搜尋此網誌

2012年10月12日星期五

[忽然1周]自度求婚橋博入豪門 陳山聰辣㷫三太

肥聰陪修甲 <br><br>國慶日( 10月 1日),何超雲去銅鑼灣修甲,脹爆陳山聰陪足 4粒幾鐘。離開時超雲自爆中秋節同山聰去 BBQ,不過對於結婚傳聞,兩人都不肯回應。


滾熱辣

自度求婚橋博入豪門 陳山聰辣㷫三太

2012年10月12日

陳山聰與何家淑女超雲不理世俗眼光,愛得愈來愈癡纏。陳山聰為做何家快婿,有戲唔拍, 24小時全天候侍奉女友。早前更有傳陳山聰於歐遊時求婚成功,將於明年底拉埋天窗。

據知二人這次「私訂終身」,惹來三太陳婉珍極度不滿,認為有人自度求婚橋想促成婚事,為此三太曾勸諫超雲結婚大事不能草率。超雲亦唔敢違抗母命,近日改口聲言未打算嫁人。

本周三( 10日)本刊向三太求證,她透過助手斬釘截鐵表示:「冇喎,絕對冇結婚呢件事!」

睇 嚟陳山聰要入何家門,仲要過三太呢一關!


去年三月撻 著的何超雲與陳山聰愛得高調,男方更銳意轉型,向外表示會搞時裝品牌生意。三太陳婉珍即使對陳山聰有幾不滿,亦因為愛女關係,聲言會給陳一段時間去做些成績出來,不求門當戶對只求陳山聰有誠意。

事業未見眉目,二人卻傳來婚訊。今年 8月陳山聰在歐遊第一站葡萄牙求婚,除了準備求婚必備的玫瑰花外,更為超雲炮製驚喜。知情人透露:「山聰準備 咗好耐,仲親手整 咗 啲 嘢送俾超雲,不過死都唔肯講係乜 嘢,但佢話跪地求婚時,超雲即時感動到應承佢。」加上早前有指賭王何鴻燊豪送四億豪宅給超雲做嫁妝,令二人的結婚傳聞甚囂塵上。

放大圖片

齊齊返大宅

超雲與山聰坐上賭王送的百幾萬平治房車,齊齊返回三房位於黃泥湧道的大屋。

三太聞婚訊即落閘

據知超雲與陳山聰未得何家長輩准許,便在歐洲許下婚約,令三太極為不滿。消息一出三太便公開回應:「冇人叫我擇日,亦都冇人叫我 book酒店。」不滿之情盡現於面。 9月 27日超雲歐遊完返港,三太一度返回澳門,拒絕與超雲見面。周三( 10日),本刊記者再致電三太問及超雲是否辦婚事,三太透過助手回應:「冇喎,絕對冇結婚呢件事!」

陳山聰以為得到超雲肯首,「何家女婿」之位就坐定粒六,更高調向朋友公開喜訊,沒料到辣 㷫三太,落閘拒談婚事。

放大圖片

冇喎!絕對冇結婚呢件事!(真實對白)

放大圖片

超雲去歐洲玩足幾個月,仲傳出明年底結婚,三太唔嬲就假,超雲亦在微博呻有人唔想見自己。上周五( 5日)超雲急返澳門阿媽,仲 喺葡京門口拍照。

超雲對於母親的反應亦甚為 著緊,為了令對方息怒,超雲惟有反口拒嫁,急急向傳媒否認婚事。與陳山聰形影不離的她,更於上周五( 5日)專程到澳門施嗲功三太。知情人士說:「超雲雖然愛得好盲目,但佢知道媽咪咁嬲都唔敢再亂 嚟,只係叫山聰唔好再提結婚住,話遲 啲先算!」

入屋成功

放大圖片

《蘋果日報》圖片

兩人拍拖初期,三房嘅飯局超雲都會帶陳山聰出席,賭王都歡迎,三太亦冇棒打鴛鴦。不過講到要結婚,三太當然唔會咁易俾山聰得米。

三太下令唔准過夜

本刊記者於三房大宅外守候多日,終於在周三( 10日)下午見三太現身,對於記者的提問,她一概未有回應便怒氣沖沖回家,似乎對愛女私下決定婚訊之事仍未釋懷。外間一直有傳陳山聰已深得三房上下、甚至賭王歡心,但三太對他依然有所防範,更於大宅廣布線眼,「雖然山聰成日都會去超雲屋企陪佢,不過三太管得 啲仔女好嚴,唔准山聰留低過夜。」知情者透露。

