周海媚《神鎗狙擊2013》試造型

好耐冇見嘅周海媚今日返咗電視城幫《神鎗狙擊2013》試造型，雖然呢套劇12月開工，不過海味話仲未簽約，唔通又係價錢嘅問題？海味好淡定咁話：「其實都唔係錢嘅問題，只係仲有啲細節未傾，傾完就可以簽約。」海味仲話最近簽咗新公司，幫佢安排工作添。

歐陽震華今日又喺電視城開工，講到同無綫嘅合約，佢笑笑口話：「原來我哋未完約，拍曬先再傾。」

周海媚12月開拍無綫新劇。



久違嘅歐陽震華都現身無綫拍劇。