯盈盈和錢嘉樂二人破例。

海洋公園公關向來與 Toby稔熟,當初公園得知盈樂二人結婚消息,即主動找 Toby幫忙穿針引線,在 Toby落力勁 sell後,盈樂都覺得合心意而答應。據知情者透露:「九月初,佢哋(盈盈樂樂)已去過海洋公園開過一次會,最搞笑係,開會時竟然有人提出話叫一對新人坐完越礦飛車就註冊,佢冇做功課,唔知湯盈盈有咗 BB,我哋見到錢嘉樂聽完眼都凸埋!面燶燶爆咗一句:『唔係嘛!』不過盈盈就好小鳥依人咁冇出過聲,最後由 Toby打圓場。」

據知註冊當天早上,兩人會先在摩天輪影一輯婚照,然後才在熊貓館進行簽紙儀式,見證人便是雙方家長及「盈盈」、「樂樂」兩隻國寶熊貓。之後眾人便移師大熊貓餐廳,有 cocktail及自助午餐招呼親友,由於座位有限,這天只招待一百位至親及兄弟姊妹團。註冊加 cocktail埋單要十八萬左右,全部費用由海洋公園贊助,真係幫嘉樂仔慳唔少。

周二( 9日),本刊致電海洋公園查詢有關盈樂熊貓館註冊一事,公關以「客人資料保密」為由拒絕回應,但卻未有否認。

放大圖片

有佬萬事足

錄影節目當日,仍未投入宣傳電影《寒戰》的錢嘉樂,陪伴盈盈出出入入,有老公陪實的盈盈,笑得燦爛。

放大圖片

父母月中來港

盈盈樂樂雙喜臨門,據知盈盈父母今個星期便會由加拿大返港,而已有三十八年未曾踏足香港的湯盈盈二哥,亦會一併前來飲喜酒。《壹本便利》圖片

慳逾 40萬

圈中人辦喜事向來都喜獲各大機構贊助,盈盈、樂樂亦不例外,除有海洋公園贊助註冊外,還有婚紗、影婚照、禮餅等等全部都唔使自己錢,慳得一蚊得一蚊。

共慳: 41.8萬

放大圖片

新人先坐幸福摩天輪

放大圖片

湯盈盈和錢嘉樂簽紙當日,熊貓盈盈樂樂會隔住玻璃見證喜事,咁樣結婚肯定超難忘。

放大圖片

熊貓餐廳搞 Cooktail

洲際使百萬

雖然慳咁多,但要在註冊兩日後( 15/11)在洲際豪擺至少 50圍,計嚇條數要成百萬,難怪嘉樂仔咁努力搵錢。

盈盈怨樂樂太忙

近日已懷四個多月身孕的盈盈已全面停工安胎,反而工作狂錢嘉樂還未停下來陪妻待產,至今仍為新片《寒戰》密鑼緊鼓宣傳,加上年底又要投入拍攝與劉德華合作的另一套大片,現正著手籌備拍攝事宜,根本無暇停下來。婚期將至,籌備婚禮統統交曬俾腹大便便的盈盈及好姊妹 Toby,令平時順得人的盈盈也變得躁底和忟憎。

盈盈身邊人透露,「盈盈不嬲都好 nice,但大肚婆易忟憎、易攰,所以呢排都有啲脾氣。加上嘉樂仔一做嘢就瞓曬身,成日唔聽電話,其實盈盈因為咁成日搵 Toby同 Margaret(鍾麗淇)訴苦。」

放大圖片

獨自搞婚禮

在新戲《寒戰》中,錢嘉樂擔當戲份極重的男配角,因此每次宣傳都必定要現身,籌備婚禮的重責便落在腹大便便的盈盈身上。《 Face》圖片

放大圖片

本月初,本刊發現湯盈盈獨自揸車到 Toby家中,車廂內她眉頭緊皺。有指她當日要到 Toby家中揀選婚紗款式。

放大圖片

煩躁扁嘴

當晚雖然有 Toby陪伴左右,但近日獨自忙於籌備婚禮的盈盈,整晚心不在焉,唧都唔笑。

放大圖片

犯禁赴百日宴

現時懷孕四個多月的湯盈盈,上周六( 6日)與好姊妹齊到尖沙嘴參加好友囡囡的百日宴,嘉樂仔全程冇影。對於大肚婆不可以赴親友喜宴,鬼妹仔性格的盈盈一於少理。

放大圖片

肉緊篤 B

湯盈盈見到好友 B女,即使唔可以抱埋身,但都肉緊地不斷用手指篤 B女額頭。

放大圖片

唔好忟,老公喺左近!(設計對白)《蘋果日報》圖片

嘉樂仔唔陪產檢

上周六( 6日),湯盈盈和 Toby到尖沙嘴參加好友囡囡的百日宴。現場所見,湯盈盈全晚木無表情,即使有 Toby開解,仍一副滿懷心事樣。記者上前問到籌備婚禮等事時,她都黑面拒絕回應。

湯盈盈心情差,全因前一日( 5日)錢嘉樂甩底冇陪佢做產檢所致。知情人透露:「盈盈一直搵開尹鎮偉做產檢,尹醫生喺行內數一數二,產檢預約成日 full。上個禮拜五,嘉樂仔應承咗會陪盈盈做產檢,點知突然話要返電影公司度橋,搞到盈盈要臨時取消個 booking。」

放大圖片

11/3預產期

早在兩個月前,本刊拍到錢嘉樂陪盈盈到名人產房養和度頸皮。據知,盈盈已 book了養和的私家房生 B,預產期為下年 3月 11日。

放大圖片

臨時取消產檢

上周五( 5日),盈盈原定 book了下午一點,到中環的尹鎮偉醫生做產前檢查,但由於當日嘉樂仔冇時間陪老婆,最後取消 booking。

洲際豪擺婚宴

雖然嘉樂仔工作狂冷落嬌妻,不過搏命做無非想搵多個錢可以令盈盈嫁得豪。據知錢嘉樂在洲際酒店所擺的婚宴,除了要豪花百萬,亦邀請到成龍及洪金寶等大哥出席婚宴。

周三( 10日)錢嘉樂出席《寒戰》首映禮,對於在海洋公園行禮,他笑著承認:「咦!你哋咁快知!其實好多嘢係 Toby同盈盈負責搞,流程細節我都唔清楚,不過可以有國寶見證我哋結婚係好有意義。(咁 15號婚宴點安排?)噚日我同三哥、志偉試咗菜,志偉教我如果唔想得失 TVB嘅人,就索性全部唔請,之後再補請食飯。」對於忙籌備新戲冷落盈盈,他說:「因為我拍親都係動作場面,所以要傾得好仔細,唔想有危險,我諗盈盈都會明嘅。」



Related Posts Plugin for WordPress, Blogger...