娛聞樂
昆山直擊 鄭嘉穎麻甩現形
2012年10月12日
正在上海昆山拍內地劇《葉問》的鄭嘉穎，身價已暴漲到 30萬一集，拍一套劇穩袋過千萬。為了 keep住高身價，零功夫根底的他，搏老命演葉問一角，日曬雨淋不停打之外，酒店房仲擺了木人樁，一於將勤補拙。
功夫尚未練好，但麻甩功架卻十足。本刊記者連日於昆山獨家直擊，發現鄭嘉穎「 law霸」上身勁麻甩，國慶當晚（ 1日）宴請劇組人狂擦大閘蟹，他竟當眾撩鼻屎、吮手指、扯煙，完全不顧視帝身份。
鬼咩！無 綫小生逐個出事，樂小姐下令要戒色，冇女溝日日對住班男人，唔使再扮情聖咯！
國內劇《步步驚心》不但令鄭嘉穎在內地人氣爆燈，更令其身價暴漲，由《步》 15萬一集急升至現在拍《葉問》 30萬一集，成為無 綫今年最賺錢的男藝人，難怪視帝一直留在國內拍劇，唔願返香港。
在國內拍劇時間久了，鄭嘉穎似乎已被同胞同化，變得麻甩。記者親身到上海昆山採訪《葉問》拍攝情況，國慶當晚（ 1日）鄭嘉穎與劇組人員到陽澄湖附近的「琪姐蟹坊」食大閘蟹，可能是同 枱全男班的關係，他完全不顧儀態，用完手指公撩鼻，不久啜手指，顯得好自在好過癮。
飲啤酒降火
記者在窗外數住鄭嘉穎共擦了 9隻蟹，狂隊 15杯啤酒，而且杯杯清，看似極度享受。知情人士透露：「嘉穎 嚟 咗昆山拍劇兩個幾月，每日拍十幾個鐘，拍完都返酒店休息，晚餐通常叫 room service。今次國慶去食蟹，係當慰勞劇組人員。 嗰晚佢好高興，成班男人食煙飲酒講粗口，佢都係做番自己，仲話食蟹飲啤酒可以降火，所以不停搵人隊酒，連老闆娘經過佢都唔放過，要同人飲番杯。」
難得外出吃飯當然要飲個痛快，幸好鄭嘉穎未有飽暖思淫慾，飯後即乖乖返酒店。如此檢點，都因早前林峯、吳卓羲及黃宗澤都在國內惹上桃花劫所致。據知無 綫高層樂易玲已下令嘉穎戒女色，除了拍劇聘請的女助手外，其他時間都不可有女埋身。食蟹當晚，除了兩名女助手外都是全男班。
女主角反應冷淡
鄭嘉穎一向有女人緣，早前有傳與《葉問》飾演葉問太太的韓雪撻 著。連日來鄭嘉穎經常主動撩韓雪傾偈，人前人後都稱呼她做「老婆」，記者聽到兩人其中一次對話中，他提到拍打鬥戲時弄傷眼睛，即時左手按住左眼，裝作痛楚，不過韓雪似乎未有動容，冷淡回應。鄭嘉穎惟有飲啖熱茶避尷尬，冇癮地行到別處刨劇本。而兩個女助手都好識做，即時左右服侍，免得老闆唔高興。
為了投入角色，除了經常與韓雪傾偈增加「夫妻」感情，鄭嘉穎更特意買了木人樁放在酒店房內，隨時可以葉問上身練功。搏老命投入演出值得一讚，不過睇完佢麻甩樣，隨時嚇走 fans呢！
溝女聖手
42歲的鄭嘉穎，次次拍劇都與同劇女角傳緋聞，幾乎無一幸免。難怪有指樂小姐下令要他戒女色，以免影響形象。
苟芸慧
11年 10月，拍《怒火街頭 2》傳與同劇女角苟芸慧搭上，由於女方採取主動，鄭嘉穎難以抗拒，拍劇完畢後戀情無疾而終。
劉詩詩
11年拍內地劇集《步步驚心》，被指與同劇演員劉詩詩相當投契，女方更主動出擊，相約鄭嘉穎收工打邊爐。
佘詩曼
08年為新劇《法證先鋒Ⅱ》密集宣傳，有傳鄭嘉穎背住女友周麗淇狂追阿佘，更多次被斷正鬼祟約會。但因男方不願公開戀情， 09年最終分手，去年底再傳二人翻撻。