超雲愛陳山聰如此死心塌地,不時透過微博及 instagram向男友傳情。陳山聰對收伏這位何家千金其實甚有心得,不但投其所好,做其貼身保鑣兼私人攝影師,就連超雲的小姐脾氣都逆來順受。事實上,陳山聰與超雲拍拖後亦鮮見二人單獨現身,本月初( 1日)陳山聰陪貪靚的超雲到銅鑼灣整指甲,陪足女友四粒鐘後更拖實離去。

放大圖片

何家工人兩份用

放大圖片

記者連日來在超雲寓所守候,發現超雲經常叫工人去超市買日用品、即食麵等,再送去陽明山莊陳山聰寓所。工人兩份用,陳山聰都好識搵著數。

唔解約留後路

仍與無 綫有約的陳山聰,去年拍罷《天梯》後便拒絕出席公司任何活動,就算激嬲一直俾機會他的樂易玲亦在所不惜。早前樂小姐因一直聯繫不到陳山聰而盛怒,更要其好友郭政鴻幫忙傳話。

對於陳山聰傳婚訊,樂小姐周三在電話中代為否認:「佢兩個冇計劃結婚喎!(你終於聯絡到佢?)上星期一齊食過飯,我覺得超雲仲好後生,唔係一拍拖就要結婚 啫!」樂小姐又證實陳山聰與無 綫尚有合約:「佢話唔會再拍劇,已經搞緊生意要從商,山聰之前都同添哥講《天梯》係佢最後一套劇,不過我 哋冇傾到解約問題。」

陳山聰甫返港即搵樂小姐食飯搞好關係,萬一不幸入唔到何家門,都可以留條後路返娘家繼續拍劇 吖!陳山聰果然係醒目仔。

放大圖片

棄影從商

《蘋果日報》圖片

放大圖片

樂易玲表示陳山聰與無綫雖然有合約,但暫時唔會返無綫拍劇,因他現正忙於籌備做生意。《蘋果日報》圖片

肉麻當有趣

何超雲自與陳山聰公開拍拖後,大部分時間都在歐遊,不時將歐遊相放上微博。兩人都愛公開互 冧,你送花時我又送太陽眼鏡,超雲更大讚山聰唔係同佢講金,為人好單純,真係肉麻當有趣!

葡萄牙求婚

今年 8月去到歐遊第一站葡萄牙,有傳陳山聰在旅途中突然送上紫色玫瑰花向超雲求婚,超雲 冧爆應承。

讚男友單純

超雲愛得麻木,不時在微博狂讚男友。其中一次更大讚陳山聰與她一起不講求物質,為人單純,讓她心靈上得到滿足。

小學雞紋身

歐遊期間超雲病倒,陳山聰為女友,讓她在其手臂上任畫,超雲畫了一個穿箭心,寫上兩人的英文名頭一個字母。依家小學生都唔玩啦!

鐵塔前激吻

去到巴黎鐵塔,兩人手拖手跳起拍照,陳山聰把相放上微博,仲話本想在鐵塔下試「反轉再反轉」激吻。

生日送黑超

10月 2日陳山聰生日,超雲送上黑超一副。物輕情義重,陳山聰即在微博多謝女友。

契女齊慶生

超雲返港後攬實陳山聰的契女(郭政鴻兩女兒),向男友送上生日祝福。

賭王愛送禮

賭王出手一向闊綽,作為佢 嘅子孫,除了結婚、生日有禮物收外,無啦啦都可以送車送樓送鑽飾。而超雲今年初收到的 4億豪宅,似乎並非如外間所講一定係嫁妝。

放大圖片

有傳賭王送贈位於香島道、價值四億的大屋給超雲做嫁妝,不過三太透過助手否認兩人婚事。

超雲 18歲做業主

08年超雲 18歲生日,賭王在澳門旅遊塔為她舉行盛大的生日派對,又送鑽飾又送樓。超雲更自爆在香港及外地都有物業,全部都是爸媽送贈。 21歲生日時亦獲賭王贈百萬元平治房車。

龍鳳胎收澳門豪宅

09年龍鳳胎超蓮和猷啟 18歲生日,賭王除了送上數十萬的名錶鑽飾外,更每人送兩層價值合共約二千萬元的澳門豪宅作禮物,並於君悅酒店 ballroom舉行生日派對。

何超賢收 16億大宅

去年賭王將市值逾 16億元的淺水灣道一號大宅業權轉給長房大女何超賢,長房各成員對此都感到欣慰。超賢又說大宅是她和子女的成長見證,斷言「絕對唔會賣」。



Related Posts Plugin for WordPress, Blogger...