《雷霆掃毒》大結局狂穿崩 林峯爆粗大叫仆街
林峰被黃智賢激到爆粗
[23:27] 2012/11/04
【on.cc 東方互動 專訊】 TVB劇集《雷霆掃毒》大結局劇情峰迴路轉，林峰慘被大奸角黃智賢玩殘，大叫：「你個仆街！」除了林峰喪叫外，劇集完結前更與另一劇集《飛虎》大玩Crossover，將飛虎成員羅仲謙、王浩信、梁烈唯及袁偉豪四人調派到毒品調查科做官恩娜下屬，可能是為續集埋下伏線。
林峯憤怒mode﹕你個仆街﹗
2012-11-04 22:46:01
大新聞呀﹗大新聞呀﹗林峯講粗口呀﹗佢頭先喺《雷霆掃毒》講「你個仆街﹗」呀……人哋係貴公子嚟0架嘛，只係chok，但唔會「粗住chok」，依家算唔算破戒？
嚇？大新聞？其實只係網民反應而已。劇情講林峯誤中黃智賢圈套，向苗僑偉開槍。等到苗僑偉奄奄一息之際，黃智賢先至施施然講出真相，寸爆林峯一直唔信自己嘅好兄弟，仲叫佢應該吞槍自殺呀﹗
就連Leo詹志文聽完林峯講粗口，都嚇一跳，喺facebook更新status話﹕「林峯爆粗? 講PK? Oh No!!!!!!」幾多感歎號呀﹗唔知峯峯能否憑呢個「Happy Sir憤怒mode」攞影帝呢？
林峯嬲到依起棚牙(應該係「咬牙切齒」)，聽住黃智賢大講風涼話。 
嚟料喇，峯峯要爆喇﹗ 
死於兄弟手中的三哥。 
好大滴眼淚。 
嬲到反眼。 
黃智賢係咁刺激林峯，好戲到不得了﹗ 
詹志文facebook 
爆咗，向黃智賢開槍，開到冇子彈。
《雷霆》結局狂穿崩 唔睇唔得
2012-11-04 23:20:11
化學題，可卡因融喺水裡面之後，人吸入咗，會唔會死呢？唔係少少喎，而係13億可卡因，混合喺水中。如果水樽爆炸，水花四濺，咁人吸入咗水份裡面嘅可卡因，死唔死0架？
哦，睇完《雷霆掃毒》頭先林峯同官恩娜係咁向混咗可卡因嘅幾十樽蒸餾水狂開槍，射爆曬啲樽，可卡因水爆到周身周地都係，但兩位主角都冇事，哦，原來唔死得。
槍戰玩咗咁耐，彈來彈往，林峯喪開槍，都打唔死黃智賢。究竟佢係咪拎錯咗BB彈？點解哥倫比亞毒販、仲係勢力最大嗰隻，要自己親自嚟香港交易？仲要同兩個同鄉喬裝救護員而冇人發現？
大結局播完，潘sir有冇死？憑鄧梓峰爆船後嗰個突然變黑白嘅畫面，令觀眾懷疑有古怪，可能冇死，拍續集。有眼你睇，臨尾出發(係，紀律部隊劇嘅「傳統」)嗰陣，官恩娜班手下，變曬《飛虎》猛將。有理由相信，續集係《飛虎 X 雷霆黑警》。
官恩娜同林峯好型咁向裝滿可卡因嘅水樽開槍。
水樽裡面嘅可卡因爆到周圍都係。 
而林峯吸入咗大量含有可卡因(價值13億)嘅水份，仍然冇事，仲可以咬牙切齒。 
點解哥倫比亞毒販，仲係勢力最大嗰隻，要自己親自嚟香港交易？仲要同兩個同鄉喬裝救護員而冇人發現？ 
《雷霆》結果一秒變《飛虎》
